Црвено - црни новости

Milano - Vardar   1 : 3     Kraj!

Bravo za fudbalerite uste ednas odlicno odigraa...


Komiti bea zapreni na patarina pred kumanovo! uste eden dokaz deka celo vreme se raboti vo makedonija protiv Komiti i Vardar!

друже ај те молам...само без кавги се друго може

И Милано во "машината 3"

* Вардар си ги искористи своите шанси на теренот во Куманово, казнувајќи ги многуте "утки" на Милано во текот на целиот меч

МИЛАНО - ВАРДАР 1:3 (1:2)

Стадион: "Милано Арена" во Куманово. Гледачи: 1.500.

Главен судија: Зоран Петковски. Помошници: Петре Кодовски и Петре Новачев (сите од Велес).

Делегат: Ангел Дамјанов.

Стрелци: Јанчевски 6', 32', Положани 85' (В) - Брандо 35' (М)

Ж. Картони: Статовци, Маневски (М) - Ковачевиќ, Муса Али, Јанчевски, Мегленски (В).

Играч на натпреварот: Бобан Јанчевски.

Вардар ја "сруши" браната во Куманово и со кренати раце си заминува од неприкосновениот терен на Милано, кој до вчера не беше освоен цели 11 месеци. Лидерот на прволигашката табела и најсериозен кандидат за титулата одново ја покажа својата сила и квалитет, и одново делејќи "тројка" во мрежата на противникот. Но вчерашната победа беше извојувана со многу мака. Сигурно не им беше лесно на "вардарците" на влажниот терен, а со нив во Куманово беше и среќата која ги следеше во неколку ситуации кога топките "фучеа" покрај голот на одличниот Пачовски, кој во првиот дел спаси и два зицера. На самиот старт од мечот иницијатива на Милано, меѓутоа сето тоа беше залудно кога со само еден потег Вардар дојде до водство. Во првото приближување во шеснаесетникот на Нурединоски, Милисављевиќ центира од лево, Ристов извиси, Брандо задоцни, а Јанчевски тоа знае како да го искористи и со прецизен удар стрела право во мрежата за молк на трибините на "Милано арена". Следуваше обид за враќање во натпреварот за Милано. Доминираа кумановските фудбалери, правеа шанси, меѓутоа Томе Пачовски е брилијантен. Не им дозволи прво на Гешоски, а потоа и на Глигоровски, и тоа од непосредни близини да го совладаат. На спротивната страна Вардар не го виде голот, меѓутоа тоа не го исплаши најтрофејниот македонски тим. Одново Јанчевски овој пат го искористи центаршутот од десно на Божиновски, му избега на Брандо и со глава не му беше тешко повторно да го совлада Нурединоски за убедливи 0:2. Меѓутоа, Милано и тука не сакаше пред време да го "положи" оружјето, а нивната добра игра конечно даде плод во 35. минута кога Брандо ја искористи невнимателноста во одбраната на гостите и ја тресе мрежата.

Една екипа играше во вториот дел. Тоа беше Милано. Каква ли само иницијатива имаше кумановскиот тим создавајќи многу, многу шанси, но среќата е со Вардар кога Глигоровски, Маневски, Сали, Алими... не успеаја да го совладаат Пачовски и тоа од многу поволни позиции. Вардар му ја препушти иницијативата на противникот, кој во последните 20 минути од мечот веќе немаше сили да дојде до втор гол. Пет минути пред последниот свиреж се повтори непишаното фудбалско правило, кога не се користат шансите стигнува казната. Ремек делото од слободен удар на Положани го докажа тоа ставајќи крај на надежите на кумановци и носејќи сигурен триумф на Вардар на тешкиот и до вчера речиси цела година неосвоен терен во Куманово.



Повреди за Ковачевиќ и Божиновски

На вчерашниот тежок терен под исклучително тешки временски услови за игра присутни и неколку груби дуели поради што дојде до повреди.

Предвреме играта од вардаровиот состав мораа да ја напуштат дефанзивците Жељко Ковачевиќ, кој очигледно и недоволно заздравениот од претходната повреда, но и Васко Божиновски.

Исто така неколкуте жестоки дуели на средината на теренот донесоа неколку интервенции на лекарските екипи од двата табора.

МИЛАНО ВАРДАР

8 корнери 5

16/8 удари/ во 7/6

20 прекршоци 23

4 офсајди 3

2 ж. картони 4

ОД ТРЕНЕРСКИ АГОЛ

БИЛБИЛ СОКОЛИ

"Во првото полувреме имавме многу шасни кои не ги искористивме. Од друга страна искусната екипа на Вардар од два напади постигна два гола. По таа негатива продолживме да играме, но кај нашите фудбалери повеќе беше присутна желбата отколку паметот, па од тука поразот е неминовен. Јас сум задоволен од играта на нашите играчи, и не ми преостанува ништо друго освен да ја честитам заслужената победа на Вардар".

РАТКО ДОСТАНИЌ

"Како прво јас би рекол дека победи фудбалот. Имавме феноменален дочек и организација од страна на екипата на Милано која треба да служи како пример. Видовме еден квалитетен натпревар во кој и едната и другата екипа можеше да го добие мечот. Ние на овој дуел имавме повеќе среќа и знаење да го приведеме натпреварот кон крајот".

Казнена експедиција...

* "Играме офанзивен фудбал со брза трансформација на четири до пет фудбалери во нападот. Фудбалот всушност се игра за голови, и тоа е нашата филозофија", вели "бомбардерот" Јанкер

Вардар препородениот не простува... Секој има можност да си ги искористи своите шанси, кој колку може, затоа што во спротивно следи казна. Вака, барем погледнато од страна, дејствува четата на Ратко Достаниќ на стартот од новиот шампионат конечно дефинитивно веќе навестувајќи го враќањето на епитетот - најтрофејното од Македонија.

Шест години "црвено-црната" армија навивачи го очекуваше лицето на својот клуб со кое ќе може да се гордее, за ете во 2008 по организацискиот препород веќе истото полека да се открива. А, искрено, без разлика на целокупната позитивна реорганизација, и најголемите оптимисти не веруваа дека Вардар уште од почетокот така лесно ќе дели "тројки" на кој стигне... 12 бода со 12 гола низ четирите кола, и тоа нанижани шампионот од пред една година Победа, најлутиот ривал Пелистер, секогаш амбициозната Ренова и минатогодишниот вицешампион Милано се повеќе од добар почеток на патот кон шампионската титула.

"Но, на шампионската титула с$ уште не сакаме да размислуваме. Има уште многу да се игра, минати се само четири натпревари а ние сакаме да одиме чекор по чекор", веднаш ја спушта топката "бомбардерот" во редовите на "вардарци", Бобан Јанчевски, кој и на жешкиот терен во Куманово двапати ја потврди својата гол форма.

"Најдоброто е што играме онака како што очекуваат сите од Вардар. Играме навистина офанзивен фудбал со брза трансформација на четири до пет фудбалери во нападот. Фудбалот се игра за голови, и тоа е нашата филозофија. Тешко е тогаш противниците да се бранат".

Сепак, против Милано не лесно се стигна до убедливиот триумф.

"Тежок натпревар, домаќинот имаше одлични можности, но ние знаеме да казнуваме секогаш кога е неопходно".

Навивачите очекуваат а љубителите на фудбалот посакуваат и натаму атрактивен фудбал. Продолжува ли гол серијата?

"Дај боже да продолжам на овој начин... Меѓутоа, за моите погодоци подеднакво се заслужни и колегите од тимот. Без нив тешко дека ќе биде оваа бројка на голови", вели популарниот Јанкер, на кого се надоврзува мислењето на репрезентативецот Артим Положани.

"Убаво е кога со триумф ќе заврши еден таков квалитетен натпревар. Знаевме како да го контролираме дуелот со Милано потврдувајќи ја досегашна доминација, меѓутоа дефинитивно сигурен сум дека знаеме и како да го контролираме понатаму патот до трофеите", истакнува Положани, кој со вистински евро погодок во финишот само ја запечати судбината на кумановци, кои се запишаа на списокот "жртви" на новата вардарова



ДЕН ПО СРЕДБАТА ВО КУМАНОВО ВЕЌЕ Е ЈАСНО ЗА НЕИЗДРЖАНОСТА НА ОДЛУКАТА ДА НЕ СЕ ПРИМААТ ВАРДАРОВИТЕ НАВИВАЧИ

"Комитите" ни пешадија до Куманово

Ако од сегашен аспект се погледнат полупразниот стадион во Куманово, одличната организација на средбата и високите безбедносни мерки за дуелот меѓу Милано и Вардар тогаш веќе се потврдува впечатокот за неиздржаноста на одлуката да не се дозволи присуство на најверните навивачи на Вардар, "Комитите", на неделната средба.

А, во неделата некаде околу 70 "Комити" сепак и покрај предупредувањето организирано тргнале за Куманово. Но на само два километри пред градот очекувано нивниот автобус бил пресретнат од полицијата со известување дека не смее понатаму. Зачудувачки, првично им било дозволено пешки да го продолжат својот пат, но веднаш потоа повторно упорните "Комити" биле пресретнати од полициски кордон со ново известување дека за нив нема ниту пешадија до Куманово.

Јасно е дека една од мерките за спречување на меѓунавивачките инциденти е и оваа, и секако најлесниот начин за да не се заморуваме со подоцнежно решавање на несакани настани. Меѓутоа, зачудува нееднаквоста во одлуките за слобода на движењето. Во Скопје има место за секоја навивачка група. Во Куманово јасно е дека трибината не беше причината за непримањето на вардаровите навивачи, истата онаа која и во многу полоша состојба претходно примала "Комити" на дуелите со Башкими.

Фудбалот, барем така водат размислувањата, се игра за навивачите. Организаторите мора тоа да го знаат, исто како што навивачите мора да знаат дека клубовите веќе не смеат да бидат жртва на нивното хулиганско однесување. Ред е во Македонија концентрацијата да биде на зелениот терен а не кон трибината. А, лекот, сепак не ќе да е во забраната за патување на "Комитите". Затоа што во Македонија ретко ќе се најде стадион кој ги задоволува сите безбедносни критериуми, а вардаровите навивачи ќе останат за домашна употреба.

pa mislam deka dobro go znaat site makedonski klubovi TETOVO . pa dojdete tamu da ve vidime

ПОРАДИ ИНЦИДЕНТОТ ЗА ВРЕМЕ НА НАТПРЕВАРОТ СО РЕНОВА, НАЈТРОФЕЈНИОТ МАКЕДОНСКИ КЛУБ ЗАРАБОТИ НЕОЧЕКУВАНО ВИСОКА КАЗНА

ФФМ "удри" 4 средби по Вардар

* Изненадувачкото е што за многу поголеми инциденти кога биле физички претепувани фудбалери, судии, делегати, во минатото Башкими или Шкендија минувале со слични казни

Навивачите на Вардар, ајде што не се пожелни во средините надвор од својот "Градски", во следните четири натпревари нема да имаат можност да го гледаат својот клуб и на средбите на домашен терен.

Според одлуката од вчерашниот состанок на Дисциплинската комисија на ФФМ поради инцидентот на Јужната трибина за време на натпреварот од 4. коло во Првата лига против Ренова, најтрофејниот македонски клуб следните четири првенствени средби како домаќин ќе мора да ги игра без публика. Како што стои во образложението на Дисциплинецот, казната следи поради инцидентот кој се случил во 85. минута од натпреварот со Ренова кога од страна на навивачите на ФК Вардар било нападнато раководството на ФК Ренова.

Јасно е дека "црвено-црните" мора да понесат своја одговорност за немилите сцени, меѓутоа изненадувачкото е што претходно за многу поголеми инциденти кога биле физички претепувани фудбалери, судии, делегати, па и на самиот терен, а натпреварите биле прекинувани, во минатото Башкими или Шкендија минувале со без малку слични казни. Очигледно е дека за некои во ФФМ силен Вардар во моментов е добар "терен" за неаргументирано "изживување"...

"Вардарците" сега натпреварите со Напредок (20 септември), со Хоризонт Турново (4 октомври) и Металург (25 октомври), како и средбата на домашен терен од 1/8-финалето од Купот на Македонија ќе мора да ги играат без публика. Додека на дерби дуелот со Работнички на 18 октомври, со оглед на тоа што Вардар ќе биде гостин, на "Градски" сепак најтрофејниот клуб ќе има навивачи.

Инаку, на вчерашниот состанок на Дисциплинската комисија на ФФМ, меѓудругото забрана од два натпревари настап поради неспортски однос добија фудбалерите Раде Каранфиловски (Маџари С), Марјан Стојанов (Вардар Декамел) и Едис Абди (Охрид), додека со по еден натпревар поради втор жолт картон се казнети Димитар Капинковски (Победа), Александар Крстев (Хоризонт Турново) и Бесарт Исаку (Охрид).

Второлигашот Вардар Декамел е казнет со парична казна од 250 евра поради присуство на неслужбени лица пред просториите за време на натпреварот со ФК Цементарница, додека со истата парична казна е казнет и ФК Скопје поради влегување на неслужбени лица на натпреварот со ФК Кожуф.



ВАРДАР ЌЕ ПОДНЕСЕ ЖАЛБА ДО ФФМ

Костовски: "Некоректно преголема казна..."

По вчерашната одлука на Дисциплинецот неизбежна и реакцијата од раководството на најтрофејниот македонски клуб.

"Ние сме подготвени да ја почитуваме секоја одлука на органите на ФФМ, меѓутоа апсолутно не сме задоволни што ФФМ во ниту еден момент не го зеде во предвид и нашиот став околу случувањата", вели потпретседателот на Вардар, Коста Костовски, притоа дополнувајќи:

"Се работи за објективно превисока казна. Висината на казната воопшто не соодејствува со случувањата на Јужната трибина. Одговорно тврдам дека немаше инцидентно однесување на нашите навивачи за вака висока мерка. Се беше навремено спречено. Ние ќе поднесеме жалба до ФФМ, и очекувам да биде намалена казната. Јас лично ќе барам и конкретен одговор од органите на ФФМ која е причината за ваквиот однос кон Вардар, кој во моментов со својот нов изглед повторно ги враќа навивачите на трибините, што всушност, ако не се лажеме, е желбата на сите кои работат во фудбалот. Која е целта тогаш на една вака превисока казна?".

"Црвено-црните" мора да се раздолжат со Цементарница 55

Дисциплинската комисија вчера донеса одлука со која се задолжува ФК Вардар да ја изврши одлуката на Арбитражниот совет на ФФМ број 03-228 од 7 мај 2008 година и да го исплати долгот на пет еднакви рати кон ФК Цементарница заклучно со 31 декември 2008 години, средства кои се должат за трансферот на фудбалерот Александар Васоски. Доколку одлуката не се спроведе до утврдениот датум во тој случај ќе следи суспензија за Вардар. Претходниот договор, пак, меѓу двата клуба а во присуство на раководни лица на ФФМ беше средствата да се исплатат во 12 рати.

Исто така ФК Вардар е задолжен да ја изврши одлуката на Арбитражниот совет на ФФМ најдоцна до 1 октомври 2008 година да го исплати долгот кон ФК Силекс за трансферите на Даниел Ивановски и Мартин Богатинов.

КАЗНА И ЗА ТРЕНЕРОТ НА ПОБЕДА

Здравески еден месец "замрзнат"

Шефот на стручниот штаб на Победа, Николче Здравески, заработи казна од еден месец забрана за вршење на каква било функција поврзана со фудбалскиот спорт поради отстранувањето од терен во 9. минута на натпреварот со ФК Напредок.

Претседателот на Победа, Александар Забрчанец, пак, доби опомена поради неовластено влегување во терен при постигнувањето на гол на екипата на Победа на натпреварот со Напредок.

И Милано и Ренова ќе плаќаат

Исплата, согласно одлуката на Арбитражниот совет на ФФМ, најдоцна до 1 октомври 2008 година ќе мора да извршат и ФК Милано и ФК Ренова.

Милано ќе мора да го подмири долгот кон ФК Работнички, додека Ренова кон ФК Силекс.

Доколку одлуките не се спроведат до утврдениот датум, според информацијата од ФФМ, како и во случајот со ФК Вардар, исто така ќе следи суспензија за двата клуба.

Јас навистина не сваќам што е Вардар крив...Патем мме...па кој прв почна....!!!!!!!!

Тече вардаровата "голеада"

* Низ две различни лица "вардарците" главно поради одличниот напад во вториот дел до нови три очекувани бода

ВАРДАР - НАПРЕДОК 4:2 (0:1)

Градски стадион во Скопје. Натпревар без публика. Главен судија: Љубомир Крстевски. Помошници: Панде Атанасов и Златко Стојановски (сите од Битола).

Стрелци: Глигоров 47', Милисављевиќ 69', Бајевски 78', Јанчевски 90' (В); Левков 21', Ставрески 84' (Н). Ж. картони: Милисављевиќ (В); Илиев, Трпеноски, Симјаноски (Н). Црвен картон: Трпеноски 86' (Н).

Играч на натпреварот: Немања Милисављевиќ




Инаку, вардаровите фудбалери во саботата на "Градски", сепак, имаа поддршка од 50 свои навивачи, кои ја искористија моменталната доизградба на Северната трибина, токму од таа страна, иако официјално надвор од стадионот, да го бодрат својот тим.

IMAS VARDAR TI VERNI KOMITI KADE ODIS TI NIE SO VAS SME NAPRED VARDARE!!!

Изменето од Vardar1947 - 22.Септември.2008 во 18:10