Форбс: Катар најбогата земја во светот

Благодарение на зголемувањето на цените на нафта и гас во земјите на Персискиот Залив -Катар, со 1,7 милиони жители, е прва на листата на најбогати земји во светот. Катар е трета во светот по количините на резерви гас, има инвестирано многу во инфраструктурата и е центар на голем број мултинационални финансиски компании.

Користејќи податоци од ММФ во 2010 година, според анализите на бруто националниот приход по глава на жител изразен во куповна моќ во 182 земји, Форбс ја составил листата на најбогатите земји во светот.

По Катар, чиј бруто национален доход во паритет на куповната моќ во 2010 година достигна 88.000 долари по глава на жител, втор на листата се најде европската земја Луксембург со 81 000 долари.
Луксембург, земја со половина милион луѓе, поради строгите закони за банкарска сигурност се смета за финансиски рај.

Центарот на технологијата, производството и финансиите во областа на пазарот во Далечниот Исток, Сингапур, со 56 700 долари се најде на третото место.

Следни се земјите чие богатство се базира на природни ресурси, пред се нафта и гас. Четвртото и петтото место го заземаат Брунеи и Норвешка со 48,000 долари од бруто националниот приход по глава на жител.

Обединетите Арапски Емирати се на шестото место со 47.500 долари, додека Кувајт на 15 место.
Најсиромашните три земји кои се најдоа на дното на листата се африканските земји, Бурунди (400 долари), Либерија 386 долари и Демократска Република Конго (312 долари).