Хомосексуалците бараат легализација на истополови бракови

Хомосексуалците од Македонија бараат закони кои ќе им овозможат да склучуваат бракови од ист пол. Ова прашање се актуелизира деновиве откако американскиот претседател Барак Обама даде јавна поддршка за легализација на хомосексуалните бракови.

Македонските хомосексуалци преку Хелсиншкиот Комитет испратиле претставка до Уставниот суд со барање за укинување на одредбите од Законот за семејство кои предвидуваат во брак да можат да стапат само лица од спротивен пол.

Деновиве низ весниците можат да се забележат реклами преку кои хомосексуалците бараат остварување на своите права.

ЛГБТ заедницата смета дека хомосексуалците се дискриминирани во однос на хетеросексуалците и тоа е причината да го кренат својот глас. Тие сметаат дека за разлика од брачните другари, не можеле да си ги остварат ниту правата што произлегуваат од врските што тие ги имаат со своите партнери.

Додека некои од политичките партии имаат изградено дециден став со кој се против легализација на истополовите бракови, опозициската СДСМ молчи околу официјален став за ова прашање.

-СДСМ е партија која е социјалдемократска, либерална и која ќе има изграден став за сите прашања кои може да го поделат општеството. Ние во нашата програма го немаме тој став, сеуште го немаме изградено, но ги следиме сите процеси и трендови кои ќе значат повеќе права на граѓаните на Македонија, истакна во понеделникот потпретседателот на СДСМ, Гордан Георгиев.

За разлика од опозицијата, ВМРО-ДПМНЕ јасно стои зад десничарскиот став околу ова прашање, односно е против легализација на истополовите бракови, став на владејачката партија кој пред извесно време го повтори и министерката Гордана Јанкулоска.

Граѓаните на Македонија пак, велат дека на ваквите лица им е потребна стручна и медицинска помош, а не законска каква што бараат. Ставот во нашата земја се совпаѓа околу сваќањата за правата на хомосексуалците во земјите од регионот, а добро знаеме како завршија некои од последните геј паради одржани на овие простори.

Прашањето за легализација на хомосексуалните бракови беше актуелизирано откако Обама јавно ги поддржа. Тој со последниот потег успеа да собере доста донации за кампањата, но последните анкети велат дека токму поради оваа одлука Обама заостанува зад републиканецот Мит Ромни за околу 7 % во трката од претседателските избори.

--------------

Добро, и во кој век тоа ние живееме?