Извадоци,исечоци,цитати

к*рва сум. Чесен збор. Само, многу паметна. Тоа ме јаде. Види. Како грба го влечам мојот тежок мозок. Јас сум една комплексна к*рва. Види ме убаво. Страшно скапа к*рва. Ме боли вагина. Ме бркаат од едни универзитети, јас основам други. Од едни држави, јас основам други. Знаење и магија. Искуство и фантазија. Ги знам системите. Шифрите. Знаците. Тајните на ѕвездите. Тајните на државите. Алхемијата на природата. Одгонетките на загонетките. Рецептот на Кока Кола. Виртуелна реалност. Биолошки чипови. Работите што уште не се измислени. Лавиринтите на човековата душа. Сите актери и гробари на Европа. Сите ангели на Европа. Црви. Идеи. Хаос. Гета. Паранои. Пороци. к*рви. Проширена свест. Политички конспирации. Херметични кругови. Езотерични кругови. Мистични кругови. Геометрија. Геомантија. Хиромантија. Некромантија. Метапомантија. Шизомантија. к*романтија и така натаму.
Досадно ми е. Ништо не се случува. Киснам во Црно Прасе. Најдобра биртија во Витемберг и пошироко. Овде реалноста е илузија во недостаток на алкохол. Многу големи умови треснале од подов. Некои повратиле, па се удавиле. Јас ќе се напијам пиво. Ќе паднам. Ќе го скршам вратот. Црно прасе го уби Доктор Фалус. Вода и оган. Зборот ми беше, купи една кригла пивo...

...Паѓа ѕвезда. Замисли желба. Не измислувај глупости. Нема ни ѕвезди ни желби. Чиста параноја. Гледај. Еден кобен ден, левото око ме вреѓа, го вадам. Сега, многу слабо гледам со десното. Гледај. Имаш две очи. Лошо гледаш. Фата моргана. Ништо не можеш да видиш. Гледаш други работи. Работи што ги нема. Гледај. Ако сакаш да видиш, извади го едното. Или оштети ги двете. Или извади ги двете. Направи нешто...

...Се вратив. По пат видов ангел. Со шест крилја. Две, да си го скрие лицето. Од страв. Две, да си ги скрие нозете. Од срам. Две да лета. Да носи добри вести. Да рече, доста е. Да рече, ќе биде подобро... Се вратив. Ништо не видов по пат. Излези да видиш. Нема ништо. Светот е коцкаст. Сите бои се бели. Има еден пол. Дупка. Има еден мирис. Измет. Има еден вкус. Крв. Нема сеќавање. Секое добро треба да се поебе. Секоја идеја треба да се уништи. Спомените да се силуваат. Различните да се осакатат. Тој што не мисли како тебе. Убиј го. Тој што мисли. Убиј го...
ПАЃААТ СЕНКИ...
Да рече, не требаше вака да биде. Да рече, врати се. Ме боли колку те нема...


Извадоци од ММЕ кој прв почна - Дејан Дуковски

Демонот и госпоѓица Прим" од Коелјо:

Некој човек заедно со својот коњ и со своето куче одел по некој пат,и фатила бура и ги удрил гром,но човекот не сФатил дека го напуштиле овој свет,и си продолжиле по патот.Патот бил долг и стрмен,сонцето силно печело и тие биле многу жедни.Здогледале прекрасна мермерна порта,која водела кон некој плоштад,во чиј центар се наоѓала чешма од која течела кристално бистра вода.Патникот му се приближил на чуварот,и дознал дека тоа место е Рајот,и побарал да се напие вода.Чуварот му дозволил,но рекол дека не е дозволено за животни.Човекот се разочарал,не сакал да пие сам,се заблагодарил и си заминал.Понатаму тие наишле на другаврата и таму си лежел некој човек.Патникот побарал вода за себе,и за својот коњ и за своето куче,а човекот ги упатил кон некој извор и му рекол да пијат колку им душа сака.Откако се напиле,патникот му се заблагодарил на човекот,и го прашал како се вика тоа место,па повторно го добил истиот одговор:Рајот.Патникот рекол дека и претходното место се викало Рај,а стражарот му рекол дека тоа е Пеколот,затоа што таму остануваат сите оние кои се во состојба да ги изневерат најдобрите пријатели

Стрелата е фрлена, само што таа лета во празно, не постои мета што ќе ја погоди. Што вреди што му кажав дека сум го сакала, што вреди што ми кажа дека ме сакал, кога ние повеќе не бевме истите. Дури зборувавме за нас, ние зборувавме за некој друг. Некој што излегол од кругот на љубовта. Останале само спомените што наликуваат на препарирана пеперутка врамена под стакло. Гледаш дека пеперутката е убава, ама тажна е сликата, зашто таа веќе никогаш нема да лета.

Винка Саздова" Последниот чај"

Луѓето се исти, ама умот не е ист во луѓето.
- Може ли коњот да биде вол само со тоа што ќе му го смениш името, како мене што ми го сменија презимето?
- Дури и Господ да ѕида куќа на земјава, би ја ѕидал во селото мое.
Секој мисли дека е најубаво она место кај што се родил.
- ...А мене срцето ми се полони со болки, со чемери. Ама срцето човечко било бунар; само се полни а не се преполнува.
- Лошето време го прават лошите луѓе и нема лошо врме што е подалеку од луѓето.
- Човекот најмногу не верува кога се сомнева во себеси.
- Болеста доаѓа само од водата и од лебот. Болеста е голема кога имаш леб, а уште поголема коа немаш леб!
- Стравот е страшен само за оние што му се плашат.
- Човек не треба во ништо да верува и најубаво му е на оној во ништо што не верува, во ништо што не се надева, така барем ништо не може да го изненади.
- Нам на селаните, среќата ни е променлива, а несреќата постојана.
- Пријателот ти е роднина кога самиот си го избираш.
- Трагата на ѓаолот не му ја гледаш и пак по неа одиш.
- Огнот во туѓа рака никогаш не жежи.
- Слободата е најголема во сонот и најмногу вреди да се бориш за сонот.
- Сите грешки и неправди гробот ги исправува.
- Господ ги сака и оние што ги зема.
- Само мртвите имаат време за чекање, оти времето, сето време е кај мртвите.
- На изгореното срце и окото му е суво. Не пушта солза и да го молиш.
- Блазесити оти имаш жарче до срцето.
- Само голите рани не се гледаат и не се догледуваат.
Не се гледаат оти се во душата, а душата е сегде до кај што стасува умот. P.M Andreevski "Pirej"

" Оној кој умееше да живее во мигот, кој живееше во сегашноста и со таква радост и грижа му се восхитуваше и на најмалиот цвет на патот, умееше да го цени и најмалиот разигран миг на животот, нему животот не можеше ништо лошо да му стори. "

 

Степски волк - Херман Хесе

Место цитат - песна од збирка на Братислав Ташковски:

Бикови во мојот крвоток

Во мојот крвоток има сè:
има далечни и блиски времиња
има остатоци од вчера,
има делови од есента
и почетоци од утре.
Во мојот крвоток има лудост
и пофалба за зелени полиња
што завршуваат во остри брегови.
Во него има
диви и питоми животни
кои ги води еден замаен младич,
кон куќата во облик на круг.

Има моменти во животот кога некој верувал во тебе, дури кога и самиот си ја изгубил довербата во себе...
Се вели - да ви верува некој, е подобро отколку да ве сака.
Но, гледано на долги патеки - тој што ви верува ... сигурно ве сака.