Универзален Живот - Прахристијани

EvAngelos напиша: Прахристијаните... Сега ќе ви начкрабам нешто и за нив, се разбира во мој стил т.е. низ лупата на Библијата

Ако е низ лупата на Библијата(особено онака како повеќето ја толкуваат), морам да речам дека ќе биде џабе. Исто како да зборуваш за христијанскиот библијски центар низ лупата на... да речеме индијската Бхагавад Гита!

Изменето од Majkl - 19.Јули.2008 во 15:29

Majkl напиша: Учењето за реинкарнацијата било составен дел од изворното христијанско мисловно добро.

Изменето од EvAngelos - 19.Јули.2008 во 15:50

Како илустрација ќе наведам една кратка објава од Бог - нашиот Небесен Отец, примена преку пророчицата Божја во февруари 2001 година.



Пораката од Создателот


Габриеле, пророчицата
и гласничка Божја во ова време,
ја прими од БОГА, Вечниот, на
27.2.2001 година следнава порака,
која, со ова,им ја пренесува на
своите солуѓе:


Создателот:

Јас Сум Бог Аврамов, Бог Исаков и Бог на Јакова. Јас Сум Бог на сите вистински пророци.

Јас, БОГ, Семоќниот, го кревам Мојот глас преку Мојата пророчица и гласничка, и го упатувам до човештвото.

Престанете да ги јадете вашите состворови, кои се ваши животински браќа и сестри!

Престанете да ги мачите нив преку експерименти со животни и преку одземање на слободата, така што ги држите во штали кои се недостојни за животните. Животните ја сакаат слободата, исто како и вие луѓето.

Престанете да ги убивате најмалите животинки, животот на почвата, со вештачки ѓубриња, исто така со гној од измет, и слично!

Престанете да ги сечете и палите шумите, и да им го одземате животниот простор на животните во шумите и полјаните. Вратете им го нивниот животен простор, шумите, полињата и ливадите; во спротивно, вашата судбина, која што самите си ја наметнавте себеси, ќе ви ги одземе вашата куќа и двор, и вашите извори на храна, преку катастрофи ширум светот, кои што вие самите ги создадовте преку вашето постапување против животот, против царствата на природата, вклучително и против животните.

Ако луѓето одново ги фрлат Моите зборови во ветер, тогаш за нив ќе настане бура, светска судбина, којашто ќе однесе стотини илјади луѓе, како прво, преку светски катастрофи, како второ, преку болести, кои како епидемии ќе се прекршат врз оние кои преку своето оддалечување од секаква духовна етика и морал нив им ги наметнале на животните, врз оние, кои во сегашново време спалуваат илјадници животни. Кој нема да се преобрати, него ќе го снајде слично.

Мојата Реч е изговорена. Светската апокалипса е во тек. Кој не сака да слуша, тој во сè пократки растојанија ќе ги осети последиците од причините што самиот си ги создал. Земјата со нејзините растенија, животни и минерали, Јас ја издигнав кон Мене. Кој и натаму положува рака врз мајката Земја со сите нејзини животни форми, тој ќе ги осети последиците. Престанете да мачите, да убивате и да усмртувате!

Престанете, вие луѓе, со вашето ѕверско однесување, коешто ве погодува исклучиво вас, а не некое друго битие; оти, што му правите на најмалиот од вашите состворови, тоа Ми го правите Мене и си го правите себеси.

Е па, доста е! Преобратете се; инаку жетвата, која е ваша сеидба, продолжува.

ЈАС СУМ, кој СУМ, секогаш истиот, вчера, денес и утре, во целата вечност.

     *************************************
А во некоја наредна прилика ќе објаснам зошто и во кои ситуации апостолите и Исус јаделе месо, риби, материјализирањето на рибите итн.   


Изменето од Majkl - 19.Јули.2008 во 16:42

Интересно е како г-ца Габриеле започнува и завршува со некои позајмени библиски цитати, а измеѓу изнесува една од илјадниците верзии на пропагандниот материјал на вегетеријанците.

И шо треба сега јас да сторам? Да бидам заведен од тоа "Бог Авраамов, Бог Исаков, Бог на Јаков" и да поверувам дека Габриеле е Божја пророчица и покрај јасната изјава на Исус Христос дека Божјиот ланец на пророци завршува со Јован Крстител? Да поверувам дека и покрај тоа што Исус и апостолите ни дозволија да јадеме месо дека сега Бог се предомислил и ни забранува?

Абе иди бегај

KGB напиша: Gabriele sabotarka e?

Мислиш на Адвентистите на седмиот ден(Саботјани)верска заедница основана во 19 век од Хелен Вајт?

Не, нема никаква врска со нив. Габриеле од 1975 година му служи на Бога како инструмент, но таа себе си не се нарекува пророчица. Бог ја нарекува така.

Изменето од Majkl - 19.Јули.2008 во 17:01

Пренесувам извадок од Христовата објава преку Габриеле дадена на 6 февруари 1994:


" О вие луѓе, каде Ме барате Мене, Христа, вашиот Откупител? Барајте Ме во вас самите и ќе препознаете дека сте храм Божји и дека Бог, бескрајната љубов, вечната светлина живее во вас. Јас ве допирам со вечната љубов Божја. Ги допирам вашите души. Ја допирам секоја клетка на вашето тело, секој крвен сад, сите градбени елементи на вашето тело, оти Јас Сум сеприсутна сила, бидејќи Сум едно со Бога, вашиот и Мојот Отец. Допуштете, значи, да ве допрам и чувствувајте во вашите срца дека Сум присутен во секого од вас.. Многу луѓе велат: "Библијата е Реч Божја; во неа верувам". О, препознајте, ако верувате во Библијата како во Реч Божја, зошто тогаш не ги остварувате зборовите од Библијата? Многумина велат, верата во зборовите Божји е доволна. Ако би било така, тогаш овој свет би бил здрав, исполнет со светлина, оти луѓето кои веруваат во Библијата би биле исполнети со светлината на љубовта; тогаш во овој свет не би имало ниту војни, ниту непријателство, ниту кавга, ниту омраза, бидејќи многумина веруваат во Библијата и велат дека тоа е Божја Реч. Вие препознавате, значи, дека само верата не е доволна, тоа е пасивна вера..."

Истата во целост како аудио снимка на македонски јазик(со германскиот оргинален тон во позадина)може да се нарача како и другите 24 касети од серијата „Божјата Реч околу годината 2000-та„касета бр.2 со поднаслов „Јас дојдов да ве направам слободни - Препознајте ја Љубовта Божја во вас" - тел.02/3111-043 или види стр.1 од подфорумов.

Изменето од Majkl - 19.Јули.2008 во 17:33

Интересен е моментот со вегетеријанството - со оглед на тоа што е во конфликт и со Генезисот и со Новиот Завет... Да не збориме што е во конфликт со се друго, ама ајде. Вегетеријанството како лична одлука го почитувам, но да се наметнува како доктрина е апсурдно.
Истотака - Екхарт и Сведенборг - иако навидум имаат слични идеи - тие се сосема спротивни во своето гледање на човекот и Божјето присуство. Прочитај малку, ќе видиш.
Во целиот куп што го спомна на почетокот - има еден елемент кој особено ми стана интересен - Богомилите! Тие имаат крајно спротивна логика од сите останати.
Не може да кажеме дека Бог се обраќал преку сите нив, само затоа што кај сите можеме да најдеме по две-три мисли кои се исти, затоа што пак се останато е сосема спротивно!
Само да разјасниме - не го напаѓам твојот систем на верување - но сметам дека е крајно вулгарно да се кажува дека Христијанството (во формата во која го знаеме) е извитоперено од оригиналното Божје Слово и дека Библијата претрпела измени, само затоа што ти следиш друга книга.