Настани за денес

Оваа танцова академија постои 77 години и го промовира современиот танц како еден од најдобрите извозни продукти од Холандија низ светот, а со тоа и македонската публика ќе ја има привилегијата да се запознае со различните стилови и видови на современи танцови техники кои се негуваат во оваа академија.
Rotterdam dance Academy во Скопје доаѓа со „Таленти во движење“, кој претставува еден вид синтеза на повеќе перформанси и артистички визии. Ќе бидат изведени „Симфонија на псалмите“, извадок, во кореографија на Јири Килиан од Чешка, по музиката на Игор Стравински; „Мирен живот“ во кореографија на Тон Симонс од Холандија, по музиката на Ван Морисон, „Љубопитен“ во кореографија на Георг Рајшл од Австрија, по музика на Џакинто Селси и Доменико Габриели; „Cantata“, извадок, во кореографија на Мауро Бигонзети од Италија, со оригинална традиционална музика; „Преден раб“ во кореографија на Ед Вубе од Холандија, по музика на Јохан Себастијан Бах и „Земјени јаболка“ во кореографија на Ицик Галили од Израел, по музиката на Мерцедес Соса.
„Танц фест“ започна вчера, во Музејот на современа на уметност, со проекциите на шведските танцови филмови - „Dance Screen Sweden“.....