Уредување на станот според FENG SHUI

Сениор

зависник идивидовски

Регистриран: 11.Август.2009
Статус: Офлајн
Поени: 85179

Опции за коментарот

Цитирај емил

Благодарам(0)

Одговор

Испратена: 21.Декември.2010 во 06:42

Фенг Шуи за новогодишните празници

Празниците, особено Божиќ и Нова Година се познати како време на семејни собири. За сите оние кои сакаат да ја направат атмосферата уште поубава нека се обидат со неколку фенг шуи идеи.

- Во десниот агол, наспроти вратата ставете две свеќи мирисни или декоративни. Ова ќе обезбеди празници полни со љубов и разбирање. Најдобри бои за свеќите се црвена и розова.

- Освежете го вашиот дом со свежи и пријатни бои и мириси.

- Креирајте домашна атмосфера. Наместо чинијата со овошје на масата, држете слатки и пијалаци да ги направите достапни за сите.

- Зад вазната за цвеќе во собата поставете декоративно огледало со цел да ја дуплирате убавината.

- Елката поставете ја од спротивната страна на влезот од куќата. На овој начин ќе обезбедите подобри семејни односи.

- Не избегнувајте блескава светлина и орнаменти. Огнот симболизира слава и углед, а светлината симболично го претставуваат огнот.

- Декоративните ангели ставете ги лево од вратата. Така ќе се погрижете да им помогнете на добрите луѓе.

- Главните тела за осветлување не треба да бидат премногу силни

- Просторијата која ја украсувате збогатете ја со перници или други кружни предмети кои што ќе помогнат во протокот на позитивна енергија.

- Поканете парен број на гости

- Не ги седнувајте драгите гости во близина на вратата. Кој седи на излезот секогаш си оди прв

zamislena

Сениор

Регистриран: 03.Јануари.2010
Статус: Офлајн
Поени: 14566

Опции за коментарот

Цитирај zamislena

Благодарам(0)

Одговор

Испратена: 28.Септември.2011 во 23:59

Фенг шуи: уредување на градината

Сите растенија му припаѓаат на елементот дрво, еден од петте елементи во фенг шуи. Растенијата ја подигнуваат енергијата на секој простор во којшто се наоѓаат, па затоа за да се обезбеди добар фенг шуи неопходно е да се одгледуваат растенија, без разлика дали станува збор за дом или за градина.

Она што е важно за почеток при одржувањето на градината е истото како и при уредување на домот – редот и чистотата се половина од добар фенг шуи. Во градината тоа подразбира растенијата да се однапред посадени според разработен план, да се избрани според видот на тлото и поднебјето, да се здрави и добро одржувани, тревникот да е искосен, а сувото лисје и тревата да се исчистени. Дивите растенија и плевелот се исклучително неповолни, како и нечистотијата и пренатрупаноста.

При изборот на растенија, според фенг шуи, треба да се избегнуваат растенија со боцки. Обликот на листот и на цветот исто така е важен, а секогаш е поповолно тие да бидат тркалезни, овални и лепезести облици, за разлика од острите, шпицести и боцкави.

Патеките никогаш не треба да бидат прави бидејќи Чи енергијата ќе протекува премногу брзо кон домот. Тие треба да минуваат кривулесто низ градината, што ќе допринесе Чи да се движи побавно и послободно. Сепак, доколку имате прави патеки, посадете растенија околу нив за да Чи циркулира околу нив.

Градината треба да има катче за дружење со пријателите и семејството и уживање во сончевите денови и нежното ветре.

Дрвата или високите грмушки во задниот дел од градината ќе обезбедат приватност во градината.

Балансот, кој во фенг шуи е основен, се постигнува со избор на растенија со различна големина, облик и бои, така што ниедно нема да доминира над другите.

Водени елементи како што се езерца, базени и фонтани се добредојдени елемнти кои ја разубавуваат градината и го канат доброто Чи. Тие исто така се симбол за просперитет.

За да внесете баланс во ноќните часови, поставете светилки во градина кои ќе ги осветлуваат темните делови.

Поставувањето на карпи и камења, кои носат јанг енергија, ќе даде баланс на меката јин енергија на растенијата.

На вашата ограда или ѕидови од градината не се двоумете да поставите ползавци, растенија или цвеќиња.

Marko Polo 1 Кликни и види ги опциите

Сениор

venecijaner

Регистриран: 20.Ноември.2008
Статус: Офлајн
Поени: 9693

Опции за коментарот

Цитирај Marko Polo 1

Благодарам(0)

Одговор

Испратена: 01.Октомври.2011 во 20:22

more, samo ako go najdam toj Feng... segde mi se mesa u rabota...

Изменето од Marko Polo 1 - 01.Октомври.2011 во 20:23

Incredible Blue

zamislena

Сениор

Регистриран: 03.Јануари.2010
Статус: Офлајн
Поени: 14566

Опции за коментарот

Цитирај zamislena

Благодарам(0)

Одговор

Испратена: 05.Јануари.2012 во 12:08

Фенг шуи: двојна риба

Во фенг шуи рибата има чудесен симболизам, претставувајќи го изобилието, богатството, складноста и брачната среќа.

Доколку симболот е риби во пар, тој не означува само удвоена среќа, туку и задоволство од заедничкиот живот на сопружниците.

Симболот на двојна риба е еден од осумте среќни будистички предмети. Toj во будизмот се употребува како амајлија, па затоа во многу земји на Истокот го носат како превезок.

Поради сето ова, според фенг шуи двојната риба се смета за исклучително добар симбол, кој треба да го најде своето место во домот на младите брачни парови. ....

емил

Сениор

зависник идивидовски

Регистриран: 11.Август.2009
Статус: Офлајн
Поени: 85179

Опции за коментарот

Цитирај емил

Благодарам(0)

Одговор

Испратена: 24.Април.2012 во 15:50

Со Фенг Шуи привлечете го богатството

Искористете ја моќта на природата, енергијата на просторот и направете сé да се движи во вашата насока. Затоа ви се потребни основни познавања од Фенг Шуи. Денес ќе ви кажеме неколку совети за уредувањето кои ќе ви помогнат да ја зголемите моќта на вашата привлечност кога се во прашање парите.

Влезната врата од станот нека ви биде почетна точка, и утврдете според Фенг Шуи каде “багуас” лежи во вашиот дом. Секоја соба во домот има “багуас”. Зоната на богатство и просперитет се наоѓа на десната страна од главниот пат. Затоа внимавајте десната страна од вратата и пролазот да бидат секогаш чисти, без украсни предмети и мебел од таа страна.

Чистотата е еден од главните принципи на Фенг Шуи, затоа направете ред во домот. Исфрлете ги исте непотребни предмети од домот. Центарот на домот треба да биде особено чист. Не дозволувајте зоната на кариера да биде валкана.

Би било добро кога зоната на богатството би била комплетно чиста и кога во неа ќе закачите некоја слика која ве асоцира на благосостојба. Слика на која е нацртана вода која тече е одличен избор. Друга важна работа е прозорците во тој дел да бидат чисти. Ако имате прозорци од десната страна на влезната врата чистете ги редовно.

gonzo

Сениор

Мачкозил

Регистриран: 04.Декември.2008
Локација: У дневну
Статус: Офлајн
Поени: 3137

Опции за коментарот

Цитирај gonzo

Благодарам(0)

Одговор

Испратена: 24.Април.2012 во 17:46

Овие текстовите за фенг шуи се повеќе личат како Милан Тарот да ги пишувал... смеење

You have the right to remain silent. Anything you say will be misquoted, then used against you.

Valerija

Модератор

Регистриран: 07.Ноември.2005
Статус: Офлајн
Поени: 105588

Опции за коментарот

Благодарам(0)

Одговор

Испратена: 18.Декември.2013 во 10:45

10 Фенг Шуи правила за уредување на домот

10-feng-shui-pravil-za-ureduvanje-na-domot-01

Фенг Шуито се темели на одлични принципи за уредување на домот. Ова се неколку правила кои треба да ги следите при распоредување на ентериерот.

Имајте на ум дека:

1. Помалку е повеќе. Ако се ослободите од вишокот мебел – ова е добар почеток. Одржувајте го станот уреден и без непотребни парчиња мебел.

2. Клучот е во боите. Важно е да сте окружени со бои кои вам ви се допаѓаат и кои ви будат позитивно расположение.

10-feng-shui-pravil-za-ureduvanje-na-domot-1

3. Водата е добра. Фонтаните ја стимулираат вашата креативност. Водата е древен симбол за богатство и благосостојба.

4. Свежиот воздух е задолжителен. Застарениот воздух во просториите е лош за вашата енергија. Практикувајте големи прозорци и редовно проветрување.

5. Растенијата внесуваат смиреност. Растенијата имаат смирувачко дејство и зрачат со силна енергија. Одлични се и за прочистување на воздухот.

10-feng-shui-pravil-za-ureduvanje-na-domot-2

6. Огледалата го прошируваат просторот. Огледалата создаваат илузија на вашиот простор, па се одлични за канцеларии и ходници. Исто така, внесуваат и светлина во домот.

7. Часовник. Треба да стои правилно, сместен во кујна или дневна соба. Во ходникот не се препорачува.

8. Одржувајте го станот чист. На сите ни е потребен беспрекорен проток на енергија, а тоа е невозможно ако станот е неуреден.

9. Спалната соба е важна. Во спалната соба енергијата треба исто време да биде и смирувачка и возбудлива. Исфрлете ги електричните апарати и креирајте апсолутно опуштена атмосфера.

10-feng-shui-pravil-za-ureduvanje-na-domot-3

10. Кујната нека биде ведра. Во кујната потребно е да има многу светлост. Ова може да го постигнете со комбинирање неколку извори на светлина. Според Фенг Шуи принципите се препорачува да одберете жолта кујна.

Јакиот човек има само една слаба страна-жената што ја сака!

Valerija

Модератор

Регистриран: 07.Ноември.2005
Статус: Офлајн
Поени: 105588

Опции за коментарот

Благодарам(0)

Одговор

Испратена: 24.Декември.2013 во 08:11

Фенг шуи совети за успешна 2014 година

Сите празници, особено божиќните и новогодишните се време на собирање на семејството и блиските. Веројатно сакате својот дом и атмосферата во него да ја направите поубава, а во тоа најдобро може да ви помогне фенг шуи.

feng-sui-soveti-za-uspesna-2014-godina-01

Ова се некои од советите:

- Елката поставете ја наспроти влезот во домот. На тој начин ќе си обезбедите подобри семејни односи.

- Елката и украсите на неа ако може нека бидат природни

- Не ги избегнувајте светкавите украси. Огнот симболизира слава и углед, а светилките симболично го претставува огнот.

- За да го подобрите здравјето божиќната ѕвезда или некое друго живо цвеќе засадено во земја ставете го на средина на просторијата.

- Украсните ангели ставете ги лево од влезната врата. На тој начин ќе ја обезбедите помошта од драгите луѓе.

- Во десниот агол спротивен на влезната врата ставете две мирисливи свеќи. На тој начин ќе си обезбедите многу љубов и разбирање. Најдобри бои за свеќите се жолта, розева и црвена.

- Освежете го домот со свежи и пријатни мириси.

- Зад вазата со цвеќе поставете украсно огледало за убавината да биде двојна.

- Главните светилки не би требало да бидат премногу силни.

- Додајте перничиња или некои други кружни предмети кои ќе овозможат проток на позитивната енергија.

- Поканете парен број гости.

- Драгите луѓе не треба да седат во близина на вратата. Оној кој седи прв до влезот, тој прв си заминува.

- Дозволете им на децата да уживаат. Не им викајте и не им забранувајте да се опуштат.

Јакиот човек има само една слаба страна-жената што ја сака!

gonzo

Сениор

Мачкозил

Регистриран: 04.Декември.2008
Локација: У дневну
Статус: Офлајн
Поени: 3137

Опции за коментарот

Цитирај gonzo

Благодарам(0)

Одговор

Испратена: 24.Декември.2013 во 19:56

- Поканете парен број гости.

Ин кејс да дојде некој непарен, учтиво кажете му да почека пред врата додека не налета уште некој па да се спарат.

- Драгите луѓе не треба да седат во близина на вратата. Оној кој седи прв до влезот, тој прв си заминува.

За спроведување на овој совет, пред пристигнување на гостите рангирајте ги поред принципот драги- макс поени, недраги нула бодови. Сходно на рангирањето тие со мал број на бодови наредете ги околу влезната врата.
Пример: Мајка ви - 10 бодови (место во центарот на собата), Свекрвата- 0 бодови ( залепена до врата ) итн.

You have the right to remain silent. Anything you say will be misquoted, then used against you.

Valerija

Модератор

Регистриран: 07.Ноември.2005
Статус: Офлајн
Поени: 105588

Опции за коментарот

Благодарам(0)

Одговор

Испратена: 28.Декември.2013 во 13:56

Фенг шуи во детска соба

Потребите на детето во периодот на растење често се менуваат, па затоа се препорачува на неколку години да се преуредува детската соба, барем во нејзините детали. Доколку сте во можност, избирајте само природни материјали.

Детската соба има повеќенаменска улога, па така освен за спиење се користи и за игра и за забава со пријателите. Оваа просторија е место во кое се изразува детската среќа, нивната креативност, љубопитност, тага, лутина. Доколку детето не сака да го минува времето и да спие во неа, проверете дали е лош фенг шуи на собата.

Уредете ја просторијата едноставно и удобно, прилагодена на возраста на детето. Изберете природни, лесни материјали со светли бои. Во детските соби никако не се препорачува тежок, масивен мебел со темни бои бидејќи тој исклучително многу ја забавува енергијата. Секако оставете доволно простор за игра.

Детската соба брзо станува пренатрупана со играчки што делува негативно на расположението и на размислувањето на детето. За складирање на играчките поволни се лесни кутии и сандаци кои се наоѓаат на подот, полици или неколку мали шкафчиња. Висечките кошари за ситни играчки претставуваат практично и декоративно решение. Поттикнете го детето пред спиење да ја уреди својата соба. Сите уништени, стари играчки и книги и облеката која детето ја надраснало отстранете ги од собата.

Одберете кревет кој има заглавје од полн материјал. Креветот со заглавјето треба да биде прилепен до ѕидот и поставен на тој начин што детето ќе може да го види влезот во собата. Поставување на креветот под прозорец или на средина на собата не е поволно.

Сè што се наоѓа над креветот и го притиска детето додека спие (како што се полици или шкафчиња) има штетно влијание на квалитетот на сонот и на здравјето. Поместете го креветот за да го избегнете ова негативно влијание. Ѕидовите околу креветот може да ги украсите со постери со мотиви на природа, животни, ликови од цртани филмови или со идолите на детето. Се препорачува за големите површини, како што се ѕидовите, да се изберат пастелни нијанси, додека интензивните бои помалку да се употребуваат. Црната и црвената боја се единствени бои со кои треба да бидеме внимателни.

На пазарот се почесто може да се најде убаво дизајниран детски мебел со секоја фиока или вратичка во различна, интензивна боја. За целосно уживање во детската соба побарајте разнобојни рамки за фотографиите, столни ламби, ѕидните часовници, украсни перничиња, закачалки за облеката, метро за мерење на висина и садови за боички.

Присуството на аквариуми, растенија или фонтани треба да се избегнува, бидејќи создаваат неповолна јанг енергија во детската соба. Огледалата исто ја држат “будна” детската соба што претставува проблем во ноќните часови кога детето треба да спие.

При изборот на украсите и мебелот вклучете ги децата и овозможете им да внесат што е можно повеќе идеи во овој простор, дури и да не се по ваш вкус. Добро уредената соба во која вашето дете се чувствува сигурно и пријатнo ќе има позитивно влијание на неговиот развој.

Јакиот човек има само една слаба страна-жената што ја сака!

Valerija

Модератор

Регистриран: 07.Ноември.2005
Статус: Офлајн
Поени: 105588

Опции за коментарот

Благодарам(0)

Одговор

Испратена: 28.Декември.2013 во 13:57

Осветлување (фенг шуи)

Во фенг шуи светлото е битен елемент на поттикнување на животната енергија во просторот, но важно е и да се пронајде рамнотежата, бидејќи ни премалку, ни премногу светло не е поволно. Ако во просторијата влегува премногу сонце, таа може да стане премногу загреана и неудобна за престој. Во тој случај треба да се стават полупроѕирни завеси или ролетни (по можност од природен материјал). Од друга страна, просториите кои се свртени на север или оние низ кои влегува малку дневно сонце стануваат умртвени.

За активација на темните простории или агли се користат вештачки извори на светло: лустери, плафоњерки, столни и подни лампи како и рефлектори.

Во спалните соби се препорачуваат пригушени светла и повеќе извори на послаба светлина, додека во дневните соби потребно е да се постават повеќе расветни тела со различна јачина. Во кујната и купатилото пожелна е добра расвета - никако не се препорачуваат слаби лампи или плафоњерки.

Во трпезаријата доволно е да има лустер, т.е. неколку рефлектори над масата, или свеќници, но силното директно светло над масата не е добро.

Работните простории истотака бараат добро осветлување, а столната лампа е неизоставен извор на светлина. Лампите (подните и столните) се насочени кон таванот помагаат во активација на просторот со кос кров, кај ниски простории, како и кај оние кои имаат габаритна покуќнина.

Сјајните предмети имаат способност за рефлектирање, тие ја активираат енергијата така што ја привлекуваат или ја зголемуваат светлоста. Посебно се корисни во мрачните агли, т.е. во празните, неукрасени подрачја.

Во сјајни предмети ги вбројуваме огледалата, стаклото, кристалите и сите предмети со сјајни поврина. При поставување на предметите со сјајна површина, треба да се види дали во нив се рефлектира нешто вредно или позитивно.

Огледалата, според фенг чуи, удвојуваат се што се случува околу нив. Поради тоа посебно внимание треба да се посвети на правилното поставување на огледалата во просторот, за да не го удвојуваат несаканото. Поволно е кога се поставуваат огледала во долг ходник. Особено е добро огледалото да го има во трпезаријата, бидејќи ја удвојува храната која се поврзува со благосостојбата. Огледалото не треба да биде спроти: влезната врата, прозорците, WC шољата, фрижидерот, креветот како и да гледа во друго огледало.

Јакиот човек има само една слаба страна-жената што ја сака!

Valerija

Модератор

Регистриран: 07.Ноември.2005
Статус: Офлајн
Поени: 105588

Опции за коментарот

Благодарам(0)

Одговор

Испратена: 28.Декември.2013 во 13:58

Фенг шуи: истокот – сектор на здравјето

Според фенг шуи, источниот дел од домот е сектор на здравјето. Неговиот симбол е дрвото, кое може да биде претставено со растенијата. Бојата која одговара на овој сектор е зелената, а исто така поволно влијае и сината, бидејќи во продуктивниот циклус на елементите водата го создава дрвото.

Во овој дел од домот поволно е да се постават повеќе растенија, освен ако станува збор за спална или детска соба. Тоа не треба да бидат растенија со шилести листови или цветови. Освен саксиско цвеќе може да постават и слики со дрва. Вазна со цвеќе или сад со вода во која ќе пливаат цветови подеднакво е ефикасна како и собната фонтана. Важно е да се води грижа за растенијата за да бидат здрави, а водата во вазната или фонтаната да биде свежа.

Што се однесува до водата има неколку работи на кои треба да се внимава. Таа не треба да е поставена во спална или детска соба, таа никогаш не треба да стои позади грбот, дури ни на слика, не смее да биде устоена, не треба да биде под скали или од десна страна од влезната врата, гледано од внатре кон надвор.

Во источниот сектор не треба да се претерува со водата . Тука треба да доминира зелената боја и растенијата. Водата може и симболично да биде присутна со некој син детал.

Постојат одредени растенија кои се сметаат за исклучително поволни за источниот сектор. Тоа пред сè се жолтите хризантеми, а тука се вбројуваат и жолтата магнолија, божури во сите бои, орхидеи и сливовиот цвет.

Според фенг шуи, источниот сектор во спалната соба треба да се активира доколку некој е болен и притоа не се користат растенија, туку првенствено зелената боја која симболизира здравје и долговечност.

Јакиот човек има само една слаба страна-жената што ја сака!

Valerija

Модератор

Регистриран: 07.Ноември.2005
Статус: Офлајн
Поени: 105588

Опции за коментарот

Благодарам(0)

Одговор

Испратена: 28.Декември.2013 во 13:58

Избор на мебел (фенг шуи)

Според фенг шуи, во домот подобро е да има нов мебел отколку старински мебел од антикварница. Ова особено важи доколку не сте експерт за старински мебел, бидејќи со внесување на стари предмети во домот може да се внесе лоша енергија. Овој мебел може да има застоена енергија која може да не се вклопи добро со енергијата на останатиот мебел.

При изборот на комода, фенг шуи препорачува таа да нема остри рабови, туку заоблени и на тој начин да не изгледа заканувачки. Од истата причина, поповолни се и комоди кои имаат врати кои ги сокриваат отворените полици. Всушност, воопштено правило според фенг шуи е дека добро парче мебел е она парче кое нема остри, "заканувачки" ивици.

Избегнувајте комоди кои се работени во резба која отсликува опасни животни. Енергијата на таквите тешки парчиња мебел може да го преплави домот. Комодите кои во дизајнот имаат крстови, дијаманти и било какви врвови, не им носат среќа на сопствениците.

Кружна, овална и октагонална маса поставена во трпезаријата е многу посоодветна отколку квадратна или правоаголна, бидејќи нема остри ивици кои ги раздвојуваат луѓето.

Плакарите вградени во ѕидот делуваaт позитивно бидејќи ги пополнуваат аглите на собата.

При избор на гарнитура за седење треба да се знае дека добар распоред на елементите е постигнат кога тие формираат правилен облик: правоаголник, квадрат, или осмоаголник кој се смета за исклучително поволен за распоред на мебелот во дневната соба, како и за дизајнот на прекривката на трпезариската маса.

Избегнувајте распоред на елементите од гарнитура за седење во облик на буквата L или U, бидејќи на тој начин сугерирате дека нешто не е потполно или дека нешто недостасува.

Јакиот човек има само една слаба страна-жената што ја сака!

Valerija

Модератор

Регистриран: 07.Ноември.2005
Статус: Офлајн
Поени: 105588

Опции за коментарот

Благодарам(0)