GP Hungary

Маса со фрактура на черепот



Спирала од задниот дел на болидот на Рубенс Баричело што го погоди Фелипе Маса за време на квалификациите во Унгарија, довела до сериозни повреди на главата од возачот на Ферари, вклучувајќи фрактура на черепот (во пределот на челото) и потрес на мозокот. Покрај исекотините, има и повреда на десната рака, најверојатно заработена при ударот во заштитниот ѕид. Претходно беше јавено дека очевидци и фоторепортери кои се затекнале на местото на настанот кога му била укажувана помош на Маса, виделе повреда на неговото лево око, кое било потечено и затворено.

Според новинарските информации, Маса е во пост оперативна кома, закачен на респираторни машини, но лекарите се оптимисти. Ферари по квалификациите издаде две соопштенија за јавноста, најавувајќи уште едно за недела наутро. Во првото се вели дека по инцидентот Маса бил префрлен во болницата АЕК во Будимпешта и дека Бразилецот бил свесен, а неговата состојба била стабилна. Операцијата била нужна, по што тој ќе остане на интензивна нега. Во второто соопштение, по извршената операција, со една реченица се соопштува дека исходот од неа бил позитивен.

Многу од колегите возачи се обиделе да го посетат Фелипе во болницата, но единствено се пренесува изјавата на Баричело, кој најмногу жали за настанот бидејќи потекнуваат од ист град и имаат блиски семејни односи.

- Мојот пласман денеска е неважен. Моите мисли се сега со Фелипе и со неговото семејство. Тие се мои блиски пријатели и се надевам дека ќе биде добар и што е можно побрзо фит,- рече Рубенс во тимското соопштение

Иако на Маса технички му е доделено десеттото место во квалификациите, бидејќи тој избори пласман меѓу последните десет, тој со сигурност нема да стартува на трката за Големата награда на Унгарија, што беше потврдено и од тимскиот шеф Доменикали. Бидејќи ова е сериозна повреда, добро е што сега се случува летната пауза, па Маса ќе може да ја искористи за заздравување, но исто така е можно тој да пропушти некоја трка во блиска иднина, бидејќи по некое непишано правило кога имало повреди на главата и потрес на мозокот, докторите се поригорозни во дозволите за настап, поради можноста повредата да се обнови и да направи поголеми последици.


ТИ ПОСАКУВАМ ПОБРЗО ОЗДРАВУВАЊЕ ФЕЛИПЕ


f1almanah.com

Sto da se pravi sto e toa e.Poveke sreka sledniot pat.Napred Alonso.

Хамилтон најбрз на Хунгароринг
Актуелниот светски првак Луис Хамилтон од Мекларен Мерцедес е победник на десеттата овосезонска трка од Ф1 шампионатот што се возеше за големата награда на Унгарија. Британецот така го прекина малерозниот низ, бидејќи на последните пет трки не успеа да стигне до бодови, а до трката на Хунгароринг собра само девет бода.

Хамилтон ја оствари јубилејната десетта победа во кариерата, втора во Унгарија по онаа од 2007 година. Последен пат се искачи на највисокото место на подиумот на 19 октомври минатата година.

Светскиот првак водството го презеде во 12 круг, кога возачот на Рено, Фернандо Алонсо влезе во бокс, а механичарите не му ја прицврстија десната гума, која наскоро му испадна, па повторно влезе во бокс, обидувајќи се да се врати, но набрзо се откажа.

Хамилтон до крајот рутински стигна до триумфот, второто место го освои Кими Раиконен од Ферари, додека трет заврши Марк Вебер од Ред Бул. Лидерот во генералниот пласман Џенсон Батон беше седми, но се уште има огромни 18.5 бода предност пред сега второпласираниот Вебер. Трет е Фетел со 47 освоени бода, кој не за заврши трката поради проблеми со болидот. 

Резултати, Голема награда за Унгарија

1. Луис Хамилтон (Мекларен Мерцедес
2. Кими Раиконен (Ферари) +11.5
3. Марк Вебер (Ред Бул) +16.8
4. Нико Розберг (Вилијамс) +26.9
5. Хеики КОвалаинен (Мекларен Мерцедес) +34.3
6. Тимо Глок (Тојота) +35.2
7. Џенсон Батон (Браун ГП) +55
8. Јарно ТРули (Тојота) +68.1

Генерален пласман

1. Џенсон Батон (Браун ГП) 70 бода
2. Марк Вебер (Ред Бул )
3. Себастијан Фетел (Ред Бул) 47
4. Рубенс Баричело (Браун ГП) 44
5. Нико Розберг (Вилијамс) 25.5
6.Јарно Трули (Тојота) 22.5
7 Фелипе Маса (Ферари) 22
8. Луис Хамилтон (Мекларен Мерцедес 19

Генерален пласман конструктори

1. Браун ГП 114 бода
2. Ред Бул 98.5
3. Ферари 40
4. Тојота 38.5
5. Мекларен Мерцедес 28