Рецепт за најпопуларен сладолед од само три состојки

Кога станува збор за сладоледот како омилен десерт во лето ретко кога ни паѓа на памет сами да се впуштиме во авантура за домашна подготовка на ова ледено уживање.

На оваа идеја најчесто и пресудува фамата околу состојките кои ги сметаме за неопходни за миксање и подготовка. Кога ќе помислиме сами да си направиме сладолед веднаш сето тоа ни изгледа многу комплицирано, па поради тоа ние пронајдовме рецепт за кој се потребни само 3 состојки, а и нив во зависност од вкусот и расположението можете да ги менувате. 

Состојки (за 4 топки):

• 1 банана
• Јагоди
• Свежи листови нане

Подготовка

Бананата и свежите јагоди замрзнете ги, потоа извадете ги од замрзнувачот и оставете ги неколку минути надвор на собна температура, само колку да можете да ги миксате (но нека остане поголемиот дел замрзнат)

Потоа миксајте ги во блендер додека не добиете густа смеса. Ако е потребно, додајте лажица, две вода. Додадете ги листовите нане и повторно измиксајте.

Ставете ја смесата во сад, поклопете и вратете ја во замрзнувачот. Ладете додека не стане цврста, но и да можете да вадите топки со лажица (сладоледот можете на секои 15 минути да го промешате и да го вратите во фрижидерот).

Совети:

1. Количината на јагоди и листови нане ставете ја по сопствен вкус, по желба сладоледот можете да го заблажите, но знајте дека бананата му дава природна сладост.

2. Ако не го изедете целиот сладолед можете да го вратите во замзнувачот, само пред повторно послужување извадете го да омекне.

3. Основата на овој сладолед е бананата додека останатите состојки можете да ги додавате и да ги менувате. Можете да додадете и вкус, како чоколадо, можеби и карамел, шлаг, различно овошје.

ФОТО: Идеи и рецепти за изработка на домашен сладолед

Сладоледот е идеално освежување за време на попладневната или вечерна прошетка во летните жешки денови.

Модерниот човек најчесто овој омилен десерт го купува од блиската слаткарница или пак маркет, но сепак дефинитивно сладоледот е највкусен кога ќе си го подготвиме дома и ќе го јадеме додека гледаме некој филм или пак заедно со пријателите седиме на терасата.

Ние решивме да ви издвоиме неколку летни додатоци од кујната со кои ќе го направите и послужите омилениот леден десерт со овошен или пак чоколаден и млечен вкус. Нашите предлози ќе ги најдете на крајот од текстот. 

Доколку сакате да направите сладолед како „професионалци“ во тоа ќе ви помогнат апаратите за правење на сладолед, но ако сте за чекор по чекор варијанти во чија изработка можат да учествуваат и детските раце, тогаш има многу едноставни рецепти кои досега ги имаме објавено на нашата страница и за кои ви се доволни две до три состојки.

Ние во продолжение издвоивме неколку наши омилени рецепти за кои се надеваме дека ќе бидат дел од вашето летно мени за сладолед. Пријатен апетит!

Сладолед од чоколадо и кафе: Рецепт кој ве остава без зборови

Рецепт за најпопуларен сладолед од само три состојки

Домашен сладолед од нутела готов за минута!

c

Вкусен домашен сладолед од диња

Подгответе го овој брз и вкусен десет и уживајте во освежувањето во овие топли денови.

Потребни состојки:

• 300 мл. слатка павлака
• 175 г. шеќер
• 1 зрела диња
• Сок од 1 лимон

Подготовка

Во сад измешајте ги шеќерот и слатката павлака. Оставете да зовријат и мешајте додека шеќерот не се стопи, па тргнете го од оганот.

Излупете ја кората од дињата, исчистете ја од семки и исецкајте ја на ситни парчиња, па ставете ја во блендер и заедно со сокот од лимон пасирајте додека не добиете глатка смеса. Додајте ја смесата од слатката павлака и шеќерот, па уште малку матете во блендер.

Смесата сипете ја во сад и оставете ја да одстои во замрзнувачот преку ноќ. Послужете со малини, бидејќи нивниот освежувачки вкус одлично оди со вкусот на дињата.