Кокос торта која ќе ве воодушеви

Крцкавиот кокос во тестото и избалансираноста на белиот фил едноставно ќе направат да уживате во секој залак.

Потребни состојки:

• 5 јајца
• 300 гр. шеќер + 3 лажици
• Сок од лимон
• 100 гр. брашно + 8 лажици
• 150 гр. кокос
• Лажица прашок за пециво
• Шолја топло млеко
• 1 литар млеко
• 250 гр. путер или маргарин
• 100 гр. шеќер во прав

Потребно:

Изматете ги 5-те белки со 300 гр. шеќер, па додадете го прашокот за печење, кокосот, 100гр. брашно и лимоновиот сок. Испечете го тестото, па топло прелијте го со шолја млеко и пресечете го на пола, така што ќе добиете две кори.

За филот изматете ги 5-те жолчки со 3 лажици шеќер, додадете 8 лажици брашно и сварете ги како пудинг во литар млеко.

Кога ќе се излади, додадете го путерот изматен со 100 гр. шеќер во прав. Распоредете го филот преку едната кора, поклопете со другата и по желба посипете го рендано чоколадо или кокос.

Пријатен апетит.

Сникерс торта: Врвен десерт за сечиј вкус

Сникерсот е еден од најпопуларните безвременски чоколади – во тоа можат да се согласат сите, млади или стари. Постојат разни модификации на овој добро познат вкус на кикирики, карамела и чоколадо, прилагодени за домашна подготовка.

Веќе ви имаме претставено еден рецепт за вкусна Сникерс торта, а овој пат ви претставуваме еден поинаков.

ПОТРЕБНИ СОСТОЈКИ

За тестото:

• 10 белки
• 15 лажици шеќер
• 1 лажица оцет
• 4 лажици презла
• 1 лажица брашно
• 10 лажици мелени кикирики

За филот со кикирики:

• 1 литар млеко
• 300 гр шеќер
• 3 лажици густин
• 2 лажици брашно
• 1 кесичка пудинг од карамел
• 2 лажици шеќер
• 250 грама путер (или маргарин)
• 200 гр млеко во прав
• 250-300 гр мелени кикирики

За чоколадниот фил

• 5 белки
• 15 жолчки
• 300 гр шеќер
• 100 гр чоколадо за готвење
• 250 гр путер (или маргарин)

За глазурата од чоколадо

• 150 мл слатка павлака
• 150 гр чоколадо за готвење
• плус уште 200 мл слатка павлака

ПОДГОТОВКА

Тесто

Изматете ги белките, па додадете ги шеќерот и оцетот и сето тоа заедно изматете го за да добиете цврста пена. Потоа додадете ги презлата, брашното и мелените кикирики, па полека промешајте со лажица за состојките да се соединат.

Добиената смеса истурете ја во тавче обложено со хартија за печење, и ставете го во претходно загреана рерна на 200 степени и кога малку ќе потемни извадете го. Најдобар начин да проверите дали тестото е готово да го боцнете со чепкалка за заби.

Фил со кикирики

За филот со кикирики најпрво карамелизирајте 300 грама шеќер, со промешување во тенџере ставено на оган. Потоа, во карамелизираниот шеќер додадете 800 мл млеко, па варете се додека карамелот се стопи и млекото проврие.

За тоа време изматете ги густинот, брашното, шеќерот и пудингот од карамела со 200 мл млеко, па потоа сето тоа како пудинг сварете го.

Оставете го филот да се олади, па потоа соединете го путерот кој претходно пенасто сте го изматиле со млекото во прав. На крајот додадете и мелени, пржени, несолени кикирики, па сето тоа заедно добро изматете го со миксер.

Чоколаден фил

Изматете 5 белки со 300 гр шеќер, па додадете 15 жолчки и оставете ги да се проварат малку на пареа. Пред да бидат готови, додадете го чоколадото. Готовиот фил оставете го да се олади, па потоа соединете со претходно изматениот путер.

Врз испечената кора прво рамномерно нанесете половина од филот со кикирики, а потоа нанесете го чоколадниот фил, па врз него и останатата половина од филот со кикирики.

Глазура

Изматете 200 мл слатка павлака, па премачкајте ја преку филот со кикирики. Загрејте до точка на вриење 150 мл слатка павлака, па потоа тргнете ја од оган и додадете го чоколадото. Мешајте додека чоколадото не се растопи, а потоа оставете да се олади, па прелијте го преку готовата торта.

КОЛАЧ ОД ЈАБОЛКА И БАДЕМ

• 4 јајца
• 100 г шеќер
• 60 г чоколадо за готвење
• 60 г брашно
• 60 г путер
• 1 лажичка какао во прав
•  мармалад од кајсии (за премачкување)
• 100 г чоколадо за готвење (за глазура)
• 2-3 лажици масло за готвење (за глазура)
• неколку коцки бело чоколадо (за декорирање)

1. 
   1.Со помош на миксер, изматете ги белките заедно со шеќерот се додека не добиете поцврст шлаг.
2. 2.Настрана, со виљушка, изметете ги жолчките. Чоколадото и путерот растопете ги на пареа или пак во микробранова печка и измешајте ги со жолчките.
3. 3.Во помал сас, брашното измешајте го со какаото.
4. 4.Во садот со белките, мешајки со миксер на најспора брзина, додадете ги изматените жолчки со чоколадо и путер.
5. 5.Додадете го и брашното и какаото но овојпат мешајки со силиконска лажица (не со миксер).
6. 6.Тавата за печење обложете ја со хартија за готвење и смесата за пандишпанот истурете ја и добро распоредете ја.
7. 7.Печете во загреана рерна, на 180 степени, околу 20 минути.
8. 8.Изладениот пандишпан, поделете го на три идентични дела.
9. 9.Секој дел премачкајте го со мармалад од кајсии, неставајќи на последниот дел.
10. 10.Оставете го да се олади и исечете го на коцки.
11. 11.Чоколадото заедно со маслото за готвење растопете го пареа. Секоја коцка потопете ја во растопеното чоколадо и ставете ја врз мрсна хартија за да се стврдне чоколадото.
12. 12.По желба, декорирајте ги со бело чоколадо.