Да им помогнеме на Игор,Спасе,Никола и Филип!

На возраст од седум до 13 години секојдневно патуваат со воз до Велес за да ги посетуваат настава во основното училиште “Васил Главинов”. Железничката станица Рајко Жинзифов” е нивниот втор дом. Од селото доаѓаат на станицата и со часови го чекаат возот со којшто патуваат до и од училиштето. Нивниот татко Ванчо вели дека со тешко срце ги гледа своите деца како се мачат. Игор, Спасе, Никола и Филип не добиваат ни кифли за ужинка како сите други ученици во училиштето.

Семејството се соочува со доста финански проблеми но не ја губат надежта дека некои од институциите ќе им помогнат. Нивниот татко вели дека ако треба тој нема да јаде, ама нема да дозволи неговите деца да не одат во училиште.

Затоа, АПЕЛ ДО СИТЕ ХУМАНИ СРЦА отворена е жиро сметка на која можете да ја дадете Вашата помош за овие четири дечиња.

200001425395689 Стопанска банка,Ванчо Попов.

Линк до целата сторија: Игор, Спасе, Никола и Филип немаат пари ни за кифла!

Група на Фејсбук: Помош за Игор,Спасе, Никола и Филип

Доколку хуманите луѓе сакаат да контактираат со таткото или пак со Игор, Спасе, Никола и Филип можат да го сторат тоа на телефонот 077 846 037.

Помошта за братчињата од велешко Слп стигна со магариња

Четирите братчиња Игор, Спасе, Никола и Филип и нивните родители Ванчо и Славица викендов со солзи радосници ја примија помошта во храна, облека и пари коишто за ова социјално загрозено семејство од велешкото село Слп беа собрани во хуманитарната акција која наиде на голем одзив во повеќе македонски градови.

Поради непристапниот терен до селото Слпп, помошта во прехранбени продукти, брашно, шеќер, масло за јадење, препарати за хигиена, облека, тетратки, моливи, пенкала и друг училишен прибор, како и пари и мобилни телефони стигна во неделата до семејството Попови натоварена на две магариња.

Организаторите на хуманитарната акција во која се вклучија голем број на хумани луѓе од повеќе македонски градови, а централниот настан се одржа во саботата во Скопје, по неуспешен обид со возила да стигнат до Слп, беа приморани по алтернативни патишта да се сретнат со Ванчо и неговите синови во местото Манастири, оддалечено еден час пеш од нивниот дом во зафрленото велешко село.

„Во мое лично, и во име на моите четири сина, сакам да им се заблагодарам на сите хумани луѓе кои ни помогнаа колку што можеа. Неизмерно сме им благодарни на сите нив“, рече таткото на четирите братчиња, на возраст од седум до 12 години, кои почесто се гладни, отколку најадени и секојдневно пешачат по неколку километри за да стигнат до нивното училиште во Велес.

Хуманитарната акција чијшто иницијатори се Александар Михаиловиќ, Стефан Пејовски, Магдалена Таневска и Самоил Арсов, со поддршка на невладината Млади за љубов и претставници на Центарот за помош на деца од интернатот Гоце Делчев од Љубанци, продолжува во текот на оваа недела.

Ракометниот клуб Металург најави дека приходот од продадените влезници од претстојното дерби против Вардар ќе го донира за помош на четирите деца од велешко Слп.