Македонски фудбал

16-то коло од Првата фудбалска лига

16-то коло од Првата фудбалска лига го содржи дербито, Вардар - Милано. „Црвено - црните“ шест мечеви се без победа. На тоа денеска на тренинг ги потсетија и навивачите кои по казната ќе се вратат на трибините.

Наспроти очекувањата Милано не влезе во криза, три натпревари не е поразен. Доволно мотиви за добар фудбал на „Градски“. утрешниот пренос е на а2 во 13 часот.

„Очекувам пред се еден квалитетен натпревар, очекувам победа на Вардар, очекувам сите оние испромашени шанси во овие изминати четири-пет дена да ги реализираме на овој натпревар, да покажеме карактер и да докажеме дека не сме надвор од форма како што некои тврдат, мислам дека само немаме среќа“, изјави фудбалерот на ФК Вардар, Никола Ѓошевски.
Ардиан Цуцули - ФК Милано

„Нормално, Вардар е фаворит поради теренската иницијатива но, ние ќе се обидеме да ги победиме и да ја искористиме оваа криза што е во редовите на Вардар“, вели фудбалерот на ФК Милано, Ардиан Цуцули.

„Секој натпревар одиме да не примиме гол и во многу натпревари докажавме дека можеме да непримиме гол на гости, значи и овој пат ќе се обидеме да останеме непоразени на „Градски““, додава Цуцули.

Во натпреварите од 16-то коло:

    * Пелистер - Ренова
    * Вардар - Милано
    * Победа - Македонија ЃП
    * Силекс - Турново
    * Металург - Работнички

Внеси реплика	страница <1 2 345 6 13 >
Tweet