Свештенството

Една од најголемите пречки за духовно прободување на нашиот народ е коруптивната природа на македонското свештенство.

Но уште поинтересно е што се поставуваат некои прашања, кои би можеле да сугерираат дека воопшто идејата за свештенство е погрешна. Имено, во Библијата никаде не ја гледаме потребата од свештенство. Така, Апостолот Петар (според Рим дури и првиот Папа, очигледно не мислел за себеси така) ќе каже:

„Но вие сте избран род, царско свештенство, свет народ, луѓе придобиени за да ги возвестите совршенствата на Оној Кој ве повикал од темнина во Својата чудесна светлина“ (1 Пет. 2:9)   

И самиот Петар нема да се нарече себеси свештеник, ниту патријарх, ниту папа, туку обичен старешина (пресвитер) (1 Пет. 5:1). Ќе додаде во 5:3 дека службата на старешините не е да управуваат, туку да бидат пример.

И Апостолот Јован ќе додаде: „Кој не' направи пред Бога и Неговиот Отец царство на свештеници“.

Исто така и меѓу христијанските „редови“, никаде нема свештенички ред. Постојат три збора кои се користат за овие служби:
diakonos = служители
presviteros = старешини
episkopos = надгледници

На ниеден од овие не им е дадена служба на свештенство, бидејќи терминот за свештеници hiereus се користи како служба на која и е поминат векот. Нејзината употреба е секогаш за оние кои не го препознаа Христа.

Дури ако ја разгледаме и пошироката листа на „редовите“, кај Апостол Павле, ќе видиме чудна работа, таму ги имаме:
Apostolos = Апостолите = Пратениците
Profetas = Пророците
Evangelistas = Евангелизаторите = Мисионерите
Poimenas = Пастири
Didaskalos = Учители (Даскали)

Значи повторно недостасува зборот свештеници.

Дури и понатаму, улогата на посредништво (т.е. функцијата на свештенството) е укината во Христос, кое што е јасно објаснето во Евреите 10-13. Таму јасно се истакнува дека не се свештениците тие кои можат да се застапат за нас, туку секој лично „му принесува на Бог пофална жртва“ (Евр. 13:15). А знаеме дека жртвувањето е „специјалност“ на свештениците.

Понатаму, Христос е наречен единствен посредник меѓу човекот и Бог. (1 Тим. 2:5).

Историјата исто така потврдува дека се до времето на Кипријан кој три века после Христа ги протолкувал старозаветните свештенички служби како полноважечки за црквата, тотално игнорирајќи го Новиот завет и неразбирајќи ја целата поента на Посланието до Евреите, немало свештенички редови во раната црква.

Ја поставувам оваа тема со мојата теза дека секој кој го има Христос (значи секој христијанин) го има и сето она што е Христово, во Неговата полнота. Христос е Нашиот Единствен Управител, Спасител и Единствен Свештеник. Секој кој се претставува како свештеник во христијанска служба, всушност го узурпира местото Христово и ја омаловажува Неговата совршена жртва, на која не и потребно никој да ја дополнува.

Ви посакувам Божји благослов додека ги разгледувате овие мисли.

А каде виде ти дека semkarot поставил прашање?

Да, многу добро кажано. Што ќе ви е свештенство, кога е поубаво распашано стадо.
Не е ни чудо што в’ците така лесно навлегуваат во вашите трла и ви подметнуваат секаква трева за пасење....

Зашто, секој првосвештеник, кој е избран од помеѓу луѓето, се поставува за луѓето, за да служи пред Бога, за да принесува дарови и жртви за гревовите,

   Евреите 5;1

   Ако сте христијани значи не треба да дозволувате некој свештеник да се застапува за вас.Христос се принесе како жртва за вас за измирување со Бог, односно простување на гревовите.

Потреба од свештенство имало пред појавувањето на Христос!

Господ не дојде на земјата да го поништи Стариот Завет, туку да го исполни.

Новозаветното свештенство започнува и е уредено од Самиот Исус Христос. Тој е Првосвештеникот, но после Него има и други свештеници кои ги извршуваат тајните кои Тој им ги оставил на правите исповедници на вистинската вера.

Првите свештеници биле Апостолите и тоа право им го дал Господ, како што и читаме во Новиот Завет.

Нив ги избира и испраќа да го проповедаат Евангелието, а не сите верници.

Матеј 10: 5
Тие дванаесет души ги испрати Исус и им заповеда, говорејќи: „По пат кон незнабошци не одете и во самарјански град не влегувајте;

Марко 6: 7
И ги повика дванаесетте, и почна да ги праќа по двајца, и им даде власт над нечистите духови.

Лука 6: 13
А кога настана ден, ги повика учениците Свои и од нив избра дванаесет, кои ги нарече апостоли:

Лука 9: 2
И потоа ги прати да го проповедаат царството Божјо и да лекуваат болни.

Јован 20: 21
А Исус пак им рече: „Мир вам! Како што Ме прати Отецот, така и Јас ве праќам.

На дванаесетмината апостоли им дал власт да лекуваат и изгонуваат нечисти духови, а не на сите верници.

Матеј 9: 1
И кога ги повика Своите дванаесет ученици, им даде власт над нечистите духови, да ги изгонуваат и да лекуваат секаква болест и секаква немоќ.

Лука 9: 1
Откако ги повика Дванаесетмината, им даде сила и власт над сите нечисти духови, и да лекуваат болести.

Марко 3: 13
Потоа се искачи на гората и ги повика кај Себе оние, кои Сам ги одбра и тие дојдоа кај Него. 14 Избра дванаесетмина кои ги нарече апостоли да бидат со Него и да ги праќа да проповедаат; 15 и да имаат власт да лекуваат болести и да изгонуваат демони:

Ним им дава власт да разрешуваат гревови, а не на сите верници.

Матеј 18: 18
„Вистина ви велам: се што ќе сврзете на земјата, ќе биде сврзано и на небото; и се што ќе разврзете на земјата, ќе биде разврзано и на небото.

Матеј 16: 19
И ќе ти ги дадам клучевите од небесното царство, и што ќе сврзеш на земјата, ќе биде сврзано на небесата; а што ќе разврзеш на земјата, ќе биде разврзано и на небесата.

Јован 20:23
На кои ќе им ги простите гревовите, ќе им се простат, а на кои ќе им ги задржите, ќе им се задржат.

Ним им налага да ја вршат Евхаристијата (што е жртва – онаа жртва која Господ ја даде за нас – Своето пречисто Тело и Својата чиста Крв за спасение на светот), а не на сите верници.

Лука 22: 19
Потоа зеде леб и заблагодари, го прекрши и им даде, велејќи: „Ова е Моето тело, што се дава за вас; правете го ова за Мој спомен!

1 Коринтјани 11: 24
и, откако заблагодари, го прекрши и рече: „Земете, јадете, ова е телото Мое, кое се крши за вас, правете го ова за спомен Мој!“

Ним им даде власт да крштеваат, а не на сите верници.

Матеј 28:19
Одете и научете ги сите народи, крштавајќи ги во името на Отецот, и Синот, и Светиот Дух,

Ним им вели дека ако не ги слушаме и се откажуваме од нив, не Го слушаме и се откажуваме од Бог, а не на сите верници.

Лука 10: 16
Кој ве слуша вас, Мене Ме слуша; и кој се откажува од вас, од Мене се откажува, а кој се откажува од Мене, се откажува од Оној што Ме пратил

Матеј 10: 40
„Кој ве прима вас, Ме прима Мене; а кој Ме прима Мене, Го прима Оној што Ме пратил.

Јован 13: 20
Вистина, вистина ви велам: кој го прими оној што го праќам Јас, Мене Ме прима, а кој Ме прима Мене, Го прима Оној што Ме прати.

Значи, од сево ова кажано, јасно е дека Господ ги издвојува апостолите од останатите верници.
Но, понатаму Светото Писмо ни кажува дека Апостолите имале власт, тие дарови да ги пренесат и на други верници преку ракополагање, а тие други на други...

Дела 20: 28
Грижете се, пак, за себе и за целото стадо, во кое Духот Свети ве постави за епископи, за да бидете пастири на црквата на Господ и Бог, која ја придоби Тој со Својата крв.

1 Тимотеј 5: 22
Раце на никого не полагај пребрзо,

2 Тимотеј 1: 6
Поради тоа ти напомнувам да ја распалуваш Божјата дарба, која ја имаш во себе преку полагањето на моите раце.

Тит 1: 5
Затоа те оставив во Крит, за да го довршиш несвршеното и во сите градови да поставиш презвитери, како што ти бев порачал

Од ова се гледа дека свештенството е света тајна дадена од Бога која се наследува со молитвено ракополагање.


Продолжува…

Изменето од Maran Ata - 27.Октомври.2008 во 10:56

Ев, наредниот пат пред да постираш нешто - прочитај, размисли, па постирај.

Маран Ата, секој христијанин е повикан да го проповеда Словото/евангелието и тоа нема врска со проповедничката служба во Црква.

Изменето од EvAngelos - 26.Октомври.2008 во 16:21