Современ (Динамичен) Нов Завет

Точно така, преводот е на неколку нивоа, збор, реченица, текст.. каде е границата? Збор или текст?

Леле ама наразбраност!!!
Па ти беше тој што се бунеше дека ние сме менувале зборови во Светото Писмо, а сега со глава одиш во ѕид велеjќи дека требало да се преведува разбирливо за читателите од 21-ви век.
Христос е распната пред 2000 год. и така и треба да остане, а не некој да ми го преведува дека е распнат во 21 век и на свадбата во Кана бил на веселба, играл по маси или не знам што.
И што сакаш да кажеш, дека *преведувачот* се потрудил да го преведе тоа разбирливо за денешниот народ, а дека оние кои до сега го читале Светото Писмо по стар превод не знаат што таму пишува и не сфаќаат????? Апсурдно!!!!

a kaj mozi da se nabavi ovoj sovremeniov dinamicen prevod?
aj cao na site jas otiodv na spienje

Ако се земе и повнимателно се прочита динамичниот превод, ќе може да се забележи дека често пати во преводот се провлекуваат значења на некои зборови кои се извртени, а воедно неретко има и такви кои се додадени од самиот *преведувач*. Поентата на препирката околу овој превод не е дека не е јасен, туку дека со самото парафразирање на зборовите, доа|а до внесување на работи кои не се кажани во Светото Писмо, а воедно и кои се спротивни на Божјиот закон, а некои се и Богохулење.

Матеј 9, 10 Подоцна, за време на вечерата во куќата на Матеј, на Исус и на Неговите ученици на трпезата им се придружија голем број наплатувачи на данок и жигосани грешници. (динамичен)

И кога седеше Исус на трпеза дома, одеднаш мнозина цариници и грешници дојдоа и седнаа до Него и до учениците Негови. (Свето Писмо од МПЦ)

Матеј 10,21 Понекогаш и брат брата ќе предава на смрт, и татко - своето чедо; (динамичен)

И ќе предаде брат брата си на смрт, и татко - чедото свое; (Свето Писмо од МПЦ)

Матеј 10, 39 Секој што настојува грчовито да си го чува животот за себеси - ќе го загуби; (динамичен)

Кој си го чува животот свој, ќе го загуби, а кој ќе го загуби животот свој заради Мене, повторно ќе си го најде.“ (Свето Писмо од МПЦ)

Матеј 11,17 Прво ви свиревме весело на флејта, но вие не заигравте; (динамичен)

и велат: ‚Ви свиревме и не игравте; ви пеевме жални песни и не плачевте.‘ (Свето Писмо од МПЦ)

Горенаведените беа примери може да се види дека самиот преведувач си ги има надополнувано значењата на речениците со свои зборови кои воопшто не се ни спомнуваат во Светото Писмо. Но нејсе, тоа е најмал проблем (само го наведов за оние кои се бунат за преводот на МПЦ). Ам сега да продолжиме понатаму и да видиме дека некои зборови кои се дадени во преводот можат да не наведат на погрешно разбирање на Божјата вистина.

Матеј 10, 25 Ученикот ја споделува судбината на својот учител, а слугата на својот господар. (динамичен)

Доста е за ученикот да биде како неговиот учител и на слугата да биде како неговиот господар. (Свето Писмо од МПЦ)

Зборот судбина кој е овде даден може да не однесе во сосема спротивна насока која не е проповедана од Христос. Судбина не постои, од проста прижина што имаме слободна волја и на тој начин сами си го кроиме животот според тоа дали одиме по Божјите заповеди или не. А ако го прожитаме убаво овој динамичен цитат, ше видиме дека писателот си го има напишано така како што самиот тој си го протолкувал.


Матеј 11,18 Прво, значи, дојде Јован Крстител, кој не одеше на веселби да јаде и да пие, а тие велеа ,Демони има во него!‘ 19Потоа дојдов Јас, Синот Човечки, кој одам на веселби , јадам и пијам, (динамичен)

Зашто дојде Јован, кој не јаде, ниту пие, а тие велат: ‚Демон има во Него.‘ 19 Дојде Синот ^овечки, Кој и јаде и пие, и велат: ‚Еве човек ненаситен и пијаница, пријател на цариници и грешници.‘ Но мудроста се оправда преку своите дела (Свето Писмо од МПЦ)

Христос оди на веселби??? Во кое издание на која светска Библија го пишува тоа? Е сега да се запрашаме дали ова не е богохулење! Зарем Христос одел на веселби, играл оро и се качувал по маси??? Мене така ми звучи овој *современ, динамичен и на разбирлив јазик* цитат, а на вас?

Matej 11, 29 Земете го Мојот јарем на себе и дозволете Ми да ве научам, бидејќи Јас сум со нежен и кроток дух , и тогаш вашите души ќе се успокојат. 30Јаремот Мој е лесен, како што е лесен и товарот што ви го давам.“ (динамичен)

Земете го Мојот јарем на себе и поучете се од Мене, бидејќи сум кроток и смирен по срце, и ќе најдете мир за душите ваши; 30 Зашто јаремот Мој е благ и бремето Мое е лесно (Свето Писмо од МПЦ)

Дали дух и срце е исто? И од каде е тоа нежен? Во македонскиот јазик зборот нежен може да се протолкува во повеќе смисли, меѓу кои една од нив е онаа нежност која се претставува како слабост, емотивност, сентименталност, што Христос воопшто не го поседувал. Значи, тие поими не се воопшто разбирливи во суштинска смисла. А понатаму од цитатов може да се види дека *преведувачот* самиот си дава извесно толкување на речениците.

Продолжува…..


p.s. Нема логика да се тврди дека нашите преведувачи на Светото Писмо благословено до МПЦ не се стручен кадар за таа дејност, а да се велича динамичниот превод кога и пастор Иван Грозданов не е воопшто стручен за преведување, со оглед на тоа што има завршено природно-математички факултет! A колку *точно* го има преведено Светото Писмо – само повелете прочитајте на

Динамичен превод на д-р Иван Грозданов

Па кога не ги читаш сите коментари за да разбереш што е темата, тоа е твој проблем. Ние не почнавме први да критикуваме - читај ги почетните коментари на ЕвАнгелос на најдобар превод на Библијата и ќе ти стане јасно. А башака тоа што тој го велилча динамичниот превод, а го понижува преводот на МПЦ. Значи, пак минусот доаѓа кај вас, затоа што од една страна велите браво на Иван Грозданов, од друга страна, пак, дека не му чинела ревизијата, ако е така како што велиш

Дај одговор прво на овие ваши грешки, па потоа гази се од смеење колку сакаш…

Матеј 6, 17 А ти, кога постиш, дотерај си ја косата и разведри си го лицето (од каде вие сфативте дека помажи ја главата своја значи дотерај си ја?)

Потоа
Матеј 8, 4 Не кажувај никому, туку оди веднаш на преглед кај свештеникот, а потоа принеси дар како што е пропишано според Мојсеевиот Закон, за да се увери јавноста. (каков преглед - систематски? Во преводот на МПЦ убаво е кажано - *покажи им се*... која јавност да се увери кога Исус му вели да не кажува никој туку само на свештеникот? Во преводот на МПЦ јасно стои за сведоштво на свештениците, а не на јавноста.)


А за неправилностите во преводот на молитвата Оче наш, да не зборуваме, дури има и такви работи внесено што се спротивни на тоа што го вели Христос.

Матеј 6
Прво, во оргиналната молитва стои *дај ни го лебот наш насушен*, додека пак во динамичниот превод е *Дај ни ја неопходната храна*. На, праовславните, Христос не учи дека треба да се задоволуваме со тоа што ни го дава, затао доволен ни е само лебот, додека пак според овој превод доаѓа дека бараме и МекДоналс сендвич, чиз кејк, сладолед, скара... за храна.

Втора, катастрофална грешка, спротивна на ЕвАнгелието. Молитвата Оче наш е молитва која на оваа земја нема крај, повторно и повторно се актуализираат нејзините зборови и важат до крајот на времињата за секој еден од нас.

Во динамичниот превод стои *Прости ни ги нашите гревови, како што и ние веќе им простивме на оние што нам ни згрешија*, минато свршено време, додека пак, во преводот на МПЦ стои *и прости ни ги долговите наши, како што и ние им ги проштеваме на нашите должници* - несвршено време. Господ рекол да проштеваме постојано, а не еднаш и толку - тоа да остане во минато свршено време.

А бе со сила се правиш на мутав или што ти е проблемот? Прво погледни кој ја отвори темата – твојот соверник ЕвАнгелос. Второ, погледни чие дело е динамичниот превод – на твојот пастор Иван Грозданов, а не на мојот!!!
И како трето – погледни каде се продава тоа издание – во твојата црква, во книжарницата Откровение, а не во Ѓаконија во Скопје!!!
Сепак, мој избор е да ја читам Библијата од МПЦ, наместо да го читам динамичниот превод кој содржи дури и теолошки грешки и сопствени толкувања на *преведувачот*!!!