Новиот Џејмс Бонд за 90 денари во Cineplexx во ”Скопје Сити Мол”

Отворањето на новото кино во „Скопје Сити Мол” ќе се одржи на 22 ноември, со присуство на македонски познати личности од филмот и музиката…

Со 3Д авантурата „Животот на Пи“ и новиот Џеjмс Бонд филм „Небесен пад“, австриската кино-групација Cineplexx (Синеплекс), заедно со партнерите MCF Films и Continental Film, ќе го отвори своето ново кино во Македонија.

Деветте сали, кои се дел од „Скопје Сити Мол“, се опремени со современа опрема и 3Д технологија, овозможена од „Real 3d“ и ги имаат најголемите екрани во Македонија. Салите имаат суперкомфорни седишта поставени во тн. стадионско седење. Најголемиот екран има димензии 14×7,6 метри и е поставен во најголемата сала со капацитет од нешто повеќе од 300 гледачи. Вкупниот капацитет на салите е поголем од 1.400.

На вечерта на отворањето на Cineplexx билетарите за публиката ќе бидат отворени во 20:45 часот, а сите проекции почнуваат во 21:30 часот за што ќе се нуди специјална цена на вечерта во износ од 90 денари за уживање во првото вистинско кино во “Скопје Сити Мол”.

Значи кратко и јасно, „Животот на Пи“ и новиот Џеjмс Бонд филм „Небесен пад“ во Синеплекс од 22.11.2012 по цена од 90 денари.

Проекциите се од 20:00 и 23:00