По катастрофалните изданија сезонава во кои Јувентус испадна од домашниот куп, Лигата на шампионите, потоа се посрамоти во Лигата на Европа и што е најважно "Скудетото" управата веќе почна да ги бара причините за ваквата состојба. Низ клубот кружат информации дека Јувентус во летниот преоден рок ќе направи длабок "рез" во тимот со цел клубот да застане на здрави нозе и да почне да размислува за трофеи. Како прво управата посакува да ги "шутне" сите фудбалери кои дојдоа во клубот по препорака на италијанскиот селектор Марчело Липи.

Клубот почна да прави стратегија за идната сезона, а се очекува Липи по завршувањето на Светското првенство да ја напушти репрезентацијата и да стане претседател на торинскиот клуб и ќе биде задолжен за идните трансфери во клубот. 61-годишниот стратег мина две одлични сезони на клупата на "Старата дама", а на управата и го препорача Фабио Канаваро од Реал Мадрид, ја имаше улогата на советник при трансферите на Фабио Гросо и Фелипе Мело. Сите тројца разочараа и ќе бидат првите кои ќе го напуштат клубот ова лето.

Договорот на Канаваро истекува на крајот на сезоната, а продолжување на истиот нема да добие. Што се однесува до Гросо, тој има уште една година од соработката, меѓутоа ќе биде ставен на трансфер списокот и ќе биде продаден со оглед на тоа дека има заинтересирани купци за него. Истото се однесува и за Фелипе Мело, кој од дојде како големо засилување, а не покажа ни 10% од својот талент. Бразилецот најверојатно ќе биде продаден во Англија (заинтересиран е Арсенал).

Дури и фудбалерите како што се Давид Трезеге, Мауро Каморанези, Амаури, Момо Сисоко, Никола Легротаље и Хасан Салихамиџиќ нема да бидат поштедени. Се шпекулира дека Трезеге ќе се врати во Франција (како најсериозни кандидати за неговиот потпис се ПСЖ, Монако, Бордо и Марсеј), додека, пак, Каморанези би можел да замине во Англија или Шпанија. Амаури се повеќе е повреден отколку што игра и чека да се јават заинтересираните клубови, додека, пак, за Сисоко се интересираат неколку шпански и англиски екипи. До крајот на сезоната останаа уште девет кола, а Јувентус моментално е на шестата позиција на табелата со два бода помалку од четвртото место, последното кое води во Лигата на шампионите.

Дел Пиеро го спаси Јуве во реваншот против Шамрок

Александро дел Пиеро покажа дека е вистинскиот лидер на тимот на Јувентус. Капитенот на старата дама се појави во игра во вториот дел и го постигна единствениот погодок за тимот од торино.

Во реванш натпреварот од 3. предколо од Лига Европа тимот на Јувентус успеа да слави на домашен терен против Шамрок Роверс со 1-0.

Дел Пиеро стрелаше прецизно во 74. минута со шут од 25 метри и успеа да го спаси својот тим од понижување бидејќи не можеше да се справи со гостинот од Ирска.

Натпреварот не се одигра во Торино поради тоа што Олимпискиот стадион е ангажиран поради конценрт на У2, па играчите ги одмерија своите сили на стадионот во Модена.

Тренерот на бјанконерите, Луиџи Дел Нери на терен го остави истиот тим кој играше на првиот натпревар во Даблин пред една недела. Во нападот партнери беа Амарури и Диего а Дел Пиеро остана на клупата за резервни играчи.

Мауро Каморанези, Кристиан Поусен и Винченцо Јакинта не беа вклучени во тимот за средбата а причината за тоа е што сите тројца се лекуваат од повреди.

Пред паузата тимот на Јуве успеа да пропушти дузина прилики, ова го принуди Дел Нери да го замени неубедливиот Диего и во игра да го пушти Дел Пиеро кој веднаш внесе позитивен импулс во играта.

Така се стигна до 74. минута кога ѕвездата на Јувентус стрелаше прецизно и успеа да го совлада голманот на Шамрок за конечните 1-0.

Поранешниот директор на Јувентус ги дочека своите пет минути, откако во саботата цел стадион го скандираше неговото име, во срамниот пораз на Јувентус на „Олимпико“ во Торино против Болоња. Моџи вели дека Јувентус е провинциска екипа која откако може да ги победи најдобрите, претрпува порази од малите екипи.

Додека Јувентус тоне како Титаник, Лучијано Моџи продолжува да дели лекции.

Падот на најголемиот италијански клуб се поклопи со неговото заминување, а додека продолжува да се бори во „фарсополи“, Моџи не пропушта да ги искритикува челниците на „старата дама“.

- Кој е крив? Па оние кои му дозволија на Марота да направи глупости во преодниот рок. Доведоа 15 фудбалери, од кои само Красиќ вреди, останатите не се на ниво на Јувентус, изјави Моџи.

Тој вели дека требало да се донесат само неколку засилувања.

- Тоа е јасно, доведете само три фудбалери кои вредат и тоа е доволно. Донесоа фудбалери кои не се шампиони и неможат да го издржат притисокот. Јувентус денеска е провинциска екипа која ќе ги победи најдобрите, а потоа ќе изгуби од помалите екипи, вели Моџи.

Артуро Видал е новото засилување на Јувентус. Чилеанецот ќе потпише договор на пет години и годишно ќе заработува околу три милиони евра.

Како што пишува "Скај спорт", висината на отштетата изнесува 12 милиона евра, а сеуште не се знае дали на пат кон Баер Леверкузен ќе замине