ГП Хофенхајм

ФОРМУЛА 1 - ВО НЕДЕЛА (14.00) НА ПРОГРАМАТА Е ГЕРМАНСКОТО ГП ВО ХОКЕНХАЈМ

Хамилтон фаворит пред фановите на Мерцедес

Извонредниот возач на Мекларен Мерцедес, Британецот Луис Хамилтон ќе ја носи етикетата на прв фаворит за триумф на трката за Големата Награда на Германија, која утре во 14.00 часот ќе се вози на пистата Хокенхајм.

Феноменалниот перформанс на последната трка во Германија, му дава за право на тимот на Мекларен да верува дека нивната млада ѕвезда може да продолжи со истото темпо и во Хокенхајм и да избие сам на лидерската позиција во Ф1 шампионатот.

"Би било навистина неверојатно доколку се повтори трката од Силверстоун, но да се слави со предност од повеќе од една минута е вистински раритет и на сон не можам да помислам на репетиција. Во секој случај, сите во тимот сме фокусирани да го дадеме максимумот, а ако тоа се оствари и имаме малку среќа, победничкото шампањско во недела би можеле да го пиеме токму ние", изјавува Хамилтон во пресрет на ова Гран При.

На половина од извозената сезона, Хамилтон, кој вчера имаше најдобри времиња на обата тренинга, во моментов е еден од тројцата шофери кои го делат првото место во генералниот пласман, со по 48 бодови, заедно со возачите на Ферари, Кими Раиконен од Финска и Бразилецот Фелипе Маса, а зад нив со два бода дефицит се наоѓа Полјакот Роберт Кубица. Меѓу нив се очекува да биде решен новиот шампион, иако многумина предвидуваат и очекуваат директна борба меѓу британскиот и финскиот претставник.

Сепак, Хамилтон и Раиконен не се единствените адути на Мекларен и на земјата со најмногу езера на планетава, бидејќи во игра е и Хаики Ковалаинен, кој се надева дека пол-позицијата од Велика Британија овојпат ќе ја надгради со добро постигнување на самата трка, особено по многуте малери кои го следеа во првиот дел од годинашното Ф1 првенство.

Од своја страна, во Ферари очекуваат рапидно подобрување во однос на она што го презентираа на Островото пред две недели, каде фановите најмногу аплаудираа поради нивните излетувања од патеката одошто на квалитетот на возењето. Раиконен имаше две, а Маса дури пет извртувања во Силверстоун, по што на крајот мораа да се задоволат со скромните четврта и тринаесетта позиција.

Во недела симпатиите на публиката, покрај кон петте германски возачи, кои сепак немаат којзнае колку големи шанси за триумф, ќе ги земе тимот на Мекларен, поради неговиот партнер Мерцедес, со оглед на тоа што голем број на вработени од фабриката која се наоѓа во близината на Штутгарт ќе бидат присутни на посебна трибина. Што се однесува до германските пилоти, во центарот на вниманието ќе биде младиот 21-годишен Себастијан Фетел, од тимот на Торо Росо, кој деновиве се согласи од идната сезона да вози за Ред Бул, а кого домашните медиуми веќе го прогласија за наследник на неверојатниот Михаел Шумахер, кој во родната земја викендов ќе биде во улога на стручен консултант во тимот на Ферари.

Инаку, Хокенхајм повторно се враќа во Формула 1 календарот по едногодишна пауза, бидејќи лани ролјата на домаќин ја имаше пистата во Нирбургринг.

Глок: Ќе бидам светски шампион за неколку години

Возачот на Тојота, Германецот Тимо Глок, изјави дека има големи амбиции пред себе, па дури во неговите замисли е освојувањето на титулата светски првак.

"Мојата цел е јасна, во 2010 година, сакам да бидам светски првак со Тојота. Знам дека многу луѓе ќе се насмеат на оваа моја изјава, но јас сакам да си поставам цели и притисок пред себе, за да работам уште понапорно, а ќе видиме како сето тоа ќе се одвива дотогаш" вели Глок, чиј најдобар резултат досега е четвртото место на непредвидливата трка во Канада, а неговиот клупски партнер Јарно Трули има четирипати повеќе бодови сезонава, односно сооднос 20:5.

Хамилтон најбрз на вчерашните тестирања

Британскиот пилот од Мекларен Мерцедес, Луис Хамилтон оствари убедливо најдобри времиња на обата вчерашни тренинга во пресрет на денешните квалификации за пол-позицијата за Големата Награда на Германија, која се вози на пистата Хокенхајм.

Хамилтон беше убедливо најбрз, при што еднаш зад него се најде тимскиот колега од Мекларен, Финецот Хаики Ковалаинен, додека на вториот тренинг, зад него се најде Бразилецот Фелипе Маса. Второто Ферари, она на светскиот шампион, Кими Раиконен, забележа трето комбинирано време.

Првата десетка во текот на вчерашниот ден ја заокружија Марк Вебер, Фернандо Алонсо, Нико Розберг, Роберт Кубица, Ник Хајдфелд и Шкотланѓанецот Дејвид Култхард, кому ова му е последна трка за Големата награда на Германија во неговата кариера.

Кубица излета на првиот тренинг

Поради дождливата патека, полскиот возач Роберт Кубица излета за време на вчерашниот утрински тренинг во Хокенхајм, но се беше во најдобар ред со него и на вториот тренинг кога патеката беше целосно исушена, беше целосноподготвен за настап.

Тој го освои осмото место на попладневното тестирање, а неговиот тимски колега Хајдфелд беше деветти.

"Изгубив контрола врз болидот и удрив во бариерите. На сува патека, нашиот болид беше доста добар и не изгубивме многу време во однос на подобропласираните", вели Кубица.

ГЕНЕРАЛЕН ПЛАСМАН

ВОЗАЧИ

1.Луис Хамилтон (Мекларен) 48

2.Фелипе Маса (Ферари) 48

3.Кими Раиконен (Ферари) 48

4.Роберт Кубица (БМВ) 46

5.Ник Хајдфелд (БМВ) 36

6.Хеики Ковалаинен (Мекларен) 24

7.Јарно Трули (Тојота) 20

8.Марк Вебер (Ред Бул) 18

9.Фернандо Алонсо (Рено) 13

10.Рубенс Баричело (Хонда) 11

11.Нико Розберг (Вилијамс) 8

12.Казуки Накаџима (Вилијамс) 8

13.Дејвид Култхард (Ред Бул) 6

14.Тимо Глок (Тојота) 5

15.Себастијан Фетел (Торо Росо) 5

16.Џенсон Батон (Хонда) 3

17.Нелсон Пике Јуниор (Рено) 2

18.Себастиен Бурде (Торо Росо) 2

КОНСТРУКТОРИ

1.Скудерија Ферари 96

2.БМВ Заубер 82

3.Мекларен Мерцедес 72

4.Тојота Панасоник 25

5.Ред Бул Рејсинг Рено 24

6.Вилијамс Тојота 16

7.Рено Ф1 15

8.Хонда Ф1 14

9.Скудерија Торо Росо Ферари 7

-.Форс Индија Ферари 0

Ф1 ФЛЕШ

Последниот германски возач кој победил на домашното Гран При, беше седумкратниот светски првак и најуспешна индивидуа во антологијата на овој спорт, Михаел Шумахер, на Ферари, во 2006 година, токму во Хокенхајм.

Оваа година има пет германски возачи кои ќе се натпреваруваат. Тоа се Ник Хајдфелд од БМВ Заубер, Нико Розберг од Вилијамс, Тимо Глок на Тојота, Себастијан Фетел на Торо Росо и Адријан Сутил од екипата на Форс Индија. Интересно е тоа што тие ќе сочинуваат една четвртина од болидите на патеката, а ниту еден од нив се уште нема победа во Ф1 кариерата.

Германските возачи имаат победено на 103 Гран При трки откако првенството стартуваше во 1950 година. Од таа бројка, дури 97 им припаѓаат на браќата Михаел и Ралф Шумахер, три има забележано Хајнц-Харалд Френцен, две има Волфганг Фон Трипс, а една прокнижил Јохан Мас.

Од последните 10 трки на Хокенхајм, победникот стартувал на пол-позицијата само во пет наврати.

Актуелниот светски првак, Финецот Кими Раиконен со своето Ферари се надева дека сега Хокенхајм ќе има повеќе среќа одошто во 2005 и 2006 година, кога во двата наврати стартуваше од пол-позицијата, но не успеваше да победи.

Мекларен нема триумф на оваа писта од 1998 година, кога славеше Мика Хакинен, кој таа и наредната година ја освојуваше титулата светски првак. Инаку, Ферари има славено на пет од последните 10 трки на германско тло.

Првата трка за Големата награда на Германија била возена во 1970 година во Хокенхајм. Од 1977 година, до 2006 година, секоја трка за ГН на Германија се возеше на оваа патека, со исклучок на 1985 година, кога беше возена во Нирбургринг. Со ланскиот договор меѓу двете главни германски писти, беше утврдено дека домаќинот на ова Гран При ќе се менува секоја година, најмалку до 2011 година, а Хокенхајм повторно ќе биде домаќин во 2010 година.

Во 2006 година, просечната брзина во еден круг изнесуваше 222 километри на час, а 69проценти од патеката се возат под полна гас. За време на еден круг, дури во пет наврати се постигнуваат брзини кои надминуваат 280 километри на час.

ПОСЛЕДН ПЕТ ПОБЕДНИЦИ:

2006 Михаел Шумахер (Ферари)

2005 Фернандо Алонсо (Рено)

2004 Михаел Шумахер (Ферари)

2003 Хуан Пабло Монтоја (Вилијамс)

2002 Михаел Шумахер (Ферари)

kvalifikacii denes vo 14.00 h

Trkata utre vo 14.00

КОНЕЧНО ВЕБЕР ЗА ТРЕТА 1-2 ЗА РЕД БУЛ



Во интересна трка за ГН Германија, победата за прв пат во кариерата ја однесе Марк Вебер од тимот на Ред Бул. Радост за Австралијанецот, кој по 131 трка успеа да се искачи на највисокото скалило на пиадесталот. Со победата, Вебер е прв возач од Австралија кој победил на ГП трка во последните 27 години, по Алан Џонс кој последен пат победил на 17 октомври 1981 година, на ГН Лас Вегас. Покрај индивидуалната радост на Вебер, кој сега реално се вмешува во борба за титулата и полека се наметнува како конк*рент за победи на трките, тимот на Ред Бул покажува дека позицијата на Браун е сериозно разнишана. Со тоа Британскиот тим со седиште во Милтон Кејнс најавува борба за двете титули и мртва трка крајот на сезоната.

Трката започна динамично од самиот старт. Марк Вебер и Рубенс Баричело имаа мал контакт, при што возачот на Ред Бул не успеа да ја искористи предноста од пол-позицијата. Стјуардите одлучија да му доделат возење низ боксот на Австралијанецот за овој мал инцидент, поради предизвикување колизија на стартот. На влезот во првиот свијок, Луис Хамилтон на Мекларен, поткрепен со КЕРС имаше тенденција да го превземе првото место, но сопре предоцна и излета од патеката. Излетувањето го чинеше дупната гума и крај на шансите за добар пласман.

На стартот, Баричело и Вебер се одвоија, но лошата вест за казната на возачот на Ред Бул се покажа недоволна за Бразилецот, кој постојано се бореше со гумите, слично како Силверстоун и не успеа да ја искористи предноста стекната на стартот. Бркотницата на патеката која ја створија пред сè Хеики Ковалаинен и Фелипе Маса, ја искористија возачите на Ред Бул, кои надополнети со фантастичната форма на нивниот Ред Бул, успеаа да изборат двојна победа за тимот.

Одлична трка имаше Фелипе Маса на Ферари, успевајќи во првата третина да одолее на нападите на Себастијан Фетел и Рубенс Баричечо. Бразилецот успеа да дојде до својот прв подиум оваа сезона, по осум трки пост. Слично како Маса, солидни перформанси покажа и Нико Розберг од Вилијамс, кој на крајот финишираше на четвртата позиција.

Проблемите од Силверстоун, кои Браун најавуваа дека се решени останаа, недозволувајќи им на нивните возачи да се борат за највисок пласман. Се чини дека на крајот, тимската стратегија во Браун резултираше со исфрлање на Џенсон Батон напред, на сметка на Рубенс Баричело, по третата посета на боксот. Бразилецот беше пред клупскиот колега во текот на поголемиот дел од трката, но поради проблемите со долевањето на гориво, промената на стратегијата од три на две влегувања не беше реализирана. Болидите на Браун успеаа да ги задржат петтата и шестата позиција во однос на Фернандо Алонсо од Рено, кој вршеше притисок во последните кругови од трката и мораше да се задоволи само со седмата позиција, иако го имаше најбрзиот круг на трката. Последниот бод, како осмопласиран го освои Хеики Ковалаинен на Мекларен.

Кими Раиконен и Адријан Зутил по вторпат успеаа да си ги уништат шансите за бодови, откако се судрија на првиот свиок, по излегувањето на Зутил од боксот. Иако Германецот продолжи, претходно посетувајќи ги механичарите за дополнителна промена на предното крило, Раиконен не ја заврши трката, веројатно поради проблеми со моторот. Сепак, Зутил пропушти уште една извонредна шанса да му ги донесе првите бодови на Форс Индија, по фантастичните квалификации.

Состојбата во поредокот кај возачите сега е драматично променета. Џенсон Батон има 68 бодови, но сега Себастијан Фетел го следи со 47. Победникот Марк Вебер има 45,5, а кругот на фаворити го затвара Рубенс Баричело со 44 бодови. Во конк*ренција на конструктори Браун сеуште е најуспешен тим со 112 бодови, а Ред Бул се приближи на минус десет, попрецизно 92,5 бодови.

Следната трка, по двонеделна пауза се вози за ГН Унгарија на патеката Хунгароринг.

BRAVO WEBBER      BRAVO RED BULL


f1almanah.com