Tенис

ТЕНИС - САМО ЕДНА НЕДЕЛА ДО СТАРТОТ НА ВИМБЛДОН ШАМПИОНАТОТ

Љубичиќ и Гаске со добар старт во Холандија

Вториот носител Ришар Гаске се пласираше во второто коло на Ордина Опен во Хертогенбош со 6:2/7:6(3) победа над Белгиецот Оливие Рошу. Играјќи на 370.000 евра вредниот турнир првпат во кариерата, Французинот имаше седум аса и три брејк поени за да го подобри скорот на 2:1 против Рошу.

Гаске, кој ќе го прослави својот 22. роденден во средата доаѓа во Холандија по четвртфиналето на Квинс Клаб турнирот како дел од подготовките за Вимблдон. Минатата година Французинот стигна до полуфиналето на Ол Ингланд Клубот, за првпат на еден гренд слем турнир. Следен за него е сонародникот Марк Жиквел, кој со 6:4/6:1 го совлада локалниот тенисер Матве Миделкоп.

Во второто коло е и четвртиот носител Иван Љубичиќ, кој со 6:3/7:6(5) го совлада Холанѓанецот Робин Хасе. Актуелен шампион во Холандија, Љубичиќ не е во најдобра форма во последно време, откако во последните седум турнири само двапати има две победи по ред. Хрватот сепак стигна до четвртото коло на Францускиот Опен. Љубичиќ ќе игра со Србинот Виктор Троицки во второто коло, откако овој со 6:3/7:5 го совлада Германецот Денис Гремелмаер.

ЧИЛИЌ ГО ИЗНЕНАДИ МАТЈУ

Вториот дуел на трева беше добра шанса за Марин Чилиќ конечно да го победи Пол-Анри Матју. Хрватот стигна до 1:6/6:4/6:3 победа над вториот носител Матју за прво изенандување на Слазенгер Опен турнирот во Нотингем. Чилиќ загуби во три сет аод Матју во второто коло на Квинс Клаб турнирот, а предходно има уште два порази од него оваа година.

Со шанса за одмазда, 19-годишниот Чилиќ се врати од лошиот прв сет со 13 аса и со искористување на двете брејк топки во последните два сета за да совлада носител за првпат откако го елиминираше 7. носител Фернандо Гонзалез од Австралискиот Опен.

НАДАЛ ПОДГОТВЕН ЗА ПРЕСМЕТКА СО САФИН

Новокрунисаниот шампион од Квинс Клаб, Шпанецот Рафаел Надал ќе одигра уште еден меч на трева, пред да се натпреварува на Вимблдон. Светскиот број 2 ќе игра со Марат Сафин во егзибициски меч на Фортис Тенис Класик во петокот во Хурлингем клубот во југозападен Лондон. Надал ја освои титулата од Квинс Клаб со 7:6(6)/7:5 победа над Новак Ѓоковиќ само седум дена откако ја освои четвртата титула на Ролан Гарос.

"Малку сум уморен и мислам дека по неколку дена ќе бидам подготвен за Вимблдон. Но, и да не се одморам не е многу важно, бидејќи Вимблдон е многу важен за мене и мотивацијата ми е огромна", вели 22-годишниот Шпанец кој ќе се обиде да стане првиот тенисер со титула од Ролан Гарос и Вимблдон во иста година по Бјорн Борг во 1980 година.

Покрај Сафин и Надал во Харлингем ќе играат и Томаш Бердих, Томи Хас и Џејмс Блејк.

РЕЗУЛТАТИ (1.КОЛО):

ОРДИНА ОПЕН - ХЕРТОГЕНБОШ

МАЖИ, 370.000Е

(2) Гаске - О.Рошу 6:2/7:6(7:3)

(4) Љубичиќ - Хасе 6:3/7:6(7:5)

(7) Кањас - Зверев 5:7/6:3/6:3

Дел Потро - (8) Санторо 6:3/6:1

Жиквел - Миделкоп 6:4/6:1

Гранољерс - Флиген 6:0/1:0 пред.

Дел'Аква - Фоњини 7:6(7:4)/6:2

Клемен - Бекер 6:3/3:6/6:4

Троицки - Гремелмаер 6:3/7:5

Бопана - Феркерк 6:7(8:10)/7:6(7:2)/6:4

ЖЕНИ, 175.000$

Харклроуд - (4) Скијавоне 6:3/6:4

Мирза - (5) Пенета 6:4/6:3

(7) Среботник - Медина Гаригес 6:2/4:6/6:3

(8) А.Бондаренко - Бенешова 6:4/4:6/6:4

Крајичек - Сугијама 6:1/5:7/7:6(9:7)

Ерани - Кеотавонг 7:6(7:5)/6:2

Еракович - Гордон 6:1/6:1

Кербер - Закопалова 6:4/3:6/6:4

СЛАЗЕНГЕР ОПЕН - НОТИНГЕМ, 370.000Е

Чилиќ - (2) Матју 1:6/6:4/6:3

(4) Карловиќ - Бјоркман 6:3/6:4

(7) Сепи - Села 3:6/6:4/7:5

Бенето - Болели 6:1/6:4

Рејнолдс - Махут 7:5/4:6/6:4

Квереј - Фаља 6:3/6:4

ИНТЕРНЕШНЛ ОПЕН - ИСТБУРН, 600.000$

Морезмо - (6) Корне 6:1/4:6/7:5

(8) Петрова - Пеер 6:2/6:2

Ли - Делаква 6:2/6:4

Стосур - О'Брајан 6:4/6:3

АТП РЕЈТИНГ ЛИСТА

1.(-) Рожер Федерер (Шва) 6.900

2.(-) Рафаел Надал (Шпа) 5.755

3.(-) Новак Ѓоковиќ (Срб) 5.360

4.(-) Николај Давиденко (Рус) 3.115

5.(-) Давид Ферер (Шпа) 2.905

6.(-) Енди Родик (САД) 2.280

7.(+1) Давид Налбандиан (Арг) 2.100

8.(-1) Џејмс Блејк (САД) 2.015

9.(+1) Ришар Гаске (Фра) 1.625

10.(-1) Станислас Вавринка (Шва) 1.615

11.(-) Енди Мареј (Бри) 1.555

12.(+1) Николас Алмагро (Шпа) 1.485

13.(+1) Жо-Вилфрид Цонга (Фра) 1.415

14.(+1) Фернандо Гонзалез (Чил) 1.405

15.(+1) Радек Штепанек (Чеш) 1.360

16.(+1) Пол-Анри Матју (Фра) 1.345

17.(+1) Михаил Јужни (Рус) 1.305

18.(+1) Томи Робредо (Шпа) 1.300

19.(-7) Томаш Бердих (Чеш) 1.290

20.(+1) Хуан Монако (Арг) 1.245

ВТА РЕЈТИНГ ЛИСТА

1.(-) Ана Ивановиќ (Срб) 4.222

2.(+1) Јелена Јанковиќ (Срб) 3.715

3.(-1) Марија Шарапова (Рус) 3.706

4.(-) Светлана Кузнецова (Рус) 3.565

5.(-) Елена Дементиева (Рус) 2.750

6.(-) Серена Вилијамс (САД) 2.676

7.(-) Венус Вилијамс (САД) 2.606

8.(-) Ана Чакветадзе (Рус) 2.541

9.(-) Динара Сафина (Рус) 2.222

10.(+1) Даниела Хантухова (Свк) 2.032

11.(-1) Марион Бартоли (Фра) 2.030

12.(-) Пати Шнидер (Шва) 1.940

13.(-) Вера Звонарева (Рус) 1.912

14.(-) Ангиешка Радванска (Пол) 1.776

15.(-) Ангес Шавај (Унг) 1.645

16.(-) Викторија Азаренка (Блр) 1.386

17.(-) Ализе Корне (Фра) 1.248

18.(+1) Никол Ваидишова (Чеш) 1.222

19.(+4) Марија Кириленко (Рус) 1.208

20.(-2) Франческа Скијавоне (Ита) 1.201

Српска доминација - Ивановиќ прва, Јанковиќ втора!

Шампионката од Ролан Гарос, Ана Ивановиќ остана светска тенисерка број 1 на новата ВТА листа, но историскиот подвиг го направи Јелена Јанковиќ која сега е втора и Србија има 1-2 на врот на женскиот тенис. Марија Шарапова падна на третото место. Ивановиќ минатата недела стана првата Србинка светска тенисерка број 1.

Моја и Чела се повлекоа од Вимблдон

Поранешниот светски број 1, Шпанецот Карлос Моја и аргентинските специјалисти за игра на земја, Хуан Игнасио Чела и Хуан Монако се првите тенисери кои се повлекоа од Вимблдон поради повреди. Ол Ингланд Клубот објави дека 31-годишниот Моја, кој беше број 1 во март 1999, но сега падна на 40. место, има повреда на рамото. Шпанецот, кој е шампион од Ролан Гарос од 1998 година никогаш го нема поминато четвртото коло на Вимблдон и имаше само два настапи во Лондон во последните шест години. Од неговите 20 титули во кариерат, 16 дојдоа на земја и 4 на хардкорт подлога.

Чела исто така има проблем со рамото, додека Монако се повлече со повреден грб. Аргентинците Мартин Васаљо Аргуељо и Бриан Дабул и Хрватот Роко Каранушиќ се замена за нив во главната ждрепка. Јапонката Акико Моригами се повлече од женскиот турнир поради повреда на коленото и е заменета со Чехинката Рената Ворачова.

Лундгрен ќе биде тренер на Багдатис

Швеѓанецот Петер Лундгрен почна да работи со Маркос Багдатис од Кипар пред Вимблдон. Лундгрен, кој предходно работеше со поранешните светски тенисери број 1 Марат Сафин и Марчело Риос, и на сегашниот светски број 1 Рожер Федерер му помогна да дојде до првата титула од Вимблдон, последно работеше со британската тенисерска асоцијација (ЛТА), но си замина во март поради лични причини.

Од тогаш тој наводно доби неколку понуди, вклучувајќи ја таа на Шпанецот Фернандо Вердаско. Но, Лундгрен, кој работеше со британскиот број 2 Алекс Богданович преку ЛТА реши да работи со финалистот од Австралискиот Опен 2006, Багдатис.

"Имам чувство дека Маркос е добро и весело момче и по една недела заедно се уште го мислам тоа. Тој стана вистинска ѕвезда во својата земја по таа 2006 и тоа направи голем притисок на него. Сега е многу посилен", вели Лундгрен.

ТЕНИС - ПОРАНЕШНАТА СВЕТСКА ТЕНИСЕРКА БРОЈ 1 ИМА НЕЗГОДНА ПОВРЕДА

Девенпорт се надева дека ќе биде на Вимблдон

Поранешната шампионка Линдзи Девенпорт се уште верува дека има шанси да се појави на Вимблдон и покрај тоа што се повлече поради повреда од Истбурн Шампионатот. Американската шампионка од Ол Ингланд Клубот од 2001 година е заменета на турнирот во Девоншајр Парк од Естонката Каја Канепи.

"Навистина сум разочарана што не можам да играм тука. Работев напорно за оваа сезона на трева", вели 32-годишната мајка на едно дете, која се повлече по повредата на коленото во текот на тренингот овој викенд.

Девенпорт, која се врати на тенисот минатата есен само неколку месеци откако се породи со својот прв син, има четири титули од нејзиниот камбек. Тенисерката од Калифорнија го пропушти Францускиот Опен, а последен турнир и е во април во САД, каде што се предаде во полуфиналето против Марија Шарапова на турнирот во Амелија Ајленд. Сега таа вели дека ќе оди во Лондон што е можно побргу да го прегледа коленото.

"Мислам дека не се работи за сериозна повреда. Чувствувам дека отекува, и само сакам да ја најдам причината и да го лекувам коленото. Инаку се чувствувам во добра форма, бидејќи дома тренирав шест недели. Го сакам Вимблдон и секогаш сум имала добри резултати таму. Се надевам дека телото ќе издржи", вели Девенпорт.

ШТЕПАНЕК ЛЕСНО ВО НОТИНГЕМ

Првиот носител Радек Штепанек го совлада Американецот Џон Изнер со 6:3/6:2 за пласман во второто коло на Слазенгер Опен турнирот во Вимблдон. 15-рангираниот Чех сега ќе игра со уште еден Американец, квалификантот Винсент Спадеа кој со 6:1/7:5 го совлада Британецот Александер Слабински.

Петтиот носител Жил Симон го совлада Доналд Јанг од САД со 6:1/6:4, додека осмиот носител Гаел Монфис со 7:6(4)/6:4 беше подобар од Австралиецот Крис Гучионе. Во другите мечеви од првиот меч, Швеѓанецот Томас Јохансон го освои првиот сет со 7:5, по што Јапонецот Кеи Нишикори се повлече, додека Австралиецот Семјуел Грот со 7:6(7)/6:3 го совлада Британецот Џејмс Бејкер.

ФЕРЕР ПОБЕДИ, ГАСКЕ "ИЗЛЕТА" ВО ХОЛАНДИЈА

Првиот носител Давид Ферер се пласираше во четвртфиналето, додека вториот носител, Французинот Ришар Гаске загуби во второто коло на Ордина Опен во Хертогенбош, последниот подготвителен турнир пред Вимблдон.

Светскиот број 5, Ферер со 6:2/7:6(3) го совлада италијанскиот квалификант Масимо Дел'Аква, додека полуфиналистот од Вимблдон од 2007, Гаске загуби од својот француски сонародник Марк Жиквел со 7:5/7:6(6).

За Ферер ова е осмо четвртфинале оваа година, во кое ќе се сретне со двократниот шампион од турнирот Марио Анчиќ, кој ги освои титулите во 2005 и 2006. Анчиќ со 6:2/6:4 го совлада Стив Дарсис од Белгија, со што има 12 победи по ред на турнирот и 15-2 во кариерата во Хертогенбош.

РЕЗУЛТАТИ:

ОРДИНА ОПЕН - ХЕРТОГЕНБОШ

МАЖИ, 2.КОЛО, 370.000Е

(1) Ферер - Дел'Аква 6:2/7:6(7:3)

Жиквел - (2) Гаске 7:5/7:6(8:6)

Мелцер - (5) Андреев 6:4/1:6/6:1

(6) Анчиќ - Дарсис 6:2/6:4

ЖЕНИ, 175.000$

2.КОЛО

(2) Чакветадзе - Кербер 6:3/3:6/7:6(7:1)

(3) Сафина - Пен 6:1/6:4

(8) А.Бондаренко - Еракович 3:6/6:4/6:3

1.КОЛО

Чирстеа - (6) Кириленко 7:5/6:4

Чен - Арвидсон 7:5/7:5

Танасугарн - К.Бондаренко 6:3/6:3

СЛАЗЕНГЕР ОПЕН - НОТИНГЕМ, 370.000Е

1.КОЛО

(1) Штепанек - Изнер 6:3/6:2

(3) Вердаско - Даниел 6:4/7:6

(5) Симон - Јанг 6:1/6:4

(8) Монфис - Гучионе 7:6(7:4)/6:4

Т.Јохансон - Нишикори 7:5 пред.

Грот - Бејкер 7:6(9:7)/6:3

Богданович - Ворд 6:3/6:4

Шванк - Нилсен 6:3/6:3

Спадеа - Слабински 6:1/7:5

ИНТЕРНЕШНЛ ОПЕН - ИСТБУРН, 600.000$

1.КОЛО

Говорцова - (7) Ваидишова 6:2/6:4

Возниацки - Пиронкова 6:3/6:2

Клејбанова - Саут 6:4/6:4

Рацано - Девенпорт пред.

Бамер - Кудрјавцева 7:6(11:9)/1:6/7:5

Макарова - Душевина 6:3/6:0

Мареј подготвен за Ол Ингланд Клубот

Енди Мареј ја потврди својата физичка подготвеност за Вимблдон, откако во три тешки сета го совлада Србинот Јанко Типсаревиќ на Будлс Челенџ во Лондон. Мареј победи со 6:3/5:7/12:10, но уште поважно не покажа знаци на повредата на палецот која го примора да се повлече од Квинс Клаб турнирот.

"Да, имаше неколку удари во кои згрешив поради палецот, но успеав да играм час и половина и се чувствувам ОК", вели Мареј.

Шкотланѓанецот, кој спаси две меч топки против светскиот број 40 Типсаревиќ, вели дека едвај чека да игра на Вимблдон откако лани го пропушти турнирот поради повреда на зглобот на раката.

"Добро е да се игра без многу очекувања од тебе. Но, на Вимблдон ќе биде поинаку. Таму ќе има 14.000 луѓе и притисокот ќе се чувствува", додава Мареј.

Седумкратниот гренд слем шампион, Американецот Џон Мекинро пак смета дека Мареј е еден од неколкуте тенисери кои можат да го спречат Рожер Федерер да стигне до шеста титула по ред на Ол Иинглад Клубот.

"Тој изгледа посилен и поподготвен оваа година, но може да биде уште подобар. Ја има предноста на Вимблдон бидејќи нема многу тенисери кои се чувствуваат удобно на тие тревнати терени", вели 49-годишниот Мекинро.

ТЕНИС - СИТЕ ИМААТ ШТО ДА КАЖАТ ЗА "ПАДОТ НА ШВАЈЦАРСКИОТ МАЕСТРО"

Борг - Федерер ќе загуби, Сампрас -Федерер е најдобриот!

Поранешниот великан од Вимблдон, Швеѓанецот Бјорн Борг верува дека светскиот број 1, Рожер Федерер е само трет фаворит за победа на гренд слем турнирот на трева. Федерер оди на шеста последователна титула на Ол Ингланд Клубот, но Борг, кој пет пати триумфираше по ред во Лондон од 1976 до 1980 година, вели дека тој ќе има пеколна задача.

Швеѓанецот исто така вели дека не би бил изненаден ако Федерер избере да се пензионира следната година.

"Јас би го избрал Рафаел Надал како победик, а втор избор би бил Новак Ѓоковиќ. Рожер е само трет на оваа листа. За Рожер да ги победи овие момци на Вимблдон треба да игра далеку подобро од минатото лето. Знае дека ќе мора да изведе неверојатен тенис за повторно да победи. Ова е најнеизвесниот Вимблдон по многу години", вели Борг.

Швеѓанецот, кој се пензионираше на 27. години, мисли дека Федерер ќе го сруши рекордот на Пит Сампрас од 14 гренд слем титули, за што му требаат уште две круни, но само ако продолжи да игра.

"Не би бил воопшто изненаден ако Рожер следната година каже дека нема да игра тенис повторно. Тоа можеби нема да се случи, но нема да ме шокира. Луѓето очекуваат тој да победува нон-стоп и тоа е ментално и физички многу напорно. Нема да има време во кое тој повторно ќе победува нон-стоп. Тоа заврши. Тој го сака рекордот на Сампрас и ќе го добие тоа", вели Борг.

САМПРАС: "ФЕДЕРЕР Е ВРЕДЕН ЗА МОЈОТ РЕКОРД"

Пит Сампрас пак останува уверен дека Федерер ќе го сруши неговиот рекорд. Всушност, американскиот освојувач на 14 гренд слем титули, планира да биде меѓу најголемите навивачи на Федерер кога тој ќе стигне до 15 гренд слем титула, дури иако се работи за долг пат до Мелбурн. Ако Федерер стигне до шестата титула по ред од Вимблдон и петта од УС Опен во септември, тогаш 15. гренд слем титула може да дојде на Австралискиот Опен во јануари.

"Рожер има огромна желба да го сруши мојот рекорд, и кога ќе го направи тоа би сакал да сум таму. Му кажав само да биде Њујорк или Лондон, бидејќи Австралија е многу далеку. Би сакал да му честитам", вели Сампрас.

И покрај засрамувачкиот пораз од Надал во финалето на Ролан Гарос, Сампрас е сигурен дека швајцарската ѕвезда ќе биде во најдобра форма за Вимблдон.

"Тој создаде едно чудовиште со освојување на толку многу турнири и толку гренд слем трофеи така лесно. Колку и Рожер да е голем, тој ќе има порази и лоши денови. Човечки е да се греши. На гренд слем турнирите сепак тој е човекот кој има најголеми шанса за победа. Сега ќе биде само пожеден за титула", вели Сампрас.

ЃОКОВИЌ СМЕТА ДЕКА ПРИТИСОКОТ НА РОЖЕР Е ОГРОМЕН

Еден од ривалите на Федерер, Новак Ѓоковиќ вели дека Швајцарецот ја "чувствува жештината" пред Вимблдон.

"Федерер се уште е број 1 на светот, но одеднаш тој се чувствува растресен по неколку порази. Нормално е да се оди нагоре и надолу по четири години апсолутна доминација. Но, сега има нови имиња, талентирани тенисери кои веруваат дека можат да го победат и јас сум еден од нив. Одеднаш тој е загрижен", вели Ѓоковиќ.

Србинот го совлада Федерер во полуфиналето на Австралискиот Опен, прекинувајќи ја серијата на Швајцарецот од 10 гренд слем финалиња по ред. Тој сега е подготвен да се врати за минатогодишното разочарување од Вимблдон, каде што се повлече во полуфиналето против Надал поради повреда.

"Играм добар тенис во последно време, а пред Вимблдон имам верба дека можам да ги предизвикам Надал и Федерер", додава Ѓоковиќ.

РЕЗУЛТАТИ:

ОРДИНА ОПЕН - ХЕРТОГЕНБОШ

МАЖИ, 1/4 ФИНАЛЕ, 370.000Е

(1) Ферер - (6) Анчиќ 6:4/7:6

(7) Кањас - Троицки 6:2/6:2

Жиквел - Мелцер 6:3/6:4

Дел Потро - Клемен 2:6/6:3/6:1

ЖЕНИ, 1/4 ФИНАЛЕ, 175.000$

(1) Дементиева - Чирстеа 6:2/6:4

(8) А.Бондаренко - (2) Чакветадзе 6:2/3:6/6:2

Танасугарн - Крајичек 3:6/6:3/6:4

СЛАЗЕНГЕР ОПЕН - НОТИНГЕМ, 370.000Е

1/4 ФИНАЛЕ

(4) Карловиќ - (7) Сепи 6:3/3:6/6:4

(8) Монфис - Спадеа 7:6(7:4)/6:2

ИНТЕРНЕШНЛ ОПЕН - ИСТБУРН, 600.000$

1/4 ФИНАЛЕ

(2) Бартоли - Клејбанова 6:3/6:3

(8) Петрова - Макарова 6:4/6:3

Стосур - Возниацки 7:6(7:3)/6:4

2.КОЛО

(4) А.Радванска - Рацано 3:6/6:3/6:4

"Соколовото око" е непрецизно?

Системот за одредување на линиските одлуки, со популарното име "Соколово око" кое се користи на Вимблдон можеби не е толку точно како што се сметаше, се тврди во новата студија. Од 2007 година оваа технологија е "конечниот судија" на терените на Вимблдон, нешто со што не се согласуваат некои британски научници.

"Мора да се даде големо предупредување бидејќи тоа што го гледате со Соколовото око не значи дека навистина се случило. Погрешно е да се смета дека има технолошко решение за човечките несогласувања во тенисот", вели Хери Колинс, професор од Унверзитетот во Кардиф.

Колинс заедно со колегата Роберт Еванс работеа на утврдувањето на точноста на системот. Технологијата користи 10 камери околу целиот терен, комбинирајќи ги патеките во компјутерскиот систем. Ова според професорите значи дека тоа што го гледаме на Соколовото око не е тоа што точно се случило, туку тоа што најверојатно се случило.

Технологијата направи поделба кај тенисерите. Светскиот број 1, Рожер Федерер го отфрли Соколовото око како "глупост" по воведувањето на Австралискиот Опен, додека Енди Родик е еден од најголемите поддржувачи.

Покрај Вимблдон, Соколовото око се користи и на УС Опен и на Австралискиот Опен, а подолго време се користи и во крикетот. ФИФА долго време размислуваше за воведување на оваа технологија за сомнителните голови, но во март решија да не воведуваат технологија во фудбалот.

ТЕНИС - ИТФ ТУРНИР ВО СРБИЈА

Деари и Мартиноски на главниот турнир

Шендрит Деари преку квалификациите и Илија Мартиноски (директно) се нашите единствени претставници кои играат на главниот турнирот во Србија, во Белград. Во првото коло Деари ќе игра против Р. Родригез (Шпа), додека Мартиноски за противник го доби И. Горчиќ (БиХ).

Во двојки Деари/ Мартиноски во 1. коло играат против Марчек/ Савковиќ (Срб).

Претходно, Деари мораше да мине три квалификациски кола. Во првото го доби Г. Комљеновиќ (Срб) со 6/0, 6/0, во второто А. Влаовиќ (Срб) со 6/1, 6/3 и во третото Ј. Зељковиќ (Срб) со 6/1, 6/3).

Страте Крстевски како и Васко Здравкин ја немаа таа среќа. Крстевски беше поразен во 3. коло од И. Ѓурѓевиќ (Срб) со 6/3, 6/1) иако во првите две забележа победа, против С. Војниќ (Срб) со 6/0, 6/2 и во второто против Д. Савковиќ (Срб) со 6/4 и6/3, додека Здравкин уште на стартот загуби од Д. Живановиќ (Аус) со 7/5 и 6/3).

ДП НА МАКЕДОНИЈА (18 ГОД)

Титулите за Јосифоска и Деспотовски

Со финалните натпревари и официјално заврши ДП на Македонија за играчи од 18 години што се одржуваше на терените на ТК "Југ" во Скопје, на кое настапија 28 јуниори и 11 јуниорки.

Кај девојките државен порвак очекувано стана А. Јосифоска (АС) која со 6/1 и 6/2 ја доби Л. Ѓорчевска (Југ), додека кај јуниорите Д. Деспотовски (Југ) беше подобар од својот клупски другар Д. Ристовски (Југ) со 7/6 и 6/2

ИТФ РАНГ ЛИСТА

Јотовски го држи чекорот

Најновата ИТФ ранг-листа за Томислав Јотовски не донесе некои позериозни промени. И натаму котира меѓу 90 најдобри тенисери во светот, меѓу јуниорите, поточно на 88. позиција, С. Мицов е на 779. место, Д. Деспотовски на 1291., а В. Јосифовски на 1368. позиција.

Кај јуниорките Јосифоска не попушта. Останува на иста или приближно истите позиции, на 228. место, И. Лепчевска на 1015., додека В. Андонова на 1494.

Русевски и Магдинчев во Скопје

Нашите два најдобри рекети, Предраг Русевски и Лазар Магдинчев, по елиминацијата на турнирот во Полска, се вратија во Скопје.

Деновите до следните настапи главно ги минуваат на терените на ТК "Југ" во градскиот парк, каде неуморно тренираат.

 

Шарапова и Блејк елиминирани од Вимблдон

Елиминацијата на Марија Шарапова и на Џејмс Блејк го потцртаа досегашниот тек на денот на тенискиот турнир во Вимблдон. Од главните фаворити минаа второрангираните Рафаел Надал и Јелена Јанковиќ.

Не само што не успеа да го поправи ефектот од „Ролан гарос“, туку Шарапова не успеа да стигне ниту до третото коло на тенискиот „Гренд слем“ во Вимблдон.

Третата фаворитка го загуби мечот во втората рунда со сонародничката Кудјавцева, и тоа доста убедливо, 6:2 и 6:4.

Втората носителка Јелена Јанковиќ немаше проблеми против Шпанката Наваро, 6:1 и 6:3.

Од првите десет во третата етапа ќе играат и Венус Вилијамс и Динара Сафина.

Венус која е седма фаворитка ја совлада Кеотавонг со 7:5 и 6:2, а Сафина која фигурира на деветото место на фаворитската скала беше подобра од Су Веио со 6:3 и 6:2.

Кај мажите по вчерашното испаѓање на Новак Ѓоковиќ, на трибините денеска замина уште еден тенисер од првата десетка.

Деветтиот носител Џејмс Блејк претрпе пораз од Шутлер од Германија со 3:2 во сетотви.

Вториот светски рекет Рафаел Надал го загуби првиот сте против Гулбис со 7:5, но потоа одигра уште три за место во наредната рунда.

Понатаму оди и домашната надеж Енди Мареј. Дванаесетиот фаворит го победи Малис со 6:4, 6:2 и 6:2.

Успешни беа и Степанек, Јужни, Хас, Кифер, Малис, Клеман.

ТЕНИС - САМО ДОЖДОТ БЕШЕ ПРЕЧКА ЗА ТРЕТО ФИНАЛЕ ПОМЕЃУ СЕСТРИТЕ ВИЛИЈАМС

"Вилијамс Експрес" во ново Вимблдон финале

Серена Вилијамс ќе игра против својата сестра Венус по третпат во финале на Вимблдон, откако ја прекрати неверојатната серија на Кинеската Женг Жи со 6:2/7:6(7:5) победа. Шестата носителка стигна до 5:2 водство во првиот сет пред дождот да ги натера тенисерките надвор од теренот, но кога се вратија Вилијамс го зеде првиот сет, но Женг се врати и по уште една пауза поради дожд имаше момент во кој може да го израмни мечот.

Женг се бореше до крај, враќајќи се од 5:2 негатива во тај-брејкот до 5:5, но двократната шампионка Вилијамс ја запечати победата. Импресивниот сервис на Вилијамс и донесе ас и меч топка, пред Женг да направи двојна сервис грешка за крај на мечот.

"Таа дефинитивно ме туркаше до крај. Одигра одличен меч и немаше што да загуби. Секогаш е забавно кога е така. Не сакав да одам во три сета", вели Вилијамс.

Американката стигна до своето прво гренд слем финале по Австралискиот Опен минатата година и прво против нејзината постара сестра од Вимблдон во 2003.

"Среќна сум што сум во гренд слем финале, но сакам повеќе од тоа. Венус е тешка противничка, можеби најтешката која сум ја имала", вели Серена.

Женг ја совлада првата носителка Ана Ивановиќ и уште две носителки на патот до полуфиналето, каде што е прва Кинеска во историјата. На почетокот нервозата ја фати Кинеската и Вилијамс со 14 директни победнички топки го освои првиот сет.

ВЕНУС ЕКСПРЕСНО ПРЕКУ ДЕМЕНТИЕВА

Венус Вилијамс пак е на една победа за петта титула во Лондон откако ја совлада Русинката Елена Дементиева во два сета со 6:1/7:6. Откако ја прегази противничката во првиот сет, постарата сестра Вилијамс се намачи во вториот сет, но секогаш имаше малку повеќе од противничката која дебитираше во полуфиналето на Вимблдон.

"Таа е слична тенисерка на мене со многу моќ, но знаев дека ќе морам да бидам малку подобра. Беше важно да останам стабилна пред тај-брејкот. Ова е мое седмо финале и навистина е добро што ќе играм против мојата сестра", вели постарата Вилијамс.

Таа ги отфрли тврдењата дека мечевите помеѓу сестрите не се добри, бидејќи недостаток на натпреварувачки дух, инсистирајќи дека блиската врска со сестрата Серена не ја намалува желбата за нова титула.

"Нашата цел е да се стигне до финалето, но потоа е секој Вилијамс за себе", вели Венус.

Дементиева призна дека се мачеше со квалитетот на играта на Вилијамс во првиот сет.

"Таа почна навистина добро, доминираше и направи притисок на мој сервис. Венус сака да игра силно и ова е одлична подлога за неа. Се обидував да најдам слабост во играта и затоа вториот сет беше целосно поинаков", вели Дементиева.

ШУТЛЕР ПО ДРАМАТИЧНИ ПЕТ СЕТА ВО ПОЛУФИНАЛЕ

Раинер Шутлер мораше да почека за да постави интересно полуфинале против Рафаел Надал. Во маратонскиот меч кој траше повеќе од пет часа во два дена, Шутлер стигна до 6:3/5:6/7:6/6:7/8:6 победа над Французинот Арну Клемен.

Ова е само вторпат во 38 обиди 32-годишниот Шутлер да влезе во полуфинале на гренд слем турнир, токако во 2003 година загуби во финалето на Австралискиот Опен во 2003 од Андре Агаси. Повеќе од пет години Шутлер ќе има пеколен предизвик против вториот носител Надал, кој загуби само еден од 16 сета во првите пет меча на Ол Ингланд Клубот.

Во меч со бројни промени на балансот, Шутлер изгледаше во контрола откако победи во третиот сет во тај-брејк и поведе со 4:1 во четвртиот сет, но загуби брејк на шестиот гем и Клемен се врати во мечот. Шутлер остана стабилен иако Клемен поведе со 2:0 во петтиот сет. Но, при 6:6 во петтиот сет, на 15:40 во 13. гем дождот повторно пристигна во Лондон и имаше втора пауза. Иако протестираше за паузата, таа на Шутлер му донесе свежина и ги освои следните два гема за победа.

30-годишниот Клемен исто така го бркаше своето второ гренд слем полуфинале, откако во 2001 година стигна до финалето на Австралискиот Опен, каде што и тој загуби од Агаси во три сета.

ВИМБЛДОН ШАМПИОНАТ, ЛОНДОН, 11.812.000Ф

РЕЗУЛТАТИ:

МАЖИ, 1/4 ФИНАЛЕ

Шутлер - Клемен 6:3/5:7/7:6(8:6)/6:7(7:9)/8:6

ЖЕНИ, 1/2 ФИНАЛЕ

(7) В.Вилијамс - (5) Дементиева 6:1/7:6(7:3)

(6) С.Вилијамс - Женг 6:2/7:6(7:5)

МАЖИ - ДВОЈКИ, 1/2 ФИНАЛЕ

(8) Бјоркман/Алјет - (1) Б.Брајан/М.Брајан 7:6(7:3)/5:7/7:6(7:5)/7:6(11:9)

(2) Нестор/Зимоњиќ - (9) Длоухи/Паес

МЕШАНИ ДВОЈКИ, 1/4 ФИНАЛЕ

(1) М.Брајан/Среботник - (5) Алјет/Сугијама

(3) Визнер/Печке - Андреев/Кириленко

(9) Рам/Деши - Б.Брајан/Стосур

ЈУНИОРИ, 1/4 ФИНАЛЕ

(1) Томич - (6) Куња 4:6/6:4/6:3

(9) Димитров - (3) Рамирез 6:3/7:5

Крајиновиќ - Томас 7:6(7:2)/6:4

Континен - Пропоџа 6:2/6:2

ЈУНИОРКИ, 1/4 ФИНАЛЕ

Хендлер - (2) Рус 7:6(7:4)/6:3

(3) Лертчивакарн - Броуди 6:7(6:8)/6:3/6:4

Табакова - (5) Херцог 6:4/6:1

Робсон - (9) Јовановски 7:5/6:4

Сафин среќен и изненаден

Русинот Марат Сафин вели дека помислил дека "целосно се загубил" откако се мачеше да се квалификува на турнирите. Тоа беше последното понижување за поранешниот светски број 1, кој зад себе има две гренд слем титули.

"Уморен сум од правење камбек секоја година", велеше Русинот.

Но, во средата, еден од најголемите фајтери во модерниот тенис стигна до своето прво полуфинале на Вимблдон со триумф над Шпанецот Фелисијано Лопез и сите маки со повредите и со темпераментот се исплатија.

"Изненаден сум што се уште сум тука. Почнав да си мислам дека веќе се загубив по лошата форма минатата година", вели Сафин.

Следен противник за него е Рожер Федерер, човекот со неверојатната серија на Вимблдон, и Сафин не очекува премногу. Федерер ќе се натпреварува во своето 17. последователно гренд слем полуфинале и знае колку Сафин може да биде опасен, иако лани го совлада во три сета.

"Никогаш не сум помислил дека Марат е 89. на светот. Тоа е навистина смешно и го знае и самиот. Сега покажува што знае. Најчудно е што тоа се случува на Вимблдон бидејќи никогаш не ја сакал подлогата", вели Федерер, на што Сафин одговара дека ако Федерер не мисли дека тој треба да е толку долу може да му "продаде неколку рејтинг поени".

28-годишниот Сафин има 2-8 скор против Федерер.

"Не е исто кога имаш 20 години и првпат си во гренд слем финале. Тогаш мислиш дека леташ, но сега е поинаку. Рожер е напат до својата седма титула, така што нивоата се поинакви. Бев рангиран 95. оваа година и морав да играм на квалификации за во Хамбург. Тоа е вистинското дно", вели Сафин.

Но, упорноста секогаш била на негова страна. Во 2000 тој го совлада Пит Сампрас во три сета за титулата од УС Опен по што беше прогласен за иднината на тенисот. Но, притисокот го направи своето, и следната гренд слем титула дојде против Лејтон Хјуит пет години подоцна на Австралискиот Опен.

"Пет години подоцна луѓето повторно зборуваат за тоа што се случува со мене. Сега не морам да одговарам на ништо", вели Сафин.

Морезмо не ја избраа во сингл, нема да оди во Пекинг

Амели Морезмо се повлече од Олимпијадата во Пекинг во четвртокот, бидејќи не беше избрана да се натпреварува во сингл. Поранешната светска тенисерка број 1 освои сребрен медал на ОИ во Атиан во 2004, но овојпат доби место само во двојки.

"Бидејќи Француската Федерација реши да не се натпреварувам за медал во сингл, и бидејќи морам да ја заддржам физичката подготвеност решив да не одам во Пекинг и да се концентрирам на последната цел оваа сезона - УС Опен", вели Морезмо на својот веб-сајт.

Морезмо, сега 33-рангирана вели дека одлуката на федерацијата ја дочекала со "тага, бидејќи натпреварувањето за мојата земја на последната Олимпијада за мене беше многу важна". На Вимблдон, каде што победи во 2006 година, Морезмо загуби од Серена Вилијамс во третото коло.

ГЕМ, СЕТ, МЕЧ

Рожер Федерер треба да внимава, бидејќи Рафаел Надал вели дека никогаш не играл подобро на трева. Откако последните две години загуби во финалето од Федерер, Надал стигна до полуфиналето со доминантна 6:3/6:2/6:4 победа над Енди Мареј. "Од што сум задоволен? Од се, навистина од се. Играм далеку подобро од лани. Слајсот е подобар, позицијата на теренот исто така, и играм доста агресивно. Лани беше блиску против Рожер и можев да го имам тој трофеј дома. Но, не сакам да мислам на тоа сега, бидејќи имам полуфинале пред мене", вели Надал, кој игра со Германецот Раинер Шутлер денеска.

Поразите на топ 4 тенисерките на Вимблдон релативно рано на турнирот е одлично за женскиот тенис, оценува шефот на ВТА лери Скот. Првпат откако се доделуваат носителски места на Вимблдон во 1927 година, ниту една од првите четири носителки не влегоа во четвртфиналето: Ана Ивановиќ, Марија Шарапова, Јелена Јанковиќ и Светлана Кузнецова. "Тоа само покажува колку длабочина има во женскиот тенис. Пред малку време можевте да предвидите кои тенисерки ќе бидат во финалето, а денеска тоа не е случај", вели Скот.

Маркос Багдатис предизвика вистинска бура на Кипар откако ја извести тениската федерација (ЦТФ) дека нема да игра во Дејвис Куп натпреварот против Португалија од 18 до 20 јули. Откако ја совладаа Словенија, Кипар, кои целосно се потпираат на играта на Багдатис ќе играат против фаворитите Португалија во плеј-оф за место во 1. група на Евро-африканската Зона. Оправдувањето на Багдатис е дека има пренатрупан календар, бидејќи треба да игра на УС Опен, на Олимпијадата во Пекинг и на турнирите во Монтреал и Синсинати.

Енди Мареј ќе има свој фаворит ако во недела во финалето играат Рожер Федерер и Рафаел Надал. И покрај тоа што доби "лекција" од Надал во четвртфиналето, тој ќе навива за него. "Мислам дека Надал има огромна шанса. Ако игра како против мене, тогаш Рожер нема да може да го сопре", вели Мареј.

http://www.wimbledon.org/en_GB/news/match_reports/2008-07-05/200807051215281409843.html