Елена Ристевска

Договорот е потпишан и веќе е извесно дека најавите ќе станат реалност и Елена Ристеска ќе издава албум на англиски јазик. Издавач на првиот материјал наменет за странскиот музички пазар ќе биде познатата холандска рекорд компанија "Foreign Media Music". Потпишувањето на договорот со оваа куќа и беше поводот зошто Елена во придружба на нејзиниот менаџер Иво Јанкоски беше во посета на Холандија. Тие минатата недела беа во Амстердам каде ги завршија преговорите и потпишаа конечен договор со компанијата, која подолго време покажувала интерес за Елена или, како што таму ја нарекувале, балканската Шакира.

"Foreign Media Music" веќе подолго време покажува интерес за Елена, бидејќи ја сметаат за балканска Шакира. Новиот договор с ги отвара вратите кон светскиот музички пазар и сега нејзините шанси за европска, па и светска промоција се далеку поголеми. Не би откривал детали од Договорот, иако Елена и понатаму останува во М2 продукција и ќе продолжи да пее на македонски јазик, но сепак нејзина главна преокупација во иднина ќе биде промоцијата на првиот албум на англиски јазик", изјави Иво Јанкоски