Камбек на Руфи Османи

...pomina vreminjata na nacional romantizmot kaj albanskiot elektorat... na scena se vrakjaat intelektualncite... koi veruvam deka vo domenot na ekonomijata kje go imaat svojot zbor... vreme beshe...
Руфи Османи ја започна кампањата за градоначалник на Гостивар
Графити со името на Руфи Османи, експретседател на Општина Гостивар (1996-1997), и графити со пораки на албански јазик деновиве беа испишани на јавни објекти, станбени згради, куќи и на други објекти во Гостивар, како и во повеќе гостиварски села каде што концентрацијата на албанското население е голема, и тоа: Чајле (каде што живее Османи), Форино, Чегране, Дебреше, Балиндол, Беловиште и во други селски населби. Графитите се напишани со спреј. Но, нема информации за тоа кој ги напишал графитите.

Во гостиварската чаршија се зборува дека Руфи Османи ја започнал кампањата во пресрет на локалните избори кои ќе се одржат на крајот на март идната година. Познавачи на политичките прилики во Гостивар очекуваат дека на мартовските локални избори 2009 година ќе се води жестока битка за градоначалничката фотелја на Општина Гостивар. Двајца кандидати ја најавија бескомпромисната борба. Руфи Османи, како независен кандидат, кој по десетгодишна пауза од политиката сака да се врати на голема врата, и актуелниот градоначалник Невзат Бејта, како кандидат на ДУИ, партија што е на власт на локално и на централно ниво. Како што дознаваме, Руфи Османи започнал да го составува тимот што ќе се обиде да ги добие локалните избори. Пишувањето на графитите е најава дека ќе водат агресивна кампања и нема ништо да остават на случајноста.

Неодамна Руфи Османи ја објави својата градоначалничка кандидатура и истакна дека ќе се бори како независен кандидат за да го врати мандатот што насила му го одзела македонската држава, притоа алудирајќи на деветтојулските настани во 1997 година. За него актуелниот градоначалник не е конк*ренција, бидејќи тој е замешан во многу афери. Османи за својот конк*рент Бејта истакнува дека е предводник на градежната мафија во Гостивар, граѓаните го знаат тоа и на изборите ќе го казнат. По оваа изјава се огласи и актуелниот гостиварски градоначалник, кој потенцира дека сите анкети зборуваат дека граѓаните се задоволни од неговата работа, а кандидатурата ја поддржуваат сите структури на ДУИ и лидерот Ахмети.

Инаку, во телата на гостиварските разграноци на политичките партии започнаа разговорите за можни кандидати за градоначалник. Но, засега се' уште ниту една јавно го нема изнесено својот предлог и став. Во неколку политички партии има размислувања да ја поддржат кандидатурата на независниот кандидат Османи, а можни се коалиции и со владејачката ДУИ.
... ne bi sakala da sum vo kozata na Bejta... nasproti nego zastana silen protivnik...