Турската армија доби дозвола да влезе во Ирак

Турската Влада одобри прекугранична воена операција против к*рдските бунтовници кои имаат база во северен Ирак.

Ова денеска го соопшти турскиот премиер Таип Ердоган, додавајќи дека одлуката произлегува од владиниот став донесен во средата, со одобрение од претседателот.

Агенцијата „Ројтерс“ наведува дека засега, не е јасно дали изјавата на Ердоган значи оти воената акција ќе се случи во блиска иднина.

Турција распореди околу 100.000 војници во близина на границата со Ирак, а има и поддршка од тенкови, артилерија и авијација за можни напади на Ирак.

Турскиот Парламент, на 17 октомври, усвои резолуција врз чија основа Владата доби законски ингеренции за прекугранична воена операција доколку тоа се покаже за неопходно.

Ердоган, на почетокот од ноември, имаше итен состанок со американскиот претседател Џорџ Буш со цел јакнење на соработката, вклучително и поголема размена на разузнавачки податоци.

Властите во северен Ирак, загрижени поради можниот упад на турската војска, преземаа мерки за да изолираат околу 3.000 к*рдски бунтовници.

Турција ги обвинува к*рдските бунтовници за смртта на околу 40.000 од 1984 година.    

kONECNO...