ДОСТОИНСТВОТО НА БОГОРОДИЦА

Mnogu dobra analiza maria magdalena.

EvAngelos напиша: Сепак се разиденуваме околу терминот "рани христијани". За тебе раните христијани се од 3 век, а за мене се тие од 1 век. За тебе "рани христијани" се некои папируси во Египет, а за мене тоа се докажаните Христови апостоли. Кога би знаел какви се не папируси со какви не содржини се најдени во 2от и 3от век, ќе се почешаш два пати пред да ги земаш нив како аргумент за раното христијаснтво. Ересите во христијанството започнуваат дури од времето на апостолите, значи од 1ви век и тие експлозивно се шират во 2от и 3от век. Така што овие векови не можеме да ги земеме како репер на раното изворно христијанство. Затоа јас се повикувам на учењето на Хрстос и апостолите ина нивната пракса, затоа што знам дека тие "рани христијани" се избрани лично од Христос и го имале Неговото одобрение, Неговата благонаконост. Ако тие не биле вистинските Христови следбеници, тогаш кој? Знам и дека тие биле боговдахновени кога ги пишувале своите посланија. Затоа ним може да им се верува, а секогаш треба да бидеме со резерва за некој "папурис" најден во Египет, Месопотамија или не знам каде. Па што ако во Египет некои ја обожавале блажената Марија? Тоа треба да ни е репер за нашта вера? Зарем не треба да се водат Христијаните по Божјиот Збор, по Библијата?

Раното Христијанство не е ОД трети век туку до трети век некаде и не според мене туку според историјата. Јас не сум подобен да поставувам хронолошки граници за Христијанството.

Evangelos еве што велеле Христијаните за Пресвета Богородица


Прво послание на Св. Игнатиј Богоносец до Св. Јован Богослов

Второ послание на Св. Игнатиј Богоносец до Свети Јован Богослов

Еве што мислеле и други Христијани за Пресвета Богородица

Св.Дионисиј Ареопагит (+96)
кој беше покрстен од св.ап.Павле ја посетил Богородица во Ерусалим, а потоа му го пишал на св.ап.Павле следново:

Невозможно е за човечкиот ум да го поими тоа што го видов, не само со очите на мојата душа, туку и со моите телесни очи. Со своите очи ја видов најпрекрасната и света Мајка на нашиот Господ Исус Христос .... Тоа време за мене беше време на неопислива радост, благодарејќи на највозвишениот и најславниот Бог, и божествената Дева, големиот Апостол Јован, и тебе (св.Павле), за вашето милосрдие што ме дарувавте со толку голем благослов.



Св.Игнатиј Богоносец (30-106)
на својот учител – св.Јован Богослов му го пишува следново:

Ми се даде можност, и планирам да дојдам кај вас за да ги видам верните во Ерусалим, а особено Мајката на Исус; за неа велат дека таа е чесна, мила, и возвишено чудо во се, и сите сакаат да ја видат. А кој не сака да ја види Девата и да беседи со онаа која го носеше вистинскиот Бог? Од нас таа е возвеличена како Мајка Божја (Богородица) и Дева полна со благодат и добродетели. Велат за неа дека е радосна во маките и гонењата, не жали во немаштија и оскудност, и не само што не се гневи на оние кои ја навредуваат, туку и уште повеќе добрини им укажува... сите кои ја гледаат се восхитени.



Св.Иринај Лионски (115-202) -
(ученик на св.Поликарп, кој бил ученик на св.Јован Богослов)
Како што Ева беше заведена од зборот на ангел за да отстапи од Бог, бунтувајќи се против Неговото Слово, така Марија од ангелскиот збор ја прими радосната вест дека таа ќе Го прими Бог почитувајќи го Неговото слово. Претходничката беше заведена да не го почитува Бог, за Дева Марија да стане застапница на девицата Ева. Бидејќи смрта дојде во човештвото преку девица, исто така беше спасен од Дева.
(Против Ересите V:19,1)


Протоевангелие според Јован, 6:2 (150)
Тие ја благословија велејќи: Боже на нашите отци, благослови го ова дете, и дај и вечно име за да ја ублажуваат сите родови. И сите луѓе рекоа: Така нека биде, така нека биде. Амин. И тој ја однесе до кај првосвештеникот и тие ја благословија велејќи: Највозвишени Боже, погледај на ова дете и благословии ја со преголем багослов кој ќе биде вечен


Мелито Сардски, Велигденска проповед (177)
Тој беше роден од Марија - неосквернатото сокровиште.


Св. Иполит Римски (170 - 235)–
ученик на св.Иринеј Лионски
Бог Словото Кој не беше во тело, зеде на себе свето тело од света Дева, и подготви облекло кое Тој го зеде за Себе, како младоженец, во страдањата на крстот, за да ги обедини Својата сила со нашето трулежно тело, и да ги соедини нетрулежноста и трулежноста, и силното со слабото, Тој го спаси пропадливиот човек.
(Трактат за Христос и антихристот, 4)


Св.Григориј Неокесариски чудотворец (213 – 270)
Дево Марије, ти си кораб и Скинија која ги содржи сите тајни. Ти го знаеш она што Патријарсите никогаш не го дознаа, ти го доживеа тоа што на ангелите никогаш не им беше откриено, ти го чу она што пророците никогаш не го чуја. Со еден збор, сето она што беше сокриено од претходните поколенија ти се откри тебе; дури и повеќе, повеќето од овие чуда се однесуваат на тебе.


Св.Атанасиј Александриски (295-373)
О величествена Дево, навистина ти си повозвишена од било која возвишеност. Кој ти е рамен во твоето величие, о сместилиште на Бог Словото? Со кого од сите суштества да те споредам, Дево? Ти си поголема од сите нив, Завету, облечена во чистота наместо во злато! Ти си Арка во која е најден златен Кораб на вистинската мана кое е плот на Божеството живеалиште.
(Беседа на Папирус од Турин 71:216)


Св.Амвросиј Милански (338 – 397)
Да, навистина благословена што го надмина свештеникот (Захарија). Додека свештеникот противречеше, Дева ја исправи грешката. Без сомневање Господ, сакајќи да го спаси светот, тоа го започна со Дева Марија. Така што таа, преку која беше спасението подговтвено за сите луѓе, е првата која го доби ветениот плод на спасението.


Св. Епифаниј Кипарски (310 – 403)
Ева беше наречена мајка на живите....по падот, оваа титула и беше дадена. Вистина е...целото човештво на земјата беше родено од Ева, но во суштина од Дева Марија е Живото кој беше навистина роден за светот. Така што, раѓајќи го Живиот, Таа стана мајка на сите живи.
(Против осумте ереси 78, 9)

Постов можеби изгледа вон контекст, но е строго врзан со темава.

Библијата е Божји Збор и тоа е неспорно за било кого.
Но тоа не значи дека Бог завршил со својата "работа" или со обраќањето кон луѓето со Откровенијата. Сосема апсурдна е самата помисла да се ограничи Бог во било какви рамки, а уште поапсурдно е да му се "забрани" понатамошно обраќање на начин на кој Тој Го избира. Секој ваков обид значи дека се верува дека Бог не е Семоќен и Апсолутен, туку дека Тој се води според некакви правила кои ние луѓето сме ги намислиле.
Обично, како аргумент за ова се користи тоа што во Библијата се вели дека не смее да се додава, ниту одзема од таа книга.
Самиот тој аргумент е апсолутно вон контекстот на оваа дискусија, од проста причина што со Свето-отечките посланија и поуки не се додава ништо на Библијата. Таа е сеуште онаква, каква што ни ја оставиле Апостолите. Ниту збор не е изменет (освен ако не настане некоја забуна во преводот, но во моментов не дискутираме за тоа), ниту пак во Библијата е вметнато обраќање "Богородица" кон Светата Дева.
Така што - заповедта дадена од Бога, преку Јован, да не се менува ништо во Книгата е апсолутно запазена и почитувана.

Така што - разликата не е во тоа што "првите веруваат дека Библијата е Божји Збор", а "вторите веруваат во свети овој, свети оној"... Разликата е во тоа што "првите" веруваат дека Бог престанал да се обраќа на човештвото со Откровенијата, и дека кажи-речи замолкнал потоа (иако претходно во континуитет редовно се обраќа речиси 4000 години), додека "вторите" сметаат дека Бог ја оформил Библијата по Негова Воља и Умисла, забранил да се менува истата (како најважно сведоштво, законик и столб), а потоа продолжил со Неговото обраќање до човештвото, како што тоа го правел и претходно.

Во контекст на оваа дискусија - тоа што Марија во Библијата не е наречена Богородица, Владичица итн., не значи дека тие титули се погрешни. Луѓето околу неа (учениците Христови и нивните ученици потоа), ја разбираат нејзината Светост и значење подоцна, односно - подоцна Бог им го открива нејзиното (Марииното) значење.
Тоа по никаков начин ниту одзема, ниту додава на Библијата, ниту пак е во спротивност на се она што е напишано во неа, а е дополнително сознание предадено од Бога на луѓето, во подоцнежен период.

За да не се повтори една дискусија која ја имавме претходно, а со аргументот дека на тој начин се "оправдува" постоењето на учења како Универзален Живот (се извинувам на Мајкл, го земам конкретниот пример од претходна една дискусија), само ќе потенцирам дека и тоа не е валиден аргумент, затоа што конкретното учење (или останатите учења кои се појавуваат подоцна) ја негираат целоста на самата Библија и автентичноста на поголемиот дел од нејзините текстови, и со самото тоа ја нарушуваат последната заповед издадена во неа. За разлика од нив - Православната Црква ја прифаќа Библијата во целост(!), но не си дава за право да го ограничи Бог и да му забрани да "зборува" во последните 1940-тина години.

Мајкл - ова за неменувањето е интересна дискусија и можеме доста да дебатираме - но сепак е вон контекстот на оваа тема. Ако сакаш - може или во Општо, или во нова тема.
А за "неспорното" - беше во контекст на дискусијава (иако недоволно прецизирано од мене), а не генерално. Не го оспорувам правото на било кој да верува поинаку.

zidarski напиша: додека "вторите" (православните) сметаат дека Бог ја оформил Библијата по Негова Воља и Умисла, забранил да се менува истата (како најважно сведоштво, законик и столб), а потоа продолжил со Неговото обраќање до човештвото, како што тоа го правел и претходно.

zidarski напиша: Сериозно - што мислиш - дали Бог престанал да делува и да се обраќа? И од каде ти е тој заклучок?!

Изменето од EvAngelos - 29.Април.2009 во 01:23

EvAngelos напиша: Епа тука е разликата меѓу библиските христијани и православните macedon_alex. Првите веруваат дека Библијата е Божји Збор и се раководат по неа, а вторите веруваат во свети овој, свети оној, во апокрифното протоевангелие според Јован (леле не ти требаше ова да го спомнуваш.

.

Macedon alex никаде во својот пост не го спомна протоевангелието по ЈАКОВ,(не Јован).
Ја чисто да те поправам зашто гледам дека всушност го немаш читано тоа што го покажуваш со прст.
Инаку тоа протоевангелие на папирус било запишано некеде меѓу 2-3 век но потекнува од ПРЕДАНИЕТО на ерусалимската црква.Не влегло во канонот на новиот завет но одсекогаш се сметало за многу корисно за читање.
Во црквата Богородивца Перивлепта(13 или 14 век) во Охрид целото тоа протоевангелие е насликано на фрески!
Сепак ние православните не сме до толку ригидни па све да спалиме и да поплукаме што не влегло во канонот на Новиот завет.Сепак раководени од Светиот Дух преку Христовата Црква треба да се расудува нели?!
Но протестантите нели знаат подобро и од Светиот Дух, но нејсе.
Инаку Коранот го има во предевид ова протоевангелие кога ја споменува Богородица.

Изменето од ahmar1 - 29.Април.2009 во 11:41