Едноставен рецепт за кој не треба многу време, ни пари. По желба, за подобар вкус, можете да додадете маслинки или пак, копар, но никако не претерувајте со солта.

Подготовка:

Очистете ги солените сардини и оставете ги да отстојат во вода за да излезе вишокот сол.

Сварете ги компирите, но внимавајте да не ги преварите, па потоа да ви се распаѓаат кога ќе ги сечкате. Олупете ги и исечкајте ги на коцки.

Полека мешајте и додавајте маслиново масло, исечкан магдонос, целер и лук.

Одвојте ги коските од рибата, ситно исечкајте и додајте во компирите, па промешајте. Во сад измешајте сенф со лимонов сок, па со тоа прелијте ја салатата и уште еднаш промешајте.

Се служи ладно како предјадење или како главно јадење.

Потребни состојки:

• 10 солени сардини
• 500гр компири
• 1 главица лук
• 1 лажица сенф
• маслиново масло
• оцет
• свеж магдонос и целер
• лимон
• сол и пипер

Потребни состојки

1 марула

100 гр печени ореви

2 круши

1 кромид

100 гр. сланина

100 гр. француско сирење рокфор

За прелив:

100 гр. свежи или замрзнати брусници

2 лажички шеќер

30 гр. јаболков оцет

½ лажичка сенф

2 лажички сок од портокал

50 гр. масло за јадење

Сол и црн пипер

Припрема:

Најпрво припремете го преливот. Ставете ги сите состојки за преливот во посебен сад и матете се додека не добиете хомогена смеса.

Кромидот исецкајте го и испржете го на масло за јадење се додека не се карамелизира. Исецкајте ја сланината на парчиња и нејзе пропржете ја на масло за јадење.

Добро измијте и исецкајте ја марулата, крушите исечете ги на долги тенки парчиња и искршете го сирењето на помали парчиња. Во посебен сад ставете го кромидот, сланината, ситно сецканите ореви и сирењето и промешајте.

Во чинија за салата најпрво ставете ја марулата, потоа додадете ги крушките, а одозгора посипете ги измешаните кромид, сланина, ситно сецкани ореви и сирење. Одозгора прелијте ја салатата со преливот од брусница. Добар апетит!