Еден голем минус

    Zarem moze da nema pari za zdravjeto na decata... zarem moze nekoj da ne odvoi sredstva za zdravjeto na decata . Lugje moi, se menuva Ustav na koj ako kje mu tekne...pa ne moze po kratka postapka da se napravi rebalans na budzetot za da se odvojat sredstva za vakvi situacii...eve shto nosat deneshnite vesnici
Деца со цистична фиброза се' уште ги купуваат лековите
За дел од 26-те деца кои боледуваат од белодробната форма на цистична
фиброза, наследно заболување кое најчесто ги оштетува белите дробови,
црниот дроб и панкреасот, се' уште нема лекови на товар на државата.
Нивните родители се принудени да ги купуваат лековите и месечно да
издвојуваат и до 100 евра за терапијата со која болеста се држи под
контрола. На Клиниката за детските болести, каде што овие деца ја
примаат терапијата, ни потврдија дека нема лекови за сите 26 деца.
Објаснувањето е дека буџетот што им го одобрил Фондот за здравствено
осигурување за оваа година е толкав што не можат да обезбедат пари за
сите.
„Буџетот на клиниката не е доволен за да обезбедиме терапија за сите
деца. Ако нема основен лек за болеста, тогаш децата страдаат од други
инфекции, па повеќе пари се трошат на антибиотици за да се закрепнат.
Третманите се скапи и затоа треба да се доделат повеќе пари за да не
кратиме кај другите болни. Испратено е писмо до Фондот за зголемување
на средствата“, ни објасни в.д. директорот на Клиниката за детски
болести Ацо Костовски.

„Состојбата е малку подобра од лани и
терапијата ја примаат повеќе од половината од децата. Но, се' уште има
деца за кои мора да се купуваат лековите. Среќа е што од годинава трите
лека за белодробната цистична фиброза се ставени на позитивната листа,
па родителите можат да си ги рефундираат парите за купени лекови“, вели
Снежана Бојчин, претседателка на Здружението на болни од цистична
фиброза.
Но, и децата за кои има терапија на клиниката постојат проблем. Со
оглед дека нема доволно простории, се случува по две или три деца во
една соба да ја примаат терапијата, со што се зголемува ризикот
меѓусебе да си пренесат некоја бактерија и да им се влоши состојбата,
зашто овие деца најчесто се со ослабен имунитет. За подобрување на
болничките услови, вчера фармацевтските куќи „Солвеј фарма“ и
„Македонија лек“ донираа мебел и опрема во вредност од околу 10.000
евра. Со набавка на мебел и друг инвентар, на петтиот кат ќе се
ослободат простории со кои ќе може да се подобри степенот на изолација
на децата. 

Уште поголем проблем што ги мачи овие деца е кога
ќе наполнат 18 години тие мора да плаќаат партиципација за лековите.
Поголемиот дел од овие деца се од семејства со ниски примања, па не
ретко се случува да мора да кратат од лебот за да го купат лекот. „Ако
ќерка ми ја прекине терапијата само еден ден, веднаш ќе и' се влоши
здравствената состојба и ќе ја нападнат инфекции. Маж ми зема плата од
7.000 денари, а за партиципација на лекот за ќерка ми ни се потребни
околу 3.000 денари, зашто таа месечно троши и по 50 кутичиња за
одржување на црниот дроб, кој го има нападнато цистичната фиброза.
Повеќе од една година се мачевме, но сега од Фондот за здравствено
осигурување добивме потврда за ослободување од плаќање партиципација“,
раскажува мајката која има 26-годишна ќерка со цистична фиброза.

„Проблем
со партиципацијата за лековите за децата со цистична фиброза над 18
години мора да се реши системски“, укажува д-р Стојанка Нацева-Фуштик
од Клиниката за детски болести. „Колку што можеме, помагаме. За
болничко лекување овие деца не плаќаат, но за се' друго мора да
партиципираат. Државата мора да најде начин како да се ослободат овие
деца“, додава д-р Нацева-Фуштик.