Литванија 2011

Неколку автобуси со грчки граѓани утринава пристигнале на преминот Богородица и започнале бојкот, и воопшто не дозволувале никаков протек на патници, јавува агенцијата Нетпрес.

Тие дошле на границата со намера за протести, најверојатно по вчерашниот пораз на грчката кошаркарска репрезентација од страна на Македонија, со транспаренти на кои било испишано “Македонија е грчка“ и останати погрдни зборови, а постојано го изложувале и знамето со симболот од Кутлеш.

Од граничниот премин “Богородица“ за Нетпрес ја потврдиле оваа информација, додавајќи дека протестите се од грчка страна, но и дека се уште немаат информација зошто се покренати истите.

За потсетување, во последно време грчката ирационално однесување во однос на наметнатиот спор за нашето име, кулминираше со закани и повик за кршење на локалната радио станица на Македонците во Егејскиот дел на Македонија, потоа грчките власти уапсија македонски новинари кои известуваа за празнувањето на македонското малцинство во Грција, за да сега грчката хистерија во однос на нашата земја и народ натера поголема група Грци да дојдат да ја блокираат македонско-грчката граница.

Последново, верувале или не, е предизвикано од вчерашната победа на Македонија врз кошаркарската репрезентација на Грција.

Што ли треба да очекуваме на 8. септември, за кога има најави дека ќе добиеме роденденски подарок во вид на признавање под уставното име од една голема и важна држава, каде живеат големи заедници на македонското и грчкото малцинство.

Со три победи и еден пораз Македонија успеа да се пласира во наредната фаза кога првите три првопласирани репрезентации се вкрстуваат со најдобрата тројка од групата од каде доаѓаат Словенија и Русија.

Попладнево Антиќ, Меккејлеб, Илиевски, Гечевски, Самарџиски, браќата Стојановски, Чековски, Соколов предводени од селекторот Марин Докузовски ја поразија Финска со 72: 70, во израмнет натпревар каде резултатот се кршеше во текот на целиот натпревар.

Македонија пред полувремето водеше со 10 разлика, но мотивираните Финци стигаа, па дури и поведоа.

Во финалната четврта четвртина Македонија одигра солидна одбрана, но нападот не функционираше најдобро. Во трилер завршница мечот беше решен во корист на Македонија од Бо Меккејлеб со 72:70.
 

Најдобрите три репрезентации од секоја од шесте групи во кои се играше првата фаза, се пласираа во втората, каде ги формираа групите Е и Ф со по шест екипи.

Нашиот тим со максимален учинок од четири пренесени бодови влезе во групата Ф, заедно со Грција и Финска од својата група, и Русија, Словенија и Грузија од групата Д.

До разврската за четирите патници кои ќе продолжат во четвртфинале, не очекуваат натпреварите против Грузија (утре во 14.30), Словенија (сабота во 18.00) и Русија (понеделник 21.00).

Пресметките велат дека, благодарение на одлично одиграната прва фаза и пренесени четири бодови, доволна ќе биде само една победа за да обезбедиме четвртфинале.

По првата победа тргнуваме веднаш, уште утре против Грузија која ќе мора да игра без својот најдобар поединец, НБА играчот Заза Пачулија, кој се повреди против Бугарија.

После досегашната убедлива игра и големи победи против Хрватска и Грција, нема зошто македонските кошаркари да не атакуваат за победа и против фаворитите на хартија, Словенија и Русија.

Најдобрите три од групите А и Б ја создадоа групата Е каде ќе се бараат четвртфиналисти меѓу Франција, Србија, Шпанија, Турција, Литванија и Германија.