Тарт

Состојки
За тесто
310 гр брашно
1/2 лажичка пециво
1 ванилин шеќер
75 мл масло
2 лажици шеќер
120 мл вода
За пудинг
1 ванил пудинг
5 лажици шеќер
300 мл посно млеко
За втор фил
150 гр џем од јагоди
За посип
шеќер во прав

Овој едноставен, а сепак сочен тарт е вистинско задоволство во посни денови.

Подготовка
1. Го замесуваме тестото со ладна вода. Замесеното тесто го оставаме околу еден час во фрижидер, завиткано во најлонска фолија.
2. За тоа време го подготвуваме посниот пудинг. Половина од млекото ставаме во тенџере на рингла да почне да врие. Во другата половина го раствораме прашокот за пудинг заедно со шеќерот. Го ставаме во млекото што врие и мешаме додека да се згусне, па го ладиме пудингот.
3. Тавчето за тарт го премачкуваме со масло. Тестото го размесуваме, па мал дел од него одвојуваме за да од него направиме украси врз тартот.
4. Поголемиот дел го расукуваме со димензии малку поголеми од тавчето во кое ќе го печеме тартот, за да има тесто и на страниците. Со прстите го прилепуваме тестото по страничните ѕидови на тавчето.
5. Врз тестото го ставаме изладениот пудинг, па џемот од јагоди. Правиме форми од останатото тесто, по желба, овој пат срциња со калапче. Ги редиме врз џемот.
6. Го печеме во загреана рерна на 180 степени, додека тестото да ни поцрвени.
7. Го вадиме од рерна, го оставаме да подизлади, па го сервираме. Го посипуваме со шеќер во прав.

Забелешка
Користев делимано тавче за тарт во кое тестото не се лепи, а вие си ги знаете вашите тави, па можеби ќе треба и брашно да ставите за да лесно се вади тартот од нив.
Користев оризово посно млеко за пудингот.

Состојки
Тесто
180 гр путер омекнат на собна температура
170 гр шеќер
1 јајце
1 жолчка
1 ванилен шеќер
1/2 лажиче прашак за пециво
рендана кора од лимон
2-3 лажици сок од лимон
400 гр брашно
Фил
500 гр кајсии без семка
4 лажици шеќер

Најпрво подгответе го тестото за тарт.
Во сад ставет ги путерот, шеќерот, јајцето, жолчката и со миксер, со мешалките за тесто изматете ги да се изедначат и станат кремасти. Потоа додајте ги и останатите состојки кората и сокот од лимон, пецивото, брашното и продолжите со матењето да се добие изедначено тесто.
Префрлете го на набрашнета површина, премесете го и соберете го во топка. Завиткајте го во проѕирна фолија и оставете го во фрижидер да се лади најмалку 1 час, а и повеќе. Како што е топло времето му треба повеќе време да се стегне, за подобро да се работи.
За тоа време подгответе го филот-мармаладот од кајсии.
Кајсиите ситно исечкајте ги и со шеќерот ставете ги да се варат околу 10-на минути додека водата што ја пуштаат не испари. При тоа мешајте ги и истовремено и гмечете ги да се направи слична смеса на мармалад со мали парченца.
Оставете го да олади.
Извадете го тестото од фрижидер и околу 1/4 оставете за украсување на тартот, а од другиот дел развлечите кора сосема малку поголема од тавата за тарт бр 28.
Ставете ја во тавата, порамнете ја по ѕидовите. Дното избоцкајте го со вилушка.
Додајте го филот од кајсии и порамнете го, а одозгора со останатиот дел од тестото напрвите лентички или други украси со калапчиња.
Ставете да се пече во загреана рерна на 180 степени околу 30-35 мин.
Печениот тарт оставете го да олади и потоа послужете го. По желба може да си го посипите со шеќер во прав.

Состојки
Тесто
1,1/2 чаша (240мл) пченично брашно
1 чаша пченкарно брашно
20 гр. квасец
1/2 чаша зејтин
100 мл. топла вода
1/2 лажичка сол
1 лажичка шеќер
За кремот
125 гр. крем сирење
125 гр, сирење
150 гр. кисела павлака
2 јајца
50 гр. рендан кашкавал
4-5 листови босилек
1/3 лажичка сол
зеленчуков фил
5 средно по големина домати
2 стракчиња млад кромид
3 лажички гриз
4-5 сецкани листови босилек
30-40 гр, рендан кашкавал
малку хималајска сол или готварска сол
малку зејтин

Постапката за овој и тоа како добар Тарт е многу полесна отколку што се чини кога се види колку многу текст напишано.

Подготовка
- Најпрво излупете го доматот и исечете на подебелки кругови, ставете ги во тавче постелено со хартија за печење - ставете во рерна нека лесно дехидрираат.
Кога сакам да го правам овој тарт јас уште одвечер или рано наутро прво што ќе спремам се доматите. Не треба да се исушат туку лесно да дехидрираат, ако тоа го правите во електричен шпорет тогаш на 160 степени загрејте ја рерната и нека ги внатре околу 40 мин.
- Ги мешаме двата вида на брашно, го раствараме квасецот во млаката вода, додаваме кај брашното, додадеме и зјетинот. Замесе тесто, се покрива со фолија и нека одстои околу 1 час - не се чека да забележиме дека тестото го удвоило обемот.
- За тоа време во тавка на малку зејтин го пржиме младото кромитче. Го тргаме настрана.

Крем
- За кремот ги мешаме сите состојки со вилушка а може и со пасатор, освен босилекот - листовите ги оставаме цели.
- На побрашнета површина расукуваме округла кора во дебила од 3-4 мм. која кора треба да е поголема од тавата во која ќе го печете тартот, со помош на оклагијата ја пренесуваме во тавчето на кое веќе сме поставиле хартија за печење. Се поставува кората по дното, се подига по зидовите од тавката и остатокот нека виси однадвор. Сега попрскајте ја кората прво со гризот, потоа со пржениот кромид, врз него посипете ренданиот кашкавал, лесно посолете го. Наредете го веке дехидрираниот и оладен домат, врз него ставте ги сецканите листови босилек, потоа налијте го веке спреманиот фил. Краевите вратете ги навнатре.
- Печете во претходно загреана рерна на 180 степени и тоа околу 10 мин. потоа намалете ја температурата на 160 и нека продолжи да се пече уште од околу 40 мин.
- Испечен заедно со хратијата извадете го од тавката, ставете на решетка и барем сочекајте нека малку олади. Милина...

Совет
Сега вака, кој е стрплив да го со рака формира тестото во самата тавка, нека прави така - значи може. На мене ми е полесно да ја исечам хартијата за печење во поголема големина од самата тава, го ставам  тестото врз неа и го сукам... па заедно со хартијата го поставувам во самата тавка. Модлата за Тарт ми беше зафатена, го печев тартот во малото округло Делимано тавче чија големина сосема одговара за овој тарт.
- Уште кога ќе прочитате дека е потребно да дехидрира доматот, можети ќе во одврати од искушението да го спремате,  да не ве учам пак... ќе идете кај комшивката која веке има шпорет на дрва, додека вари таа кафе вие излупете и исечете го доматот, наредете на хартијата, ставете го во нејзиниот шпорет и само соопштете и дека потоа ќе се вратите по него... ама сепак и таа по малку нека погледнува што прави тој - да не се испече. И така...

Состојки
тесто
250 г брашно
120 г маргарин
1 жолчка
1лажичка шеќер
малку сол
50 мл ладна вода
фил
500 г спанаќ (зеље, блитва)
300-400 гр урда и сирење (50-50%)
по потреба сол
1/2 павлака
2 јајца
Рецепт инспириран од Делимано Фантасиа Округлата тава.
Ужинка или доручек а ла Попај морнарот.

Замешајте го маргаринот претходно омекнат со жолчката, шеќерот, солта и потоа додавајте го брашното со прашокот за пециво. На крајот додадете ја ладната вода. Кога ќе добиете убаво и компактно тесто, завиткајте го во проѕирна фолија и оставете го во фрижидер да постои 30 минути.
Во меѓувреме подгответе го филот- спанаќот исчистете го и убаво обарете (да испари целата вода инаку ќе ви дојде тартот длекав). Додадете ја урдата и сирењето и убаво измешајте (јас ја додадов и белката што ми остана од тестото.
Во друг сад ставете ја павлаката и двете јајца и убаво измешајте.

Тартот го расукувате помеѓу две фолии (за да не ви се залепи) и го ставате во Делимано Фантасиа Округлата тава.(немате потреба да намрсувате). Го ставате филот со спанаќот, а најодозгора филот со павлаката. Со високот од тесто правите витки од страната.
Печите во загреана рерна на 200Ц, додека убаво не се зацрвени.

Состојки
тесто
160 гр. брашно
30 гр. какао
60 гр. шеќер во прав
100 гр. путер
1 јајце
прстофат сол
крем од чоколадо
3 жолчки
75 гр. шеќер
40 гр. брашно
300 мл. млеко
1 лажичка екстракт од ванила
150 гр. црна чоколада
останато
2 лажици марамлад од јагоди
50 гр. бело чоколадо
3 лажици шеќер за карамел

Вкусот на чоколадо и јаготки споени во овој едноставен ама навистина вкусен тарт. Се подготвува на следниот начин
1. Во сад се мешаат брашното, какаото, шеќерот и прстофат сол. Им се додава путерот и се меша со раце за да се направат ронки. Се додава јајцето и се поврзува тестото. Се остава во фрижидер околу ½ час да одмори.
2. За кремот се мешаат жолчките, шеќерот и брашното па им се додава млекото малку по малку со постојано мешање за да не се направат грутчиња. Садот се става на тивок оган и се вари додека не се добие густ крем. Се трга од оган,  се додава ванилата и сецканото чоколадо и се меша за да се стопи убаво.
3. Тестото се вади од фрижидер и се расукува во формата на садот за тарт (мојот е правоаголен 35-11см.) . Се боцка со вилушка и се става во загреана рерна на 180Ц да се пече и тоа 15 мин. покриено со хартија за печење и 10-15 мин. без хартијата. Кога печете првите 15 мин. врз хартијата за печење ставете нешто потешко како на пр. зрна грав, леќа за да се задржи обликот на тартот при печењето.
4. Испеченото тесто се остава да се олади, се вади од калапот и се филува со 1-2 лажици марамалад од јагоди па кремот од чоколадо.
5. Одозгора се нанесуваат целите јагоди и се украсува со растопено бело чоколадо и карамел. Карамелот се подготвува така што се растопува шеќерот на оган и потоа со лажичка се нанесува врз тартот.

Состојки
За тесто
300 гр брашно
1 лажичка пециво
1 лажичка сув квасец
3 лажици кисела павлака
120 мл млако млеко
1 јајце
За капрезе фил
250 гр урда
1 топка моцарела сирење
5-6 шери црвен домат
5-6 шери жолт домат
маслиново масло
1 лажица балсамико оцет
неколку гранчиња со повеќе листови свеж босилок
оригано, бибер, сол и други зачини по вкус

Капрезе салатата е надалеку позната, а потекнува и се подготвува на островот Капри во Јужниот дел на Италија. Едноставна по состав, лесна за подготовка, со карактеристични продукти, а сепак вкусна салата. Во мојот случај сервирана во тарт, кој може да ви биде послужен како предјадење, но и како главно јадење.

Подготовка
1. Се замесува тесто од сите состојки и се остава да се дуплира. Го расукуваме во круг во големина на тавчето во кое ќе го печеме.
2. Ставаме врз него хартија за печење и ставаме грав, ориз или како во мојот случај леќа, за да не се надигнува многу тестото.
3. Печеме во загреана рерна на 200 степени околу 15 минути, па го вадиме тартот ја отстрануваме хартијата со тежината и уште 5 минути го враќаме во рерна.
4. Го оставаме да се лади, па потоа го мачкаме со урдата во која сме ставиле зачини по желба.
5. Врз неа ги редиме сечканите домати, листовите босилок и сечканата моцарела. Врз целиот тарт во тенок млаз ставаме капки маслиново масло во кое сме го измешале оцетот.

Забелешка
Тестото е многу погодно да се прави и од вечер, па утредента да се филува. Можете и со ровко путер тесто да го правите овој тарт, мене повеќе ми го сакаат со стасувано тесто, па се одлучив овој пат да ви го прикажам вака.

Шеќер(90 Грама)

Путер(75 Грама)

Јајце(1 )

Мелени бадеми(50 Грама)

Цимет(5 Грама)

Брашно(220 Грама)

Прашок за печиво(1 Грам)

Џем од малини(200 Грама)

Јајце(1 за премачкување )

ПОДГОТОВКА

Овој рецепт се подготвува за помалку од 60 минути

1. Просејте го брашното, прашокот за пециво и циметот во еден сад.
2. Исечете го путерот на коцки и измешајте го со брашното.
3. Месете го путерот со брашното и постепено додавајте ги мелените бадеми.
4. Матете ги шеќерот и јајцето и додајте ги во смесата со брашното. Месете го тестото со раце.
5. Ставете го брашното во фрижидер минимум 1 час.
6. Измерете околу 350 грама од тестото и расукајте го со дијаметар од 24 см.
7. Ставете го тестото во калапот за тарт и притиснете го на краевите.
8. Вишокот тесто исечете го со ножици.
9. Матете го џемот додека не стане мазен и премачкајте го врз тестото.
10. Останатиот дел од тестото расукајте го така што ќе има дебелина од 4 мм и исечете го на еднакви ленти.
11. Наредете ги лентите врз тартот една врз друга.
12. Премачкајте ги со јајце и печете го тартот во загреана рерна на 180 степени околу 30-40 минути.