Универзален Живот - Прахристијани

Сега за сега тоа е од прашањата, благодарам.

БОЖИЌНА ПОРАКА
од прахристијаните до луѓето низ целиот свет





Не ги јадете малечките браќа и сестри, животните. Оставете ги да живеат, бидејќи тие го носат Здивот како и луѓето. Тој доаѓа од Бога.
Не им правете зло, оти во спротивно се уништува дел од вашиот внатрешен живот кој во животните е убиен и изеден.
Бог нам на луѓето ни ја подари природата и животните за преку нив повторно го пронајдеме Единството. Оти сè што Бог го создаде и создава, е дадено од големото единство на Љубовта, за низ тоа ние повторно да го најдеме единството.

Божиќните празници, раѓањето на големиот Дух во детенцето Исус, треба да ни биде симбол: Тој им дојде на животните. Него го прифатиа животните, не луѓето. Да ги прифатиме животните во нашите срца! Да го оставиме животинскиот свет да живее, и ние искусуваме што значи Божиќната ноќ: Голем празник на Светлината. Голем празник на единството. Тогаш ќе ја запалиме свеќата и ќе погледнеме во светлината запрашувајќи се: „Што сака Бог?„ Тој сака ние да ги оствариме законите на Животот, да го најдеме патот кон Животот: заповедите Божји, учењето на Исус, Христос. Тогаш се шири срцето – исто така и за мајката Земја со нејзините бројни форми на живот, растенија и животни.

Прахристијаните им посакуваат на нашите слушателки и слушатели едно чудесно време на адвент и спознанието:
Исполнувањето на волјата Божја е нашата лична животна задача која нас нè прави среќни, слободни и етични.„



(извадок од: „Втор Адвент – Што би ни рекол Исус денес?„ една радиоемисија која беше емитувана низ целиот свет.)


Изменето од Majkl - 06.Јануари.2010 во 14:52

Змејко - малиот змеј


На српски јазик од печат неодамна излезе сликовницата: Змејко, малиот змеј - приказна примена од Светлината.

Змејко доаѓа на светот како дете на вистински змејови способни да блујат оган, но се развива сосема поинаку отколку што неговите родители тоа го очекуваа.
Приказната ни раскажува како му успеа на овој мал змеј со големи идеали да биде сериозно сфатен и згора на тоа уште и да ја спаси татковината на змејовите.


32 стр. со колор илустрации, тврда подврска.

Прахристијаните се вегетеријанци така?
Океј...
Дали според нивната догма растенијата имаат душа?

ДЕЈСТВУВАЊЕТО НА ХРИСТОС БОЖЈИ
И БОЖЕСТВЕНАТА МУДРОСТ


извадок од описот на книгата: Авторите на книгата се еден новинар и еден поранешен евангелистички теолог. Кој или што е божествената Мудрост? Зошто е истисната од теологијата? Кој е Тешителот, која е „големата жена„ за која се зборува во Библијата? И зошто толку малце знаеме за пророците? Авторите преку широк лак го поврзуваат дејствувањето на Христос Божји и божествената Мудрост - од прапочетокот до денес.
Книгата содржи и ДВД диск:Појдете со Габриеле, божјата пророчица за нашево време, во прошетка низ Земјата на мирот. Погледнете што е преку нејзе трансформирано од седмодимензионалниот свет во три димензии и што сè настана. Слушнете што современиците кои ја познаваат Габриеле имаат во врска со неа да кажат.


Од содржината: Божествената Мудрост во Библијата; - жената која на Господа му ги подготвува патиштата - Повикот на пророчицата Божја - Исполнетите пророчки претскажувања - Доаѓањето на божествената Мудрост беше претскажан - Поголемиот дел од луѓето ништо не знаат за пророците - Изјави на браќата и сестрите кои долги години ја познаваат Габриеле, Божјата пророчица и пратеничка - Непријателите на пророчицата - Што сè уште можеше да настане? - „Како на Небото така и на Земјата„: Што е видено во духовниот седмодимензионален свет и што од тоа настана досега во тридимензионалниот свет - Го чекаме враќањето на Христос Божји - и тн...

Книгата е достапна на хрватски јазик, околу 300стр. тврд повез, илустрирано, плус ДВД(околу 60мин.)

Два линка кон извадоци од некои поглавиа од книгата(хрватски јазик):
Според што се препознава божјата пророчица?
Како се проверува пророкот?

Џо напиша: Majkl напиша:   Што е видено во духовниот седмодимензионален свет и што од тоа настана досега во тридимензионалниот свет ... Каков е тој седмодимензионален свет?Каков е шестодимензионалниот?Петодимензионалниот?Четири?...Многу ме буни пасусов...

Седум димензионалниот свет е поинаков назив за Царството Небесно - духовната вселена. Царството небесно е составено од 7 сфери(содржат безбројни духовни галаксии). Чистите духовни битија(ангелите), како есенција ги содржат сите седум димензии во себе и поради тоа можат да патуваат од една во друга со незамисливо голема брзина, поголема од таа на мислата.

Невидливите светови вон Царството Небесно, кои Духот ги нарекува астрални светови и подготвителни подрачја се исто така составени од 7 сфери(настанале при падот на ангелите), но нивните духовно несовршени жители можат да се движат само во рамкитее на онаа димензија која и одговара на нивната свест. т.е. од пониските не умеат слободно да се движат во повисоките. Но од сите овие светови, доколку постојат соодветни услови, душите можат да се инкарнираат во тродимензионалниот свет на Земјата, односно да станат луѓе.

Изменето од Majkl - 10.Јули.2010 во 08:58

Џо напиша: Што е Ангел?

Според објавите од Духот Божји, ангел е зрело духовно битие кои ја поминало целосно својата еволуција во чистите Небеса. Тие се така речи лики и прилики Божји - компримиран закон, но не се Бог самиот, туку имаат божествена природа. Сите ангели поседуваат од Бога подарена слободна волја. Тие немаат полови органи за да речеме дека се од машки и женски пол, но по форма и зрачење се делат на машки и женски принципи. Иако честопати се претставуваат во уметноста со крилја, тие немаат крилја. Крилјата се еден симбол кој произлегува од насетувањето дека тие се способни мошне брзо да се движат како и да заштитуваат. Од ангелите најпрвин настанале херувимите и нивните женски парови серафимите. Херувимите и серафимите творат 7 небесни парови кои се нарекуваат и чувари на законот. Постојат и ангели заштитници и ангели подучувачи кои оп Божји налог им служат на душите и луѓето доколку тие доброволно ја бараат и прифаќаат нивната помош, бидејќи кај Бога нема присила.

Ангелите можат да се инкарнираат т.е. да се отелотворат како луѓе. Душите на луѓето изворно гледано се всушност ангели. Смислата на човековиот живот е преку чистење и себеосознавање душата да се просветли и повторно дојде во ангелска состојба. Само тогаш може да се врати во чистото Небо. Дел од старозаветните пророци биле херувими и серафими инкарнирани со духовна мисија на Земјата како обични луѓе.

Џо напиша: Какви се тие нивни падови?

Падот на ангелите бил процес кој што се одиграл пред многу милијарди години, далеку пред да настане планетата Земја и човековото физичко тело.

Првиот од Бога создаден женски принцип, во еден момент посакал да стане Бог самиот, самата да биде божица извор-создател. Такво нешто е невозможно. Тоа е тнр. прва мисла на Падот, произлезено од едно чувство спротивно на Божјиот Закон. Таа успеала да наговори еден дел од ангелите да тежнеат најпрвин кон поделено царство, а подоцна и тежнеење кон тоа да Бог и неговото создавање се уништи. Целта била да сите создадени форми повторно се вратат во безличниот етер, бидејќи тогаш создавањето би можело да почне наново, но овојпат според замислата на првиот побунет ангел, кој нејзините следбеници ja нареккле по смисла Луцифер(Носител на светлината - во смисла:не ни треба божјата светлина, еве оваа ни е светлината и водачот).

Бидејќи Бог на сите им дарувал слободна волја, а воедно бидејќи во чистите Небеса има место само за хармонија и единство со вечниот Закон, Бог, им дозволил да ги напуштат Небесата. При тоа дошло до духовни турбуленции во кои отпаднатите повлекле деловии од вечните планети и сонца. Така настанала постепено материјалната вселена. Многу подоцна настанало и човечкото тело. Исус Христос го има запрено падот на ангелите започнувајќи космичка пресвртница: паднатите светови тнр. сатански хиерархии ги претворил во одскочници кон Небесата, а сите отпаднати битија но и оние кои како божји помошници се вплеткале во материјата, започнал да ги враќа дома. Еден ден сите отпаднати битија ќе се вратат во Небесата а материјата ќе биде асимилирана во духовна супстанција.

Џо напиша: Ниво на свест?-Колку нивоа постојат?

Седум. Секој од нив Духот го нарекува и со име: 1.Ред 2.Волја. 3.Мудрост 4.Сериозност 5.Трпеливост 6.Љубов 7.Милосрдие

Ако зборуваме за невидливите светови кои се наоѓаат вон Небесата, тогаш првите четри рамништа се нарекуваат астрални светови. Оние души кои живеат во астралот сеуште повеќе или помалце тендираат кон реинкарнирање човечки тела. Значително посветлите души, но кои сеуште не се совршени како ангелите, живеат во некое од останатите 3 тнр. подготвителни подрачја: Трпеливост, Љубов или Милосрдие. Тие иако можат да се инкарнираат, не се врзани за Земјината духовна гравитација.

Воедно и душата има 7 обвивки, кои настанале при отпаѓањето од Бога. Паднатите битија најпрвин деградирале од седмиот степен, степенот на божественото Милосрдие, на шестиот. Од шестиот деградирале на петиот, од петиот на четвртиот и тн. Секоја душа и човек кои сакаат да се вратат во Царството Божјо треба повторно да да ги поминат овие степени т.е. скалила на духовен развој, со тоа што сега тие се движат нагоре, започнувајчи со првиот степен, степенот на божествениот Ред. Со таа цел е објавен од небесниот свет Внатрешниот Пат, пат до срцето Божјо - до нашето вистинско постоење.

Џо напиша: Некој корисен линк ќе заврши работа , сфаќам дека прашањата(моите) понекогаш се од поширока природа...

Линковите кои можам да ги наведам нудат само општи информации. Ако те интересира детално за падот на ангелите како и зошто се одвивал тогаш прочитај ги првите 50тина стр. на Христовата објава од 1986 година со наслов: Причина и настанок на сите болести Може да се нарача на: info@universelles-leben.org



Изменето од Majkl - 12.Јули.2010 во 20:05