Оскари 2014-та година

Номинациите веќе се објавени, генерално номинирани се филмовите, актерите, актерките кои се очекуваше да бидат дел од листата кои ќе се тркаат за најпрестижната награда во филмската индустрија - златната статуетка - оскарот..

Оваа година според мене има доста квалитетни филмови кои претендираат за наградата, истото се однесува и за номинираните во најзначајните категории и тоа за најдобра режија, најдобар актер, актерка, споредна женска и машка улога.

Малку ќе им биде тешко при доделувањето на оскарите на членовите на филмската академија поради квалитетот особено во категориите најдобар филм, најдобра актерка, актер, бидејќи е многу мала разликата во даденото од страна на актерите, актерките кои беа исклучителни во своите перформанси.

Во Категоријата најдобар филм се номинирани 9 филмови од кои според мене најсериозни кандидати за оскар се филмовите Американска Измама и 12 Години Робство  на режисерот Стив Меквин, мој фаворит е филмот Американска Измама на маестралниот Дејвид О Расел -но тоа незначи дека доколку оскарот го освои 12 Години Робство тоа ќе биде неправда, сепак се работи за вкус, допаѓање, преференција за одреден филмски проект кој ви се допаднал за нијанса повеќе од другиот, инаку и двата а и останатите номинирани се одлични, се работи за нијанси кои ќе одлучат на кој да му ја доделат статуетката за најдобар филм,  шансите на двата филмови се 50/50 иако мое лично предчуство, впечаток е дека сепак оскарот ќе го освои 12 Години Робство, двата филмови се феноменални, исклучително квалитни од секој аспект- одлична режија, сценарио, феноменалнна актерска екипа, музика костимографија...  филмовите се со голем број номинации првиот со  10 номинации додека 12 Години робство има 9. 

Филмот Гравитација на мексиканскиот режисер Алфонсо Куарон има 10 номинации за оскар но сепак и покрај толку големиот број номинации има помали шанси да освои оскар во најзначајните категории.

За најдобра режија се номинирани Алфонсо Куарон, Девид О Расел, Мартин Скорсезе, Стив Меквин и Александар Пејн. Изгледите за победа се најголеми на страната на Дејвид О Расел и Алфонсо Куарон кој имаат најголеми шанси да ја освојат статуетка за најдобра режија. 

Досега на филмските манифестации кои му претходеа на оскарот како што се Златните глобуси и Critics' Choice Awards наградата за најдобра режија ја освои Куарон но тоа незначи дека и ќе го добие оскарот, мене Алфонсо не ми е за оскар, подобар е Дејвид и Скорсезе, Пејн, Стив, номинацијата Куарон ја заслужи но оскарот???.... Мој фаворит е Дејвид О Расел режисер кој се етаблира и докажа на филмската сцена во последниве 3 години последователно потенцирам последователно со исклучително квалитетни филмски проекти почнуваќи од филмот Fajter 2010, минатогодишниот победник во повеќе категории одличниот Silver Linings Playbook (2012) - Во добро и лошо, и со годинешнава номинација за Американска Измама која му е четврта по ред,  со тоа го потврди квалитетот, реномето на режисер од врвната - премиум класа.

За најдобра актерка посакувам оскарот да го освои Ејми Адамс една од моите најомилени актерки, Ејми го заслужи оскарот со својот квалитет, талент, способности, потенцијали кои ги поседува. Ова и е петта номинација за оскар во последниве 9 години и тоа за Junebug (2005), Doubt (2008), The Fighter (2010), The Master (2012), и годинава за Американска Измама. Девојкава е феноменална секоја втора година има номинација за оскар самото тоа укажува за каков извонреден талент станува збор, иако и останатите нејзини конкурентки во оваа категорија се бриљантни посебно тука би ја издвоил Кејт Бланшет со маестралниот перформанс во филмот Blue Jasmine (2013) на Вуди Ален. Академијата ќе има тешка одлука на кого да му го додели оскарот бидејќи и двете подеднакво го заслужуваат. Сандра Булок нема шанси во трката за статуетката, Џуди Денч многу ми се допадна со нејзината улога во Филомена, додека за Мерил Стрип немам зборови неможе друго и да се очекува од оваа убедливо најдобра актерка на сите времиња.

Трката за статуетката во машка категорија - најдобар актер ќе се води помеѓу Метју Меконахи, Кристијан Бејл, Читал Еџифор, Брус Дерн, Леонардо Ди Каприо сите се одлични и се надминаа себеси со улогите, тука одлуката ќе биде тешка, нијанси се во прашање, Бејл е одличен актер кој освои оскар за споредна машка улога за филмот Фајтер 2010 година на истиот режисер Дејвид О Расел, Леонардо континуирано прикажува исклучителни преформанси, ретко има филм во кој има улога а да не ми се допаднал, сите улоги му се одлични - еден од најдобрите актери од машката генерација на денешницава, Метју Меконахи - позитивно изненади со улогата во филмот која убедливо му е надобра досегашна улога достојна за оскар, претежно досега себеси се профилираше како актер кој игра лесни улоги во комедии и романтични драми - комедии, сите имавме таква перцепција за него, во филмот  Dallas Buyers Club (2013) се покажа и докажа во сосема поинакво светло, во улога која ја донесе доста моќно, уникатно, оригинално, со самото тоа ја зацврсти позицијата на актер кој може да одигра и доста тешки - сериозни улоги, квалитетот кај Меконахи исплива на површина - дали тоа ќе го круниса со оскар ќе видиме за некој месец. Еџифор имаше одличен перформанс во филмот 12 Години Робство и доколку го добие оскарот тоа ќе биде сосема заслужено.

Во категоријата споредна женска улога најсериозни шанси имаат Џенифер Лоренс која минатата година го освои оскарот за најдобра актерка за филмот Во добро и лошо на режисерот Дејвид О Расел, потоа Џулија Робертс, Сали Халкинс, Џун Скиб.

Оскарот за споредна машка улога ќе замине во рацете на еден од овие актери Баркад Абди, Бредли Купер, Џона Хил - на кого ова му е втора номинација за оскар за споредна машка улога по првата номинација за филмот Moneyball 2010 на режисерот Бенет Милер, во секој случај се работи за талентиран актер на кој му предстои успешна кариера, Бредли Купер - кој минатата година беше номиниран за истава награда за филм од истиов режисер О Расел, и тој во последниве два филма за кои има номинација се докажа како доста квалитетен актер кој има потенцијал, Мајл Фасбендер - актер кој е во кругот на актери чии квалитети дојдоа до израз последниве неколку години посебно ми се допадна минатогодишната негова улога во филмот Shame (2011) од истиов режисер на овој филм за кој е номиниран - Стив Меквин, Џаред Лето - ме импресионира со неговата улога во филмот Dallas Buyers Club (2013) и според мене има најголеми шанси да го освои оскарот за споредна машка улога, инаку тој е дебитант кога се работи за оскарите исто како Меконахи ова му е прва номинација која најверојатно ќе биде крунисана со оскар.

Оскарот за најдобар анимиран филм ќе го освои Frozen (2013) 

За филм од англиско неговорно подрачје се номинирани

The Broken Circle Breakdown (2012): Felix Van Groeningen(Belgium)

L'image manquante (2013): Rithy Panh(Cambodia)

The Hunt (2012): Thomas Vinterberg(Denmark)

La grande bellezza (2013): Paolo Sorrentino(Italy)

Omar (2013): Hany Abu-Assad(Palestine)

Најголеми шанси имаат филмовите  La grande bellezza (2013) на Паоло Сорентино,  L'image manquante (2013) и данскиот The Hunt е во игра но со помали шанси.

Тоа беа воглавно номинираните во најзначајните категории

Сметам дека неколку филмови годинава беа онеправдани и исклучени од трката за оскарите а се исклучително квалитетни и тоа Inside Llewyn Davis (2013) на маестралните браќа Итан и Џоел Коен потоа филмот Rush (2013) кој е одличен, филмот The Butler 2013 неоправдано беше иземен од оскарите  и многу други филмови кои заслужија номинација а беа исклучени од трката за најпрестижната награда во филмската индустрија

Очекувам од останатите членови на форумов љубители на филмот да земат активно учество во темава се со цел да развиеме квалитетна дебата, дискусија.

Анастеа напиша: Сношти до изгледав American Hustle и денес веќе не мислам на него. Сакам филмови кои ќе ме натераат да ги изгледам и по втор пат и да размислувам за нив. Овој не е таков. Не ми остави којзнае каков впечаток. Можеби и темата дека не ми е од омилените, повозбудливи ми се филмови со посуштинска обработка на карактери. Тоа си е до вкусот. Инаку филмот си е убав, одличен би рекла. Најсмешен момент ми беше Ричи со витлерите. Е на него ќе се сеќавам. Ејми Адамс одлична во улогата. Но во споредба со Бланшет, би и го дала Оскарот на Кејт. Повпечатлива ми беше улогата, можеби и дека беше стожер на филмот. Инаку Оскарите одамна не ми се мерило за квалитет на еден филм (откако дознав дека  “Роки“ има добиено Оскар...). Едно големо напумпано шоу. Туку јас да се најдам на муабет. А и Пантер ме натера со коментарот да изгледам повеќе филмови. На ред ми е Волкот... ама не знам дали ќе го изгледам. И онака Леонардо ич не ми е симпатичен.

Мило ми  е што ја поттикнав дискусијата на темата оскари а уште повеќе што мотивирав неколку членови да погледнат дел од филмовите номинирани за оскар

Во врска со Американски измамници и коментарот на Анастеа  можам само да надополнам сепак се работи за вкус тоа е точно, дали одреден филм ќе биде според нашите очекувања, преференции, жанр, најповеќе зависи од тоа колку ние се вклопуваме во самата приказна од аспект на сите погоренотирани нешта кои ги набројав. Филмот е одличен од секој аспект, нема мана во ниту еден поглед, Ејми заслужено треба да ја добие статуетката за најдобра актерка иако  Бланшет подеднакво ја заслужува наградата, но сепак Ејми за нијанса според мене беше подобра но и ова и е петта номинација во последниве 9 години а нема досега освоено оскар, додека Бланшет која има 6 номинации и еден оскар за споредна женска улога за филмот Авијатичарот е во поповолна позиција од тој аспект гледано, мал куриозитет кога се работи за Кејт - има две номинации во 2007 година и тоа за најдобра актерка за филмот Elizabeth: The Golden Age - 2007, и номинација за споредна женска улога во филмот I'm Not There - 2007. 

Изгледај го Волкот и кажи каков впечаток ти остави. Денес го гледав по втор пат, некако не ми беше легнат првиот пат, не ми беа целосно средени впечатоците во врска со истиот. После второто гледање можам да кажам дека Лео ја зацврсти ја забетонира својата позиција на еден од најдобрите актери во Холивуд моментално, кај него се забележува таа сестраност, повеќеслојност на актер кој може да одигра секакви улоги и карактери, со самото тоа  се потврди  и докажа дека веќе е зрел изграден актер кој се надмина себеси со улогата во филмот и дефинитивно го заслужи оскарот.

Пс  Единствена забелешка во врска со филмот Волкот од Волт Стрит е неговата должина, мислам дека би можело истиот да биде склопен за два часа. Но доколку се внесете во самиот филм, со интерес го гледате, нема на ви биде досаден.

емил напиша: Valerija напиша: Ј За Волкот се мислам,искрено и мене ми е антипатичен Ди Каприо ама ќе го гледам кај и да е деновиве:)   Ја с го гледав пре 2-3 дена . Не успеа да ме грабне ама и не е лош .....средна работа

Кој филм од филмовите номинирани за оскар ти се допаѓа најмногу?

Пс битно е дека минатата година имаше сетило и можеше да препознаеш добар филм, го паметам коментарот кој го даде за филмот Арго за кој имаше многу позитивно мислење и ти остави огромен впечаток.