Дедо мраз во Сараево

Сараево(АП) - Повеќе стотици граѓани, млади и деца протестираа во центарот на Сараево поради обидот да му забрани на Дедо Мраз да им подели пакетчиња на децата во сараевските градинки.
Протест се организираше поради одлуката на директорката на предшколската установа "Децата на Сараево" Арзија Махмутовиќ да се укине традиција Дедо Мраз да им подели подароци на децата, бидејќи како што навела, тоа не е во "бошњачката традиција".
На завчерашниот протест пред катедралата Срце Исусово беше и Дедо Мраз, а насобраните носеа црвени капи и пееја детски песни за Дедо Мраз. Една од мајките рече дека е неверојатно родителите и нивните деца да мораат со протести да се борат "за ликот и делото на Дедо Мраз".