Семејство ја загуби социјалната помош

Беда и сиромаштија во домот на Тодевски ова семејство живееше со 1.400 денари социјална помош, сега и тоа им е укинато. Со солзи и во очај раскажува мајката на штотуку роденото бебе, 14-от член во овој дом.

Без храна и струја во руинирана соба, тоалет од кои се шират зарази семејството се моли да го преживее секој ден. Се стравува од болести и од неподносливиот глад на малите деца.

Семејството моли до надлежните институции и хуманите луѓе за помош, се е добредојдено во овој мизерен дом.

Зошто е укината социјалната помош, семејството тврди дека го испуштиле датумот кога требале да ги однесат документите поради комплицираната бременост на мајката. Заменикот министер Ристевски ја повикува мајката да поднесе жалба, да се однесат документите за да им се врати правото на користење на парична помош.

Сите хумани луѓе кои сакаат да им помогнат може донациите да ги однесат во нивниот дом на улица „Среќко Пузелка“ 33б во населбата Ченто.

Мирјана Поповска