Кај холандските деца уште мали години се негува добро мислење за случувањата на нашиве простори, посебно околу односите меѓу Србите и Албанците, кои според нивните учебници во основа работите најдобро знаат да ги решаваат со колење.

Во учебниците за второ одделение по мајчин јазик има приказна за едно албанско момче на Косово на кое српските војници на градите со нож му врежуваат крст со четири С. Инаку, текстот започнува со тезата дека српските војници го окупирале Косово. Текстот е извадок од книгата "Жигосани," на проалбанската писателка од САД Алис Мед.

Информацијата за наставната програма стигнала во јавноста откако на еден од часовите се погодило да присуствува и ученичка со српско потекло, која одбила да одговара на прашањата во врска со лекцијата.

Ученичката за ова ја информирала мајка си, таа ја испаничила цела српска дијаспора, за целиот проблем да заврши во претставништвото на Српската православна црква во Холандија.

По ова Србите во Холандија испатиле протест до министерот за образование на земјата во кој бараат текстот да се отстрани од учебниците а сличното се очекува да го направи српската амбасада во земјата.

 

"Србија и Грција денес потпишале договор за реализација на првата фаза од проектот “Научно истражувачка и образовна компјутерска мрежа на југоисточна Европа” (СЕЕЛИГТХ) со која научните и образовните институции на Србија ќе се поврзуваат со академската мрежа на Европа."