ВЕРСКИ ВЕСТИ

Четврток, 7.06.2007 | Занимливости

Алатки
Верзија за печатење

Мухамед – второ најпопуларно име во Британија

07/06,

07Мухамед, по ЏОн, е второ најпопуларно име во Велика Британија, а се очекува дека кон крајот на годината ќе го заземе и самиот врв на популарните имиња, објави во средата Тајмс, повикувајќи се на податоци од владата.

Минатата година 5.991 бебиња го добиле името Мухамед, додека името Џон истата година го добиле 6.928 бебиња.

По нив следат Томас (5.921), Џошуа (5.808) и Оливер (5.208).

Доколку зачестеноста на давањето име според муслиманскиот пророк продолжи со ова темпо, тоа име до крајот на годината би можело да стане најпопуларно во Велика Британија.

Во таа земја, инаку, живеат околу 1,56 милиони муслимани, или три проценти од вкупното население. /макфакс/

Во иднина, децата на Костовски и на Николовски нема да смеат да стапат во брачни односи, бидејќи тоа би се сметало за родосквернавање

Скопскиот градоначалник Трифун Костовски и познатиот бизнисмен Љупчо Николовски - Фуфо се побратимиле со црковен обред, а чинот на побратимувањето го извршил поглаварот на МПЦ, архиепископот Стефан во манастирот „Успение на пресвета Богородица“ на Матка крај Скопје. Дознаваме дека иницијативата за побратимувањето била на градоначалникот Костовски, со цел да ги круниса и продлабочи добрите пријателски односи со Љупчо Николовски - Фуфо.

Тие се и деловни партнери кои стојат зад проектот за обнова на култната скопска кафеана „Кермес“

- Големо е чувството кога се побратимувате со човек што е подготвен со вас, а и вие со него, да го делите доброто и злото. Роднините, браќата и сестрите ни се дадени од Господ, а побратимите самите си ги избираме. Затоа, несекојдневно е чувството дека добивате искрен пријател што е подготвен во секоја ситуација да ви помогне, и вие да го чувствувате истото за него - вели Љупчо Николовски - Фуфо.

Црковниот обред на побратимувањето бил извршен во присуство на семејствата Костовски и Николовски, согласно со правилата што постојат во МПЦ за овој чин. Централниот дел од обредот претставува заколнување за побратимство што двајцата го изговараат откако ќе ги положат рацете врз Библијата.

- За побратимувањето не постојат строги црковни литургиски правила. Тоа е договор меѓу двајца луѓе што решиле да ги зајакнат меѓусебните врски. По христијанското учење, преку крштевањата и причестите, сите луѓе стануваат браќа - вели Јован Таковски, професор на Теолошкиот факултет „Свети Климент Охридски“ во Скопје.

На овој начин двајцата побратими влегуваат во посебен вид лични и семејни односи, создадени врз основа на народната традиција. Во иднина, децата на Костовски и на Николовски нема да смеат да стапат во брачни односи, бидејќи тоа би се сметало за родосквернавање. Секој од побратимите има обврска да се грижи за семејството на другиот во случај едниот предвреме да го заврши животот.

По подолг период, ова е прво побратимување во црква, за разлика од минатото, кога тоа било многу често. Во македонската традиција побратимувањата биле најчести во периодот на војните што се воделе на овие простори. Луѓето што стравувале дали ќе ги преживеат битките, решавале да се побратимат со оние што ги сметале за искрени пријатели и имале доверба дека тие ќе се грижат за нивните семејства.

Бранко Горгевски