Од Канада до Полска, некои од најдобрите глетки кои треба да ги посетите се токму локалните дрва. Не е важно дали шумата е мала или голема. Неверојатната убавина може да биде содржана и во само неколку дрвца. Еве кои се најубавите шуми во светот.

1.Искривената шума, Полска

Полска има многу интересна шума составена целосно од сосема искривени борови дрва. Иако дрвата кои растат на чуден начин можеби имаат објаснување, сите борови дрва во оваа шума се искривени на идентичен начин. Целата шума содржи 400 или повеќе дрва, и постои од 1930-тите.


2.Амазонската дождовна шума, Јужна Америка

Некој не може, а да не помисли на Амазон кога ќе ги слушне зборовите „дождовна шума“. Џунглата е толку масивна, што се шири преку 9 различни земји, и покрива вкупно 5.500.000 квадратни километри. И покрај проблемите со уништувањето на шумите, Амазонската дождовна шума се’ уште е половина од светските дождовни шуми.


3.Долината Џуижагоу, Кина

Оваа долина е позната како долина на 9 села, и е популарна дестинација благодарение на нејзините светло обоени езера и неверојатни водопади. Земјата околу уникатните езера е покриена со дебела шума. Оваа област е прогласена за светско природно богатство во 1992 година, што треба да помогне да се зачуваат шумите во иднината.


4.Националната шума Коконино, САД

Лоцирана во Аризона, Коконино е шума на голема надморска височина, со дрва кои растат на планините и до 12.000 стапки. Повеќето дрва се бор или смрека. За секој кој ужива во планинарење, има многу интересни патеки кои треба да се истражат во оваа област.


5.Дождовната шума Голема Мечка, Канада и САД

Иако повеќето дождовни шуми се наоѓаат јужно од екваторот, оваа е малку подалеку. Големата Мечка е една од најголемите дождовни шуми во светот, и се протега од Британска Колумбија до Алјаска. Таа е дом на многу видови, како гризли мечки, црни мечки, рисови, лосос и волци.

Додека дел од туристите сакаат да патуваат во срцето на туристичките дестинации, да ги разгледуваат последните достигнувања во светот на архитектурата и да се воодушевуваат на животот во главните центри, останатите сакаат да ги запознаат магичните креации на природата, односно местата каде што човековата рака не допрала ништо и местата каде што единствени "владетели" се животните. Токму такви места се "белите дробови" на планетата Земја, односно прекрасните шуми кои се издигнуваат ширум светот. 


Шумите претставуваат магични предели каде што живеат огромен број на живи суштества кои во ова свое царство ги градат своите домови и ги поставуваат "правилата на игра". Со оглед на огромниот број на дрва и други растенија, шумите се прекрасно место за посетување во било кој период од годината. 


Така, во текот на зимата крошните од дрвјата се скриени под снежната прекривка, во пролет целиот овој еко-систем се буди, во лето дебелите сенки им се спротивставуваат на топлите сончеви зраци, а во есента, целиот пејсаж се бои во црвени, портокалови и жолти тонови.


Токму затоа, сите оние авантуристи кои што сакаат да уживаат во убавините на природата, можат во секое време да се одлучат за нова авантура за истражување на дотогаш невидена шума, а во продолжение погледнете дел од најубавите шуми кои се простираат во светот. 

Национален парк Секвоја во Калифорнија 


Дождовната шума Амазон во Јужна Америка 


Дождовната шума Хох во Вашингтон 


Шумата Шервуд во Англија 


Шумата Дентри во Австралија 


Национален пар Тонгас на Алјаска 


Големата дождовна шума на мечките во Канада 


Шумски резерват Синхарја во Шри Ланка 


Шумата Монтеверде во Костарика 


Бамбусова шума во Киото, во Јапонија 


Националниот парк Писга во Северна Каролина