Некои од најдобрите плажи во светот

Најубавите европски плажи

Ова се најубавите европски плажи според веб списанието Wild Junket.

Papagayo (Lanzarote, Шпанија)

Најчесто најубавите работи не се достапни за сите, така и до плажата Papagayo не можете да стигнете со автомобил, туку пеш или со велосипед.

Lanzarote е северозападен остров на Канарските острови, а оваа плажа е најубава на нив, а и пошироко.

Златен `рт (Бол, Хрватска)

Оваа песочна плажа има интересна форма, а во зависност од ветровите го менува својот облик.

Откако ќе уживате во морето и сонцето, сенка можете да побарате во блиската борова шумичка.

Cala Tarida (Ibiza, Шпанија)

Ibiza не е само забава, забава, забава, барови и пак луда забава. На познатиот шпански остров се наоѓа една од најубавите плажи.

Скриена зад карпи од песок и далеку од вревата се наоѓа песочен залив и кристално сино море – совршено за одмор на душата и телото.

Sagres (Algarve, Португалија)

Изолираната португалска плажа дефинитивно е место за незаборавен одмор.

Таа е во целост опколена со  карпи, а бидејќи ова подрачје е многу ветровито постојано го посетуваат бројни сурфери.

Las Islas Cies (Galicia, Шпанија)

Оваа шпанска плажа британскиот весник Guardian ја прогласи за една од најубавите во светот.

Белиот песок и морето мирно како езеро се дел од плажата која е всушност национален парк. Поради тоа бројот на туристи е ограничен, а забрането е и кампување.

Сé за зачувување на убавината.

Patara (Турција)

На оваа плажа е забрането градење за во потполност да остане недопрена.

Во околината на плажата можете да се забавувате со различни активности, особено ако сте љубител на авантуристичкиот туризам.

Navagio (Zakynthos, Грција)

До овој рај можете да стигнете само со бротче што испловува на секој час од местото Porto Vromi. Високите карпи го окружуваат белиот песок создавајќи прекрасно скриено место познато и како Shipwreck bay.

Оваа плажа најдобро е да ја посетите во април или септември, кога нема премногу луѓе.

Sabbie Nere (Sicilia, Италија)

Оваа плажа е вулканска и се разликува од останатите по тоа што има црн песок. Сместена е во местото Porto di Ponente, на крајот на островот. По летување на место каде се среќаваат море и вулкан сигурно ќе имате што да раскажете кога ќе се вратите.