Босанско кафе

Состојки

Подготовка

Суровото кафе се пече секој ден во посебен сад на жар.Садот мора постојано да се врти над жарот и кога кафето ке се ороси со маснотија,се истура на чиста платнена крпа и се покрива.Печеното кафе се меле на рачна мелница пред да се употреби.Кафето се вари во ѓезве на жар. Во ѓезвето се тура толку филџани вода колку што има лица и кога водата ке зоврие,се префрлаат неколку лажици вода во филџан ,а во ѓезвето се додаваат толку лажички мелено кафе колку што има филџани вода. Кафето и водата се промешува и ѓезвето повторно се става на жарта.Кога кефето ке се дигне тоа е знак дека е варено.Ѓезвето се тргнува од жарта,се додава одземената вода,се промеѓува и пак се става на жарта,кафето уште еднаш да се дигне. Вака сварено, кафето се налева во филџани и се служи.

Со кафето се служат шекер во коцки,чаша вода,лажичка и локум.

Гостите сами си го засладуваат кафето.

Десет причини зошто треба да се збогувате со кафето

Се чувствувате уморно, исцрпено, депресивно? Можеби за сето тоа е виновно кафето. Докторите сугерираат да го обновите организмот со тоа што ќе го елиминирате од вашето секојдневие.

Во последно време кафето е главна тема во здравствените кругови. Иако постојат многубројни студии кои ја истакнуваат улогата на кафето во спречувањето болести, сепак една од најважните карактеристики е дејството на шеќерот во крвта.

Во новата книга „The Blood Sugar Solution“, американскиот доктор Марк Хајмен истакнува дека инсулинската резистенција и воспаленијата се центарот на современите хронични болести. Тој пишува во „Huffington Post“ дека една од најважните здравствени навики кои треба да ги усвоиме се управување со нивото на шеќер во крвта преку намалување на активните супстанции кои го исфрлаат од рамнотежа. Дали знаевте дека кафето е еден од тие активатори?

„Кафето има неверојатно моќна колекција на биолошки активни состојки“- вели докторот Волтер Ц. Вилет од Харвард.

Според него, ефектите во организмот од кафето треба да се третираат како ефекти кои имаат дејство на моќна дрога.

Научниците почнаа да ги истражуваат состојките на кафето. Истражувањата покажаа дека кај личности со дијабетес 2 внесувањето кафе е во корелација со покаченото излачување на инсулинот и зголемениот шеќер во крвта по оброкот. Понатамошните истражувања покажаа дека кофеинот во кафето може да биде одговорен за лачење на поголеми количини инсулин од панкреасот.

Прочитајте ги овие десет причини зошто не треба да пиете кафе:

1. Кофеинот во кафето го зголемува хормонот на стресот. Реакцијата на стрес ги зголемува нивото на кортизол и инсулин. Инсулинот ги генерира воспалителните процеси од кои потоа се чувствуваме како болни.

2. Навикнувањето на кофеин ја намалува чувствителноста на инсулин. Големото ниво на шеќер доведува до оштетување на артериите и зголемен ризик од кардиоваскуларни болести.

3. Корисните хлорогени киселини можат да ја одложат апсорпцијата на гликоза во цревата што доведува до зголемен ризик од срцеви заболувања.

4. Нефилтрираното кафе има најголемо ниво на антиоксиданси, но во организмот најмногу се внесуваат дитрепените поврзани со покаченото ниво на триглицериди.

5. Киселоста на кафето е поврзана со иритација на дигестивниот систем и нерамнотежа на цревната флора.

6.Зависноста е чест проблем кај оние кои редовно го консумираат кафето. Ако прашате некој кој не може без кафе како се чувствува без својата омилена напивка, неговата приказна ќе  звучи како исповед на наркоман.

7. Бизнисот со кафе го поттикна создавањето култура која е зависна од слаткиот и моќен вкус на кафето.

8. Нивото на органската киселина 5-HIA и дел од неуротрансмитерот серотонин се со зголемено ниво во мокрачата на редовните косумери на кафе. Тие ризикуваат во мозокот да се синтетизира пониско ниво на серотонин потребен за нормална работа на цревата, расположението, добриот сон и нивото на енергија во организмот. Тоа е волшебен круг, бидејќи кафето може да влијае на сонот и да ја поттикне депресијата. Факт е дека колку повеќе пиете кафе, толку сте поуморни.

9. Оние кои почесто пијат кафе губат повеќе минерали како калциум, магнезиум и калиум. Тоа доведува до нерамнотежа и сериозни компликации по здравјето.

10. Состојките во кафето можат да сметаат на нормалната работа на метаболизмот на лековите и нормалниот процес на детоксикација во црниот дроб. Треба да се биде внимателен со кафе ако сте на одредена терапија за штитната жлезда или ви се припишани антидепресиви.

Како да ја прекинете зависноста?

Обидете се да се одморите од консумирање кафе и проверете како организмот ќе ви функционира на алтернативно гориво. Исфрлете го кофеинот од својот систем и веднаш ќе се почувствувате поенергични.