Вести

Господине Катанец - немате врска!!!

Најдобро ќе биде Катанец да ја преиспита малку својата работа во репрезентацијата, а не да бара алиби во играчите, ФФМ... И врапчињата знаат како функционира ФФМ. Зошто прифати да биде селектор кога знае дека нема услови за работа и кога нема "доволен фонд на квалитетни играчи"!? Вистински тренер не би прифатил. Зошто дојде тука, тој да не научи нешто, да каже како треба да стојат работите затоа што ова што досега го покажа го знаевме и самите.

А, играчите што цело време ги спомнува, и тие знаат нешто, во нив припаѓам и ќе го изјавам следново:

"Селекторе, и јас играм во голем клуб и работам со голем тренер и секој ден гледам како е да си вистински професионалец. И кога сета таа професионална работа ќе ја споредам со вашата нема ама баш никаква допирна точка.

На пример, изјавивте дека не гледате видео од противникот и дека тој не ве интересира што мислам дека е голема глупост и само ќе се надоврзам на Никола Илиевски Џиџи: па на основа на што тогаш ја базираш или приготвуваш својата тактика за натпреварите. Ние гледаме видео двапати неделно, а и многу други поголеми клубови го чинат истото затоа што за тоа сум разговарал со Владимир Шмицер, кој е освојувач на пехарот на Лигата на шампионите и секој разговор со него е големо искуство. Секој следен наш противник еден од помошните тренери го гледа и во живо и на основа на сето тоа се создава некоја концепција дури и до најмали подробности.

Второ, секој играч што треба да го засили тимот е следен со денови и месеци како на натпревари така и на тренинзи. Тоа го знам бидејќи пред една година и јас направив трансфер од Мост во Славија и тоа лично ми го има кажано Карел Јаролим, моментално најдобар тренер во Чешка, повеќекратен освојувач на чешкото првенство, легенда како играч на Чешка и желба на многу европски клубови да го видат на својата клупа. Вие дури не знаете дека некои играчи постојат, а не уште и да отпатувате и да ги гледате. Тоа е ваша работа. Лесно е да кажете за нас дека не постоиме.

Трето, еднаш ме повикавте и видов какви тренинзи имате, 'три корни пенал'. Милам дека се сеќавате на тој тренинг во Охрид, зошто јас нема никогаш да го заборавам. Видов како не подготвувавте пред натпреварот со Естонија и Русија кога заборавивте да кажете за поставеноста на секој играч при одбранбени и напаѓачки корнери и скратени слободни удари. Ако се сеќавате првиот гол го примивме во таква ситуација, а однесувањето на играчите при секоја таква ситуација беше хаотично. Мислам дека тоа е од голема важност при секој натпревар.

На крај да кажам дека ова го изјавувам затоа што ја сакам Македонија повеќе од вас и сакам да ја видам на големо натпреварување, а вие, драги селекторе, сте многу далеку од тоа.

i Vradar bi trebalo da e napusti ligata .......... ionaka gubi od kogo kje stigne

По исклучувањето на голманот Пандев
17-годишник на голот на Турново

Мечот во Кратово меѓу Силекс и Турново (4-0) гостите ќе го паметат по исклучувањето на голманот Томе Пандев во 78-та минута, по кој на голот на Турново дебитираше 17-годишниот Панче Тасев. Во претходното коло црвен картон заработи и првиот голман Стојан Димовски, па веќе в недела турновци ќе мора да експериментираат со голобрадиот Тасев.Оваа средба иако немаше резултатска неизвесност, сепак изобилуваше со неспортски моменти. Со своето судење се "прослави" главниот судија Димитар Мечкаровски, кој досуди пенал на кој гостите жестоко приговараат, притоа им исклучи и двајца играчи, Александар Крстев и голманот Томе Пандев. Овој момент ги зовре страстите, па мораше полицијата да реагира и да ги раздвојува нервозните фудбалери.


v

Хунтелар во Реал Мадрид за 20 милиони евра - официјално

Босански судија ги пцуел фудбалерите на Македонија
Босанскиот судија Ново Паниќ со пцовки и други погрдни зборови им се обраќал на репрезентативците на Македонија за време на пријателскиот фудбалски натпревар со Црна Гора во Подгорица.



Коментарите на македонските репрезентативци за скандалозното однесување на судијата Паниќ денеска ги пренесува скопскиот весник „Македонски спорт“.

„Навистина неверојатно беше тоа што демонстрираше судијата на средбата. Замислете, буквално ни се обраќаше. Ајде п.....доста плачете, дајте ако можете гол. Ретко досега забележан однос на меѓународните средби, за кој треба да се запраша и УЕФА“, коментирале поголемиот дел од македонските фудбалери, по натпреварот одигран во средата во Подгорица.

Црногорските медиуми во извештаите за пријателскиот натпревар на кој Црна Гора победи со 2:1, едногласно коментираат дека судијата Ново Паниќ лошо ја делел правдата и досудил непостоечки пенал за домашната репрезентација

Рома во лов на Нистелрој и Подолски

Холандскиот напаѓач во редовите на Реал Мадрид, Руд Ван Нистелрој можеби веќе нема толку да му биде потребен на клубот, откако кралскиот клуб во своите редови го доведоа Хунтелар, а се погласно се најавува и пристигнувањето на Бензема.

Договорот на Нистелрој му истекува во 2010. и според гласините во јавноста голема е веројатноста корпулентниот Холанѓанец да премине во Рома.

Но, за ваквиот трансфер би можеле да се појават две препреки: првата е високата годишна плата на Нистелрој од шест милиони евра, а втората е повредата на коленото која му задава се повеќе проблеми на Холанѓанецот.

Вториот кандидат за кој била заинтересирана Рома е 23-годишниот играч на Баерн Минхен, Лукаш Подолски кој сезонава нема голема минутажа во стартниот тим.

Во случај Рома да се одлучи за Подолски главниот проблем би можел да настане околу отштетата. Имено, Баерн инсистирал фудбалерот да се придржува до постоечкиот договор и да не отстапи ниту милиметар од него.

iako ne navivam za manchester i za liverpul torres i ronaldo mi se najomileni futbaleri ako mu se slucese nes na c.ronaldo ke gi zapalev site so igraat za manchester