Светот денес

eve jas ke pocnam prv ...

Албански министер разрешен оти барал секс

Албанскиот премиер Сали Бериша синоќа го разреши министерот за култура, туризам и спорт Или Панго поради сексуален скандал објавен на албанската телевизија Топ Чанел.

Разрешувањето дојде веднаш по објавувањето на снимки во емисијата „Фикс Фаре“ во која министерот Панго бара сексуални услуги од новинарка на Топ Чанел, која се претставува како заинтересирана невработена за да добие работа.

Албанската приватна телевизија Топ Ченел синоќа емитуваше снимка направена со скриена камера на која Панго разговара со жената и при тоа и вели да се соблече, наводно за да види дали таа тоа навистина ќе го направи за да ја добие работата.

Инцидентот наводно се случил во домот на Панго во Тирана минатиот месец.

Официјален претставник на албанската Влада соопшти дека Бериша го разрешил Панго „веднаш по емитувањето на снимката“.

Бериша изјави дека ваквите активности се неприфатливи во неговата Влада, додека пак сега разрешениот министер Панго вели дека станува збор за монтажа.

Панго ги отфрли обвинувањата тврдејќи дека се работи за успешна монтажа.

Сексуалниот скандал кој е прикажан на телевизијата денеска на насловните страници го пренесуваат сите дневни весници, а електронските медиуми ги емитуваат снимките во нивните ударни термини.

Палау - 56-та држава која го призна Косово

Пацифичката Република Палау денеска ја призна независноста на Косово, соопштуваат од Министерството за надворешни работи на Косово.

„Денеска во амбасадата на Косово во Вашингтон е предадено писмо од претседателот на Република Палау Јохансон Торибионг, со кое се потврдува дека оваа држава ја признава независноста на Косово“, стои во соопштението од Министерството.

Во него се додава дека претседателот Торибионг, кој е во посета на САД, на овој начин позитивно одговорил на барањето на претседателот Сејдиу да се признае Косово.

Инаку, Република Палау е држава во Тихиот Океан, на околу 500 километри од Индонезија, стана независна во 1994 година.

Палау стана 56-та држава која го призна независно Кос

Српската полиција приведе македонски државјанин кај кого пронашла марихуана

Врање, 11 март (МИА) - Српската полиција на граничниот премин Прешево приведе македонски државјанин поради сомнение дека извршил кривично дело, производство, поседување и пуштање во промет на опојни дроги, соопшти Министерството за внатрешни работи на Србија.

Полицијата го приведе Ваљон М. (23), кој е изведен пред истражен судија во Окружниот суд во Врање, јави Танјуг.

За време на претресот полицијата кај осомничениот пронашла девет грама марихуана.

Судијата на Окружниот суд на Ваљон М. му изрекол парична казна од 50 илјади динари (529 евра).

izvor: Mia preneseno od IDIVIDI

krajno vreme bese .......... nemase rezon da ne bide ..........

Вооружени момчиња со метални шипки искршија излози на банки и продавници во центарот на Атина

Атина, 13 март (МИА) - Околу 50 момчиња со качулки на главите, вооружени со метални шипки денеска искршија излози на повеќе банки и продавници, а оштетија и неколку автомобили во луксузниот кварт Колонаки во центарот на Атина. 

Инцидентот траел неколку минути, а момчињата побегнале пред да пристигне полицијата.

Напаѓачите фрлале летоци во кои се бара ослободување на момче, уапсено во 2007 година поради оружен напад врз банка во Атина и кое се смета од страна на полицијата за член на анархистичкото движење.

Момчињата ги искршиле излозите на филијала на Националната банка на Грција, на уште три други банки и на околу шест трговски објекти, меѓу кои и многу луксузни продавници. Биле уништени и околу десет автомобили.

Според полициски извори напаѓачите избегале во зградата на Правниот факултет во центарот на Атина. Влегувањето на полицијата во образовните институции во Грција е строго забрането.

Извор: МИА

Срби закопани на депонија во Косово?


Косовската влада во соработка со германските и со турските единици на КФОР во јули минатата година тајно закопала неколку стотини тела на Срби и неалбанци во околината на Призрен, на локацијата Ајдучка Чешма, тврди белградски „к*рир“.

Според весникот, станува збор за жртви на трговија со органи, кои биле ископани од северот на Албанија и префрлени на косовската територија за да се прикријат доказите за злосторството. „к*рир“, кој се повикува на анонимен извор, наведува дека настраданите се од т.н. жолта куќа во Албанија, каде што им биле вадени органите.

Како маска за целата акција помогнала и медиумската врева и масовните протести на косовските Албанци поради доаѓањето на две цистерни со опасни хемикалии од Иран, кои влегле од Македонија и наводно требало да се уништат во Трепча. Според анонимниот извор, во тоа време во околината на Призрен пристигнале два шлепера со бугарски регистрации, кои ги пренесувале телата на убиените. Единиците на КФОР обезбедиле депонија и со образложение дека уништуваат материи од цистерната, им забраниле пристап на жителите, тврди „к*рир“.

Kako i da e ne e opravdano,i ako i jas mislam deka e propaganda ama mozebi e tocna informaciata,vcera procitav na nekolku sajtovi za ova.

Kako i da e sto se cudite tolku,istite raboti dolgi godini se pravese na albancite vo Kosovo od strana na srbite, taka da sve se vraka vo ova vreme