Во Штип почнува фестивалот „Култра“

Универзитетот „Гоце Делчев“ од Штип втора година го организира тридневниот фестивал „Култра“ посветен на театарот и краткиот филм.

Марија Манева од Центарот за односи со јавност при УГД-Штип изјави дека фестивалот почнува вечерва со проекцијата на кратките филмови и претставата „Човек“.

- Фестивалот ќе се одржува до 16 јуни, а студентите, но и штипјани на сцената на Мултимедијалниот центар можат да видат 22 кратки филмови од македонска продукција и три театарски претстави, рече Манева.