Ако некогаш сте посакале да проверите колку вашиот пријател или пријателка има порнографија на компјутерот, тогаш новото USB на компанијата Paraben е вистинска работа за вас. Со приклучување на овој стик во компјутерот можете да детектирате 99 отсто од порнографските фотографии.

Уредот чини 100 долари, а според CNET.com, пребарувањето на хард дискот се врши со напредни алгоритми кои ги категоризираат фотографиите, ги идентификуваат лицата и ги пронаоѓаат потенцијално штетните материјали.

Ако мислите дека со бришењето на фотографиите ќе се заштитите од ова USB, тогаш грешите. Овој стик ќе ги пронајде и порнографските слики кои сте ги избришале. Од Paraben наведуваат дека пребарувањето на компјутерскиот хард диск од 500 GB, кој содржи околу 70.000 фотографии трае 90 минути.

Сепак, овој гаџет не пребарува видео материјали, што значи дека љубителите на порно филмовите можат да здивнат.

Произведувачот на компјутери Lenovo го претстави својот прв таблет компјутер. Lenovo LePad светлото на денот ќе го здогледа на овогодинешниот саем за електроника CES 2011.

Apple со својот таблет iPad го разбуди заспаниот пазар со таблет компјутери и беше сосема логично да се очекува дека останатите производители ќе посакаат та скокаат во овој бран.

Lenovo на саемот CES 2011, кој од 6-ти до 9-ти јануари во Лас Вегас, ќе го претстави таблетот LePad. Уредот има 10,1 инчен екран осетлив на допир и резолуција од 1.280x800 пиксели, ќе работи на оперативниот систем на Google, Android со верзијата 2.2 и процесор Qualcomm Snapdragon 1,2 Ghz.

Ова во моментов се сите детали кои можат да се дознаат за уредот на Lenovo, LePad, а повеќе ќе дознаеме по службеното претставување. Според најавите, LePad би требало да чини отприлика 520 долари.