ВЕРСКИ ВЕСТИ

Биографија на Неговото Преосвештенство Д-р Даниил Чаботеја, Архиепископ на Јаши, Митрополит на Молдавија и Буковина, вршител на должноста Патријарх на Православната Црква на Романија

Неговото Високопреосвештенство д-р Даниил Чаботеја, Митрополит на Молдавија и Буковина, е роден на 22-ри Јули 1951 год. Во Добрешти-Бара, округ Тимиш, како трето дете во семејството на учителот Алексие и Стела Чаботеја.

Основно училиште учел во родното село Добрешти (1958-1962), средно училиште во Лапушница (1962-1966), округ Тимиш. Во 1966 година, запишал гимназија во градот Бузијаш а потоа во градот Лугој, во Гимназијата „Кориолан Бредичеану“ (1967-1970).

По завршниот испит во гимназијата, следел настава на Универзитетскиот Богословски Институт - Сибиу (1970-1974), каде дипломирал со дипломска работа по предметот Нов Завет.

Во времето од 1974-1976 посетувал докторски студии на Универзитетскито Богословски Институт во Буурешт, Оддел Систематика, под менторство на чесниот професор д-р Димитриј Станилое. Студиите ги продолжува во странство: две години на Факултетот за протестантска теологија – Универзитет по хуманистички науки во Стразбур (Франција) и две години на Универзитетот „Алберт Лудвиг“ во Фрајбург на Брајсгау, Факултетот за католичка теологија (Германија).

На 15-ти Јуни 1979 год. ја одбрани докторската теза на Универзитетот во Стразбур под наслов: „Христијанската мисла и живот денес. Есеј за односот меѓу теологијата и духовноста“ (VII ^ 424 p.). Тезата ја подготвуваше под менторство на двајца познати француски професори : Жерар Зигвалд и Андре Бенуа и ја доби највисоката оценка. Стана доктор на Универзитетот во Стразбур.

Проширена верзија од тезата подготви под водство на својот ментор, чесниот проф. д-р Димитриј Станилое, и ја одбрани на 31-ви Октомври 1980 год. на Универзитетскиот Богословски Институт во Бук*решт, под наслов: Богословието и христијанската духовност. Врската меѓу нив и сегашната ситуација.

По поднесувањето на тезата, кандидатот доктор Дан Илие Чаботеја беше прогласен за доктор по православна богословија, исто така со највисока оценка. Чесниот проф. д-р Д. Станилое тогаш изјави: „Испитот и докажа на Испитната Комисија дека тој е добро подготвен кандидат, информиран и желен да го живее богословскиот живот со духовна длабочина. Нам ни се потребни ваков вид личности, личности кој го живеат учењето на нашата Црква. Вистинската духовност на денешниот свештеник е следната: да живее на таков начин што да може да одгови на прашањата на денешниот човек, но да остане вистински свештеник. Со свештенство без богословска култура и без живот на достоинството и возвишената мисија на свештенството, верниот народ ќе се оттуѓи од Црквата“.

Во 1987 год., стапува во монаштво во Манастирот Сихастрија, Округ Њамц, под името Даниил и под водство на преподобниот Отец Клеопа Илие.

Интронизација на Романскиот патријарх (01.10.2007)

Илјадници луѓе се искачија вчера наутро на Ридот на Митрополијата за да присуствуваат на церемонијата на востоличувањето на новиот патријарх. Митрополитите на Светиот Синод на патријархот му ставија црвена мандија, симбол на патријаршиската власт. Потоа, му подарија граден крст, знак на победата врз гревот. Му подарија и две панагии, а тоа се два медаљони, едниот е со ликот на Господ Исус Христос, а вториот го носи ликот на Пресвета Богородица. На главата му ставија митра, симбол на трновиот венец којшто го носеше Исус Христос. Власта дадена за раководење на Црквата беше означена со давањето на патријаршиски жезол. На церемонијата присуствуваа повеќе јавни личности од романската држава: претстедателот на државата, поранешни претседатели на Романија, министри, членови на Влада, амбасадори, како и кралот Михаил.

Попладнето, сите присутни од патријаршиската катедрала се собраа во палатата каде што официјално му честитаа на новиот патријарх. Потоа, патријархот Даниел беше поканет во палатата Котрочени, каде што претседателот на Романија му предаде  орден „Ѕвезда на Романија – Голем Крст“.

Обраќање на Рускиот патријарх (03.10.2007)

Рускиот патријарх Алексиј II ги предупреди Европјаните од трибината на Парламентарното собрание на Советот на Европа дека негирањето на христијанските вредности може да биде погубно за судбината на Стариот свет. „Рушењето на моралните норми и пропагандата за морален релативизам може да го поткопа погледот на светот на европскиот човек и да ги доведе народите од Континентот до онаа граница зад која тие ќе го загубат својот духовен и културен идентитет, што значи и своето самостојно место во историјата.“

Алексиј II исто така забележа и дека концепцијата за човекови права, „таа најважна политичка идеја на Европа“ се појави не без учество на христијанското учење за достоинството на човекот, неговата слобода и морален живот“. „Денес, пак, се случува погубен за европската цивилизација расцеп меѓу правата на човекот и моралот. Ова се забележува во новото поколение на права, кои му противречат на моралот, како и при оправдувањето на неморални постапки преку повикување на правата на човекот“, констатираше претстојателот на Руската Црква.

„Ние сме убедени дека ниту еден поглед на светот, вклучувајќи го и секуларниот, не може да полага право на монопол ниту во Европа ниту во светот. Затоа сметаме дека е недозволиво изгонувањето на религијата од јавниот простор“, подвлече патријархот Алексиј. Според него „дојде време да признаеме дека религиозната мотивација има право на постоење, притоа и во јавната сфера“. А за да се избегнат можните судири меѓу различните погледи на свет, „потребен е сериозен меѓукултурен дијалог со активно учество на претставници на традиционалните религии и секуларизираниот свет“.

Denes na  radio slusnav deka Tose Proeski ke bide proglasen za svetec.