Состојки:

кора:
200гр. кекси
300мл. ладно млеко
200гр. млечна карамела

фил:
5 јајца
100гр. млечно чоколадо
200гр. шеќер
150г. млеко во прав
250гр. маргарин

глазура:
100гр. чоколадо
50гр. маргарин
1 јајце

Подготовка: Кексот натопете го во ладното млеко и наредете го на чинија. Карамелата згответе ја во преостанатото млеко и прелејте ја преку кексите. Изматете ги петте јајца и шеќерот и гответе ги на пареа. Пред крај, додајте го млечното чоколадо, сè соединете и тргнете го од ринглата. Во топол крем измиксајте го млекото во прав, изладете го, измиксајте го и маргаринот, а потоа нанесете го преку слојот-карамела. Стопете ја чоколадата и маргаринот за глазура, додајте го јајцето и изматете со миксер па прелејте ја тортата со смесата. Изладете ја во фрижидер и уживајте во нејзиниот вкус.

Чоколадната торта е непогрешлив избор кога сакате да ги задоволите вкусовите на повеќе луѓе, бидејќи ретко кој може да му одолее на чоколадното задоволство. Убавиот вкус и топливоста во уста се главни адути на овој рецепт за чија подготовка се потребни само 3 состојки.

Потребни состојки:
– 175g темно чоколадо
– 7 јајца
– 140g путер

Начин на подготовка:
Рерната загрејте ја на 130 степени. Чоколадото искршете го на коцки и растопете го на пареа, а пред самиот крај додадете го и путерот кој претходно ќе го исецкате на парчиња. Жолчките одвојте ги од белките. Жолчките изматете ги пенесто и додадете го претходно стопеното и изладено чоколадо. Во друг сад изматете ги белките и лажица по лажица додавајте ги во претходно направената смеса, постепено мешајќи додека смесата не се соедини. Смесата истурете ја во калап обложен со хартија за печење и покријте со фолија за печење. Калапот ставете го во поголема тава за печење која ќе ја наполните со жешка вода на ниво до половина калап. Печете 25 минути, а потоа тортата оставете ја на собна температура и посипете ја со шеќер во прав. Можете да ускрасите со свежи јагоди или малини.

Потребни состојки:

За кора:

8 белки

250 г. шеќер

50 г. чоколадо

50 г. маргарин или маслац

120 г. брашно

За фил:

10 банани

8 жолчки

500 мл. млеко

100 г. брашно

2 лажици ванилин шеќер

250 г. шеќер

250 г. маргарин или маслац

100 г. чоколадо за готвење

Потребно е уште:

малку млеко за полевање на кората

малку рендано чоколадо за украсување.

Подготовка:

За почеток преполовете ги потребните состојки за кора. Во сад за мешање ставете 4 белки и изматете ги во цврст снег. Потоа постепено додавајте 125 г. шеќер матејќи го сето време.

Посебно стопете 25 г. чоколадо и 25 г. маргарин, а потоа додадете ги во снегот од белки.

На крајот измешајте 60 г. брашно и сето тоа убаво да се соедини.

Помала тепсија обложете ја со хартија за печење, сипете ја смесата и печете во загрена рерна на 200 степени. Проверете со чечкалица дали е кората печена.

Постапката повторете ја со останатиот материјал и направете уште една кора.

Жолчките, шеќерот, ванилиниот шеќер и брашното изматете ги во малку млеко, а остатокот од млекото сварете го. Во топлото млеко измешајте ја подготвената смеса и продолжете со варење, мешајќи сето време, додека смесата не се згусне.

Густата смеса тргнете ја од рингла, додадете 100 г. чоколадо искршено на коцки и чекајте да се стопи, а потоа добро промешајте и оставете да се олади. Во оладената смеса додадете мек маргарин и матете додека убаво се соедини.

Филот поделете го на два дела, а оставете малку и за украсување.

Првата кора малку натопете ја во млеко, ставете на послужавник и намачкајте го филмот. Врз него наредете банани по должина исечени на половина. Врз бананите ставете ја втората половина од филот и ставете ја втората кора натопена во млеко. Премачкајте со остатокот од фил и украсете со рендано чоколадо.