Македонски писатели низ вековите

   Со оглед дека имаме потреба преку перото на нашите писатели да докажеме какво било времето и односот на соседните држави кон нашите писатели,во една вака,малку гломазна тема би ги претставиле сите Македонци кој твореле без разлика на кој јазик тоа било,дали англиски,бугарски,српски итн.

Ѓорѓи Абаџиев

Ѓорѓи Абаџиев (Дојран, 7 октомври 1910 - Скопје, 2 август 1963), македонски раскажувач, романсиер, историограф, публицист и сценарист.

Средно образование завршил во Горна Џумаја (Благоевград). Студирал на Правниот факултет во Софија каде што зел активно учество во организациите на прогресивната македонска емиграција во Бугарија. Член на Македонскиот литературен кружок (1938-1941) и на Македонскиот литературен кружок „Никола Вапцаров“ во Софија (1946-1947). Бил уредник на весникот „Македонско знаме“ (1945-1947). По враќањето во Македонија, во 1948 година, развива плодна дејност како писател, публицист и историчар. Работел во Институтот за национална историја во Скопје и бил негов директор. Член на Друштвото на писателите на Македонија од 1949 година.

За својата литературна работа добил повеќе награди и признанија. Добитник е на наградите за проза на НР Македонија и „11 Октомври“.

Сценариото за филмот „Мис Стон“ (1958) е неговиот прв чекор во филмската уметност

Ѓорѓи Абаџиев е познат како историски белетрист бидејќи историјата има истакнато место во неговите дела. Автор е на книгите:

„Труд и луѓе“ (уметнички репортажи и раскази, коавторство, 1936),

„Изгрев“ (раскази, 1950),

„Епопејата на Ножот“ (раскази, 1951),

„Последна средба“ (раскази, 1953),

„Арамиско гнездо“ (роман, 1954),

„Пустина“ (роман, 1961),

„Балканските војни во Македонија“ (монографија, 1972).

Коста Абраш (Абрашевиќ) (Охрид, 29 мај 1879 - Шабац, 20 јануари 1898), е македонски и српски пролетерски поет, по убедување социјалист, автор на само една постхумно објавена книга социјална лирика („Песни“, 1903). Се вбројува во групата на дводомни писатели, бидејќи пишувал на српски јазик.

Абрашевиќ книжевната историја го евидентира како еден од предвесниците на литературниот правец што вообичаено се именува како социјална литература.

Абрашевиќ го започнува своето школување во Охрид. По преселувањето на неговото семејство во Шабац, го продолжува образованието таму. Мошне млад почнува да пишува песни, љубовни и патриотски. Во 1894 година се запознава со социјалистичките идеи на кои им останува приврзан до крајот на својот краток живот.

Како спомен на него, неговите другари социјалисти во 1905 година во Белград формираат прво работничко културно-просветно друштво „Абрашевиќ“.

Александар Алексиев е македонски поет, романсиер, критичар, книжевен историчар и театралог.

Роден е во Кочани на 20 август 1929 година. Завршил Филозофски факултет во Скопје. Бил директор на Радио Скопје, на Архивот на Македонија и професор на Факултетот за драмски уметности. Долгогодишен уредник на списанието „Современост“. Член на ДПМ од 1959 година  Почина на 23 февруари 2006 година.

Литературно творештво

Песни (1955)

Основоположници на македонската драмска литература (студии, 1972)

Војдан Чернодрински (монографија, 1974)

Антон Панов (монографија, 1974)

Македонската драмска литература (студии, 1976)

Македонската драма меѓу двете светски војни (студија, 1976)

Илинден и македонската драмска литература (студија, 1983)

Низ литературното минато и сегашноста (студии, 1985)

Љубов за љубов (монографија, 1994)

Деветте круга на пеколот (роман, 2000)

Ги уредил собраните дела на:

Војдан Чернодрински, во пет томови (1975)

Васил Иљоски, во три томови (1979)

Изменето од Македон - 27.Август.2010 во 23:32

Внеси реплика	страница 12 3 >
Tweet