Референдум за формирање најниска плата!!

Аууу како сум пропуштила таква вест.
Еве сега најдов во стар Дневник, навистина. Криминално и недопустливо нешто, владата да го финансира првиот синдикалец, кој по закон треба да се “бори“ со неа за работнички права.

Првиот синдикалец во незаконски договор со Владата

И овој ќе се борел за минимална плата?!?!

Предизборно сите се растрчаа да ветат минимални плати за работниците, и власта и опозицијата.
Како досега не им текна на ниту едните од нив, кога позади себе имаат по околу десетина години владеење, да го спроведат ова на дело и во закон, туку стално ваквите идеи им доаѓаат пред избори? Па и се обвинуваат едни со други кој од кого ја украл идејата?!

Нема да ме зачуди во текот на предизборната кампања и да почнат и со наддавања, кој поголем минималец ќе вети?!
(Може и ќе ја достигнат цифрата од 40.000, на темава предложена од Бугимен...)

Анастеа напиша: (Може и ќе ја достигнат цифрата од 40.000, на темава предложена од Бугимен...)

pa, tolku e , ama ....vo kletata grcija!

Najniska plata mozhe da odredi i garantira samo ekonomski dobro stokmena i stabilna drzhava.

Kaj site drugi minimalnata plata ima plovachka vrednost i samata se odreduva spored aktuelnite ekonomski uslovi.

aha,

15.02.2013, 17:29
Месечно за живот потребни 20.000 денари



Македонската платформа против сиромаштијата смета дека и во Македонија треба да се воведе минимален достоинствен приход

Минималните месечни средства за живот на самец треба да изнесуваат од 10.000 до 20.000 денари, за семејство без деца или со едно дете од 20.000 до 30.000 денари и 40.000 до 60.000 за семејство со две или повеќе деца. Ова се резултатите од истражување на Македонската платформа против сиромаштија (МППС), кои беа презентирани на вчерашната трибина на која се дискутираше за мерки за намалување на сиромаштијата. Со истражувањето биле опфатени 73 лица од различни националности и од семејства со најразличен број на членови, при што 36 од нив не биле осигурени, а 24 биле невработени. Според анкетираните, главни генератори на сиромаштијата се невработеноста, ниската законски утврдена минимална плата и нискиот износ на социјална помош, како и ригорозните услови за корисниците на социјална помош.

„Нивото на социјална помош треба да се зголеми, а за да се постигне тоа треба да се зголемат и минималните лични доходи“, рече Мила Царовска, претседател на МППС на трибината. Таа укажа дека актуелниот систем, кој на примателите на социјална помош не им се дозволува да работат, не функционира. „Со тоа им се намалува можноста да најдат работа, но и мораат да се кријат ако работат од страв дека ќе бидат откриени и ќе ја изгубат и онака ниската социјална помош, која не им е доволна за опстанок“, додаде Царовска.

„Правото на минимален достоинствен приход е основно човеково право и тој во Европа е 60 отсто од расположливиот просечен семеен приход“, истакна Сиан Џонс, од Европската мрежа за борба против сиромаштијата. Таа смета дека минималниот достоинствен приход не е исто што и минималниот личен доход, кој во најголем дел европски земји е пренизок. „Но, со воведувањето на овие социјални категории, сиромаштијата е намалена за една третина во земјите кога стапиле во сила“, смета Џонс.

Џонс, инаку, не верува дека злоупотребата на социјалните мерки е значајна. „Точно е дека секогаш има лица кои ќе го злоупотребат системот на социјална помош, но ова е многу мала појава. Далеку позначајна е појавата на избегнување на даноците. А, собирањето на даноците е од големо значење за квалитетно функционирање на системот на социјална помош“, рече Џонс.

Затоа, за намалување на сиромаштијата, на трибината МППС заклучи дека и во Македонија треба да се воведе минимален достоинствен приход, кој ќе го гарантира државата за сите граѓани како предуслов за нормален достоинствен живот, да се зголеми износот на социјална помош, а со тоа да се зголеми и минималниот личен доход во Македонија. Платформата препорачува да се продолжи со Стратегијата за сиромаштија до 2020 година и зајакнување на поддршката на ранливите групи на граѓани. (Ј.Ј.В.)