Биди член на ЦРКВАТА ХРИСТОВА

Vmesto da gi napagjate drugite neguvajte go svoeo.

Temava pochna ubavo, ama i taa se isprevrte vo raspravanje, kritiziranje, plukanje, anatemisuvanje...

Изменето од Messenger - 03.Февруари.2009 во 21:04

УТРИНСКИ МОЛИТВИ

МОЛИТВА КОН ПРЕСВЕТА ТРОИЦА

    Слава Ти, Боже наш, слава Ти.

    Цару Небесен, Утешителу, Духу на вистината, Кој си насекаде и сè исполнуваш, ризницо на добрини и делителу на животот, дојди и всели се во нас, и очисти нè од секаква нечистотија и спаси ги, Благи, душите наши!
    
Свети Боже, свети Крепки, свети Бесмртни, помилуј нè! (Трипати)

    Слава на Отецот, и Синот, и Светиот Дух, сега, и секогаш, и во вечни векови! Амин!

    Пресвета Троица, помилуј нè. Господи, очисти ги нашите гревови. Владико, прости ги нашите беззаконија. Свети, посети ги и исцели ги нашите немошти, заради името Твое.

    Господи, помилуј! (Трипати)

    Слава на Отецот, и Синот, и Светиот Дух, сега, секогаш и во вечни векови. Амин.

    Оче наш, Кој си на небесата, да се свети името Твое; да дојде царството Твое; да биде волјата Твоја, како на небото, така и на земјата; лебот наш насушен дај ни го денес и прости ни ги долговите наши, како и ние што им ги проштаваме на нашите должници; и не воведувај нè во искушение, но избави нè од лукавиот, зашто Твое е царството, и силата, и славата на Отецот, и Синот, и Светиот Дух, сега, секогаш и во вечни векови. Амин.

    Помилуј нè, Господи, помилуј нè, зашто ние грешните немаме никакво друго оправдување. Ти ја пренесуваме оваа утринска молитва како на Владар. Ние во Тебе се надеваме; не биди гневен на нас, туку со своето милосрдие погледни и избави нè од нашите непријатели, зашто Ти си Бог наш, а ние сме Твои луѓе, сите сме дело на Твоите раце и го повикуваме Твоето име, сега, секогаш и во вечни векови. Амин.

    Благословена Богородице, отвори ни ги вратите на милосрдието, за да нè пропаднеме ние коишто се надеваме на Тебе, но да се избавиме преку Тебе од беди, зашто Ти си спасение на родот христијански.

    Благословена да си Пресвета и неразделива Троице! Те славиме зашто постапуваш со нас по своето милосрдие. Господи, Ти си наш Господ! Колку е убаво Твоето име по целата земја! Слава на Отецот, и Синот, и Светиот Дух, сега, и секогаш, и во вечни векови! Амин.

    Те сакам, Творецу мој, зашто ме сочува оваа ноќ; Тебе Ти ја посветувам својата работа, душата и телото Ти ги предавам. Ти благодарам за сите добрини, особено што оваа ноќ ме чуваше со милост. Нека денешниов ден биде сè во Твоја чест и слава, сè што ќе мислам и зборувам, сè што ќе работам и страдам!

    Откако станавме од сон, Ти се поклонуваме, Благи; ангелската песна Ти ја пееме, Силен: Свет, свет, свет си, Боже, по молитвите на Богородица, смилуј се на нас.

    Слава на Отецот, и Синот, и Светиот Дух; од постела и од сон ме дигна, Господи. Просвети го мојот ум и срцето, и отвори ми ја устата, па да Те воспевам, Света Троице: Свет, свет, свет си, Боже, по молитвите на Богородица, помилуј нè.

    И сега, секогаш и во вечни векови. Амин. Ненадејно ќе дојде Судијата и делата на секого ќе се откријат, но со страв на полноќ викаме: Свет, свет, свет си, Боже, по молитвите на Богородица, помилуј нè!.

    Откако станав од сон, Ти благодарам, Света Троице, зашто поради Твојата голема добрина не се разгневи на мене мрзливиот и грешниот, ниту ме погуби заради моите беззаконија, но се покажа, како и обично, човекољубив, и кога лежев без надеж, ме крена   за да станам рано и да ја прославам Твојата сила. И сега просвети ми ги моите духовни очи, отвори ми ја устата, за да се поучувам со Твоите зборови, да ги разбирам Твоите заповеди, да ја извршувам Твојата волја, да Ти пеам со искрена пофалба и да го прославам Твоето пресвето име - на Отецот, и Синот, и Светиот Дух, сега, секогаш и во вечни векови. Амин.

    МОЛИТВИ КОН ГОСПОДА
    (од свети Макариј Велики)                 
    
    1

    Боже, очисти ме мене грешниот, зашто никогаш не сум направил добро пред Тебе, избави ме од лукавиот; да биде во мене Твојата волја, та неосудено да ја отворам мојата нечиста уста и да го восфалам Твоето свето име, на Отецот, и Синот, и Светиот Дух, сега, секогаш и во вечни векови. Амин.

    2
    
    Од сон станав, Спасителу, и Ти принесувам полноќна песна; поклонувајќи се пред Тебе, извикувам: Не давај ми да заспијам во гревовна смрт. Ти, Кој доброволно беше распнат на крстот, крени ме мене што лежам во мрзеливост, побрзај да ме спасиш во бдение и молитва, за да стојам пред Тебе и да Ти се молам. А по ноќниот сон, дај да изгрее во мене безгрешен ден, Христе Боже, и спаси ме!

    3
    
    Човекољубив Владико, станав од сон и брзам да дојдам при Тебе и по Твојата милост се трудам да ги извршувам Твоите дела. Ти се молам, помагај ми во секое време и во секоја работа; избави ме од секакво светско зло и од ѓаволски искушенија. Спаси ме и воведи ме во Твоето вечно царство, зашто Ти си мојот Создател, Промислител и Дарител на секакво добро. Во Тебе е сета моја надеж, Тебе Те прославувам сега, секогаш и во вечни векови. Амин.

    4

    Господи, со Твојата голема добрина и милост Ти ми помогна мене, на Твојот слуга, да ја поминам оваа ноќ без опасност од секакво непријателско зло. Ти, Владико и Создателу, удостој ме со Твојата вистинска светлина, та со просветено срце да ја извршувам Твојата света волја, сега, секогаш и во вечни векови. Амин.

    МОЛИТВА КОН ГОСПОДА
    (од свети Василиј Велики)

    Господи, Седржителу, Боже на силите и на секое тело, Ти живееш во висините и милосрдно погледнуваш на нас смртните. Ти ги испитуваш срцата и јасно ги знаеш човечките тајни. Ти си беспочетна и вечна светлина, во која нема промена или сенка од измена. Бесмртен Царе, прими ги нашите молитви, што, надевајќи се на Твоето милосрдие, Ти ги принесуваме од нашите нечисти усти. Прости ни ги прегрешенијата што сме ги направиле со дела, зборови и мисли, свесно или несвесно. Очисти нè од секаква нечистотија на телото и духот. Ние, кои го чекаме доаѓањето на светлиот и славен ден на Твојот Единороден Син, Господ и Бог наш Исус Христос, кога ќе дојде во слава, како Судија на сите, за да даде секому според неговите дела; дај ни со бодро срце и трезвена мисла да ја поминеме ноќта на сегашниот живот. Да не бидеме безгрижни и мрзливи, туку да бидеме бодри и работливи, за да нè најдеш подготвени, за да влеземе во радоста на божественото живеалиште на Твојата слава, кајшто не престанува гласот на оние што празнуваат и неискажлива е радоста на оние што ја гледаат бескрајната убавина на Твоето лице, зашто Ти си вистинската светлина што го просветува и осветува целиот свет, Тебе Те прославува секое создание во вечни векови. Амин.

    МОЛИТВА КОН ГОСПОДА

    Те благословуваме, вишен Боже и милостив Господе, Ти што секогаш правиш со нас големи и неискажливи безброј славни и необични дела. Ти ни даваш сон за успокојување на нашата немоќ и за одмор на нашето преморено тело. Ти благодариме што не си нè погубил поради нашите беззаконија, но се покажа, како и секогаш, човекољубив. Нè крена нас, кои безнадежно лежевме, за да ја прославуваме Твојата сила. Затоа се молиме на Твојата бескрајна добрина да ни ги отвориш духовните очи и да го разбудиш нашиот ум од длабокиот сон на мрзливоста. Отвори ја нашата уста и исполни ја со пофалби за Тебе, та да можеме смело да Ти пееме и да Те прославуваме Тебе, Кој си во сè и од сите прославуван Бог и беспочетен Отец, со Твојот Единороден Син и сесветиот, благиот и животворниот Твој Дух, сега, секогаш и во вечни векови. Амин.

    МОЛИТВА КОН ПРЕСВЕТА БОГОРОДИЦА

    Ја воспевам Твојата милост, Богородице, Ти се молам да го просветиш мојот ум. Научи ме да одам право по патот на Христовите заповеди. Окрепи ме за да бидам силен во песната што го прогонува сонот на очајанието. Со Твоите молитви, Богоневесто, одврзи ме од синџирите на гневот. Чувај ме дење и ноќе, прогонувајќи ги непријателите што ме напаѓаат. Ти, Која си Го родила Дарителот на животот, оживи ме мене, умртвениот од страстите. Ти, Која си ја родила светлината што не заоѓа, просвети ја мојата ослепена душа. О, пречудна Палато на Господа, направи ме да бидам дом на божествениот Дух! Ти, Која си Го родила Лекарот, излекувај ги многугодишните страсти на мојата душа. Јас сум понесен од брановите на животната бура. Ти се молам, Мајко Божја, да ме насочиш кон патот на покајанието. Избави ме од вечниот оган и од лошиот пеколен црвец. Не дозволувај да станам радост на бесовите, зашто сум виновен за многу гревови. О, Пречиста Мајко, об¬нови ме мене пропаднатиот, поради моите безбројни гревови! Помогни ми и моли Го Господарот на сите да отстрани од мене секаква мака. Удостој ме да ја добијам Дево, послушај го гласот на Твојот недостоен слуга. Давај ми, Пречиста Дево, поток од солзи и измиј ја нечистотијата од мојата душа. Непрекидно Ти принесувам срдечни воздишки - биди милостива, Владичице! Прими ја мојата молитва и принеси ја на милосрдниот Бог. Ти, повисока од ангелите, помогни ми да се издигнам над светските работи. Светоносна небеска Сенице, осени ме со духовна благодат. Кревам раце, Пречиста, и ги отворам моите осквернавени усти, за да Те прославам. Избави ме од душегубни беди и моли Го сесрдно Христа, Кому припаѓа чест и поклонување, сега, секогаш и во вечни векови. Амин.

    МОЛИТВА КОН ГОСПОДА ИСУСА ХРИСТА

    Многумилостив Боже мој, Господи Исусе Христе, Ти слезе од небото и се овоплоти за да нè спасиш сите. Ти се молам, Спасителу, спаси ме со благодатта, зашто ако ме спасуваш поради делата, тоа не е благодат и дар, туку повеќе е од долг. О, премилостив Христе, Ти си рекол: Кој верува во Мене ќе биде жив и нема да види смрт во векови. Ако верата во Тебе ги спасува очајаните, ете, јас верувам - спаси ме, зашто Ти си мој Бог и Создател. Прими ја мојата вера место дела, зашто, Боже мој, не ќе најдеш дела во мене што ќе ме оправдаат. Но, верата моја да биде достатна за сè: таа да ме заштити, таа да ме оправда, таа да ме направи учесник на Твојата вечна слава. Слово Божјо, да не ме грабне нечестивиот и да се пофали дека ме украл од Твојата рака и од Твојата ограда. Сакал јас или не сакал, Христе, Спасителу мој, спаси ме, побрзај, загинувам. Ти си Бог мој уште од утробата на мојата мајка. Удостој ме, Господи, да Те засакам сега како што некогаш го засакав самиот грев и пак да отпочнам да Ти служам сесрдно, без мрзливост, Тебе, на мојот Господ и Бог Исус Христос, во сите дни на мојот живот, секогаш и во сите векови. Амин.

    Од ноќ подранува мојот дух кон Тебе, Боже, зашто Твоите повелби се светлина. Научи нè, Боже, на Твојата правда и на Твоите заповеди. Просвети ги нашите духовни очи, за да не заспиеме во гревовна смрт. Изгони секаков мрак од нашите срца. Озари нè со сонцето на Твојата правда и со печатот на Твојот Свет Дух, запази ги чисти нашите души. Упати ги нашите стапки по патот на мирот. Да дочекаме ново утро и нов ден во радост и да Те прославиме со утринските молитви, зашто Твое е царството, силата и славата на Отецот, и Синот, и Светиот Дух, сега, секогаш и во вечни векови. Амин.

    МОЛИТВА КОН АНГЕЛОТ ЧУВАР

    Ангелу свет, ти ја просветуваш мојата несреќна душа, ти се молам, не отстапувај од мене поради мојата невоздржливост. Не дозволувај му на лукавиот демон да владее над мене. Закрепи ја мојата слаба рака и упатувај ја кон спасение. О, свети ангелу Божји, чувару и покровителу на мојата несреќна душа и на моето грешно тело, прости ми сè со што сум те нажалил во сите денови на мојот живот. Ако сум згрешил во изминатата ноќ, закрилувај ме во денешниов ден и запазувај ме од секакво ѓаволско искушение, та со никаков грев да не Го разгневам Бога. Моли се за мене на Господа да ме утврди во страв пред Него и да ме направи достоен слуга на Својата благост. Амин.

    МОЛИТВА КОН СВЕТИТЕЛОТ ШТО ГО СЛАВИШ ИЛИ ЧИЕ ИМЕ ГО НОСИШ
    
Свети Божји угодниче (името на светителот), моли го Бога за мене; јас сесрдно брзам кон Тебе, зашто ти си помошник и молител на мојата душа.


Еве, ги постирам „Утринските молитви“, што ги имав ветено а поради кои некои се возбудуваа.

p.so Тој што нема Православен Молитвеник, треба да ги копира молитвиве од овој пост, да ги пренесе во word, и да ги отпечати на печатар.

Наскоро ќе ги постирам и Вечерните молитви, како и други - секојдневни и, молитви, за други потреби.

Поздрав.



Изменето од Miki_P - 04.Февруари.2009 во 10:02

Pravoslaven напиша: Miki_P напиша:      Отвори ни ја вратата на милосрдието, благословена Богородице, за да нè пропаднеме ние коишто се надеваме на Тебе,   Еремија: [COLOR=#800080 size=2">17:5[/COLOR"> Господ зборува вака: „Проклет да биде човек, кој се надева на човек.

Господ зборува вака: „Проклет да биде човек, кој се надева на човек и слабото тело го смета за своја мишка, и чие срце се одвратува од Господа (Eremija 17:5).

Gorniot stih ne se odnesuva na molitvata upatena kon Bogorodica i svetcite, tuku na grevot -"chovekonadevanje", koj greshi protiv prvata Bozhja zapoved. A toa shto ti go chinish, se vika: Manipulacija!

Pravoslaven напиша: Asya, не знам каде бев нејасен. Miki_P рече дека се надева на "Богородица" т.е. блажената Марија.   Miki_P напиша: Отвори ни ја вратата на милосрдието, благословена Богородице, за да нè пропаднеме ние коишто се надеваме на Тебе,   Господ во Библијата вели: "Проклет да биде човек, кој се надева на човек." (Еремија: [COLOR=#800080 size=2">17:5[/COLOR"> ) Марија е човек. Значи импликацијата е на место колку и таа да изгледа застрашувачка.

Постојано се надевам на Мајката Божја - на Нејзиното застапништво пред Нејзинот Син и наш Бог.

Таа е молитвеничка за сиот род човечки.

p.s. Не знам дали Мајката Божја ги застапува и оние што си ја продале верата.

Pravoslaven напиша: Светото Писмо вели проклет да биде човек што се надева на човек. Вие православните се надевате на Марија, која е човек. Ние христијаните се надеваме на Бог и за нас Светото Писмо вели:   Еремија 17,17 и 18 Благословен да биде човек, кој се надева во Господа, и кому Господ му е надеж. Сличен е на дрво засадено покрај вода што ги пушта корењата кон потокот: не треба да се плаши од ништо кога ќе дојде жегата, на него зеленилото останува секогаш. Во сушна година не се грижи, не престанува да донесува плод.

Pravoslaven me podsecasn na eden clen koj ovdeka na forumov isto kako tebe treseshe zeleni i na kraj zelen ispadna ....

Asya напиша: Marija ne e samo chovek,

немакариос, не искажувам јас полувистина туку целата вистина, а таа е дека вие не ја сметате блажената Марија за човек, туку за којзнае што (јас велам за Бог, ама вие не признавате иако ја китите со такви богохулни титули).

Изменето од Pravoslaven - 05.Февруари.2009 во 00:15