Не прави идол или слика на она што е горе

 Македон напиша:

Неодамна, од Рим купив мала статуетка на Пресвета Богородица и ја ставив покрај кандилото и иконите. Станува збор за статуата Богородица од Лурд (Our Lady of Lourdes).   

Знам дека статуетката ја симболизира Пресвета Богородица, што на овој настан кажала дека е безгрешен зачеток, нешто што не е во согласност со Светото Писмо. За ова сум свесен и за мене такво нешта оваа статуа не симболизира.

Потоа, на некои места прочитав дека во Православното Христијанство не се дозволени статуи на Господ Исус Христос, Пресвета Богородица и светиите, односно, дека тие треба да се изобразуваат само на икони, а не и статуи и дека Православните Христијани не треба да имаат статуи, бидејќи со самата форма на статуата не се будела духовноста, напротив, се славело телесното. Побарав и неkoи одлуки од Вселенските Собори, но таму се говори за икони,ликови, без да се прецизира какви ликови, а не се прецизира дали се дозволени изобразувања како што се статуите. На друго место пак прочитав дека одлуките на Соборите се однесуваат и на статуите и да бидам искрен, сето тоа мошне ме збуни. Зборот "ликови" е доста општ збор. Сфатив дека на VII Вселенски Собор се говорело за икони, а не за статуи, но тој собор е прифатен како Соборен и од тогашниот Папа, кој цврсто се борел за признавање на одлуките, а знаеме дека во тоа време се употребувале и статуи. Најдов дури и статуи пред православни цркви:

Втората статуа е од Константинопол, X век.

Ja сфаќам разликата меѓу статуата и иконата, која е прозорец кон Небесното Царство, но, особено ме интересира, дали е точно едно тврдење кое го прочитав, дека статуите се седиште на демони и дека се спротивни на Десетте заповеди, бидејќи биле симбол на идолатрија.

Дали може некој да ми одговори дали во православното Христијанство се почитуваат статуите, онака како што се почитуваат иконите, а истото да го поткрепи со одлуки од соборите, Светите Отци и православна литература и дали воопшто е дозволено православните Христијани да имаат статуи, или истите се забранети?

Благодарам однапред на одговорот!

Што се однесува на Теолошките Ставови на Православието по ова прашање, искрено не сум читал ништо, но од ПравоВерниот начин на разбирање на Светото Писмо со Православен Дух во себе, лично сметам дека:
Никој нема право да каже дека е забрането да имаш таква статуетка! 
Што ако ја имаш??? Дали таа ќе ти стане Бог? Дали ќе ти биде замена за Него или за БогоРодица? Дали ќе ти даде утеха тој предмет сам за себе? Дали ќе и’ зборуваш на статуетката или иконата? Дали ќе ја третираш сама за себе статуетката или иконата како жива личност? Дали ќе и’ се поклонуваш како на Божество? Ако не, тогаш немаш гајле.

Ако добро ја знаеш, разбираш, постојано и со внимание и умиление ја созерцаваш 1.вата (но и останатите 9) од десетте заповеди, и 1.вата и 2.рата од Двете Најголеми Заповеди, тогаш  го градиш Твоето Спасение.

Целата работа околу иконите и статуетките е пред се’ и над се’, во суштина да се пазиш од сето тоа што е идол и од сето тоа што е идолопоклонство! Едноставно кажано, идолопоклонство - тоа е себедарување (себеподарување, себепоклонување) на некого или нешто (идол), кој/кое има за цел да ти ја разболи и земе душата и да ти ја однесе во пеколот/геената/ѓубриштето, односно во местото на пропаднатите души, во местото на духовната темнина. Во таа смисла гледано, значи неформалистички и суштински - се’едно е дали на твоето биро ќе има статуетка или на ѕидот - икона, битно е Кому Му се даруваш себеси. Ако целата своја личност и живот Му ги подаруваш постојано секој час и секој миг на Бога, добро правиш и го градиш Своето Спасение. Ако ли му гидаруваш на злиот... што си сееш тоа ќе си жнееш. 

За својата пропаст одговараме сами! 
Опцијата за Вечен Живот во Бога ја бираме сами!

Сами за себе иконите и статуетките ниту не’ спасуваат, ниту не’ погубуваат.

Се надевам дека нешто од нешто ти расчистив...
Слава на Бога!
Ти БлагоДарам (Благослов ти дарувам) тебе за прашањето што го постави!

ги тргнав од цитатот статуетките, заради големиот простор кој го зафаќаат.

Внеси реплика	страница <1 6 789 10 23 >
Tweet