Миранда Кер е ѕвездата од ноемвриското издание на Cosmopolitan. 30-годишната манекенка позираше пред објективот на Мет Џонс во креации кои го раскриваат нејзиното тонирано тело.

Кер, која неодамна ја прекина соработката со Victoria’s Secret за да се фокусира на сопствената козметичка компанија и на семејството, во интервјуто за списанието зборувала за амбициозноста, работењето како модел и Орландо Блум.

За работењето како модел: „Мојот живот сега е побалансиран отсекогаш. На почетокот имаше многу одбивања. Моделите се едни од најнесигурните луѓе кои ги познавам. Постојано некој им кажува дека не се доволно добри. Мораш да вежбаш да се сакаш себеси.“

За амбициозноста: „Многу сум посилна отколку што мислат луѓето. Основав своја компанија, инвестирав свои пари во неа и сум вклучена во секој дел од неа. Јас сум таа личност која вели дека без оглед на проблемот, има решение. Ако некој ми рече дека нешто е невозможно и не може да се случи, јас велам: Возможно е. Ќе седам тука додека не ти покажам дека е. Не можам да прифатам НЕ за одговор и да се помирам со тоа.“

За колекцијата долна облека: „Купувам парчиња долна облека додека патувам. Тие ми се како сувенири.“

За сопругот Орландо Блум: „Кога го видов Орландо во „Ромео и Јулија“ на Бродвеј, бев одушевена. Имам голема почит кон него.“