ЗАМ-Здружение на Акваристи на Македонија

Почитувани,
Администрацијата   Ве известува дека за прв пат во македонската акваристичка историја е основано Здружение на акваристи на Македонија АКВА ПАРК . Со формирањето на здружението акваристиката во Македонија се носи на едно повисоко ниво, се со цел за ширење на истата како хоби и како нечија професионална обврска.
Член на ЗАМ АКВА ПАРК може да биде секој полнолетен граѓанин на Република Македонија, и можеби едно од поретките Здруженија како членови може да се јават и странски државјани ( се разбира акваристи, тераристи)
Цели на Здружението се следниве:
   одгледување и унапредување на одгледувањето на животни и растенија во аквариумски услови,
   примена на позитивните светски стандарди во одгледувањето на животни и растенија во аквариумски услови,
   приредување на изложби и натпреварувања од областа на акваристиката,
   соработка во приредување на изложби и натпреварувања од областа на акваристиката со други Здруженија на регионално, државно
и меѓународно ниво,
   приредување на стручни предавања и семинари од областа на акваристиката заради правилен третман на животните и растенија во
аквариумски услови,
   сите видови советувања од областа на акваристиката,
   соработка и контакти со слични Здруженија во земјата и во странство се со цел за унапредување на акваристиката,
   заштита, унапредување и грижа за сите јавни водени површини во Република Македонија
   изградба и одржување на јавни аквариуми заради едукација на населението за водниот свет од слатководна и морска природа
   издавање на публикации во врска со работата на Здружението.


www.zam.mkreef.com