Ја отварам оваа тема со еден интересен настан во Дојран, каде што полека се враќа сјаот кој го имаше како туристичка дестинација од пред 20 тина година. Згоре на се во последно време се организират многу интересни настани кои пред се се ослободени од шунд музика и турбофолкови кои за жал во последно време се се почести во Охрид.



КИРИЛ ЏАЈКОВСКИ, СУПЕРХИКС, Antenna 5 DJs, Vladich (Infuse)...

Ова лето во Дојран ќе се одржи првото издание на Д Фестивал во организација на Antenna 5 Radio и Password Production. На први август македонската публика на дојранското крајбрежје ќе има убава можност да биде дел од овој музички хепенинг под отворено небо.

Првиот хедлајнер на програмата на Д Фестивал е нашиот најпознат артист од електросцената Кирил Џајковски. Ова е неговиот прв настап за годинава во Македонија, кој е дел од богатата европска турнеја во чии рамки Кирил одржа низа успешни настапи на големите фестивали низ Европа. Во Дојран Кирил Џајковски ќе настапи со MC Ghetto Priest поранешниот MC во Asian Dub Fondation.

Второто потврдено музичко име на Д Фестивал се балканските ска миленици Суперхикс чија турнеја е истотака во тек и од почетокот на годинава имаат закажано 25 концерти низ земјите на балканот и Европа. Веднаш после одличните концерти на Егзит во Нови Сад и ВУМ Фестивал во Хрватска, Хикси ја носат својата концертна енергија пред домашната публика која ќе има можност да се забавува со добро познатиот репертоар на групата но и материјалот од нивниот најнов албум кој треба да излезе годинава.
Покрај Кирил и Суперхикс, публиката на Д Фестивал ќе ја забавуваат диџеите на Антена 5 Радио, Владич (Инфјуз) и други.

Д Фестивал ќе се одржи на просторот на паркингот Гранит во Дојран кој нуди идеални услови за одржување на масовен музички хепенинг на дојранското крајбрежје. Просторот има вкупен капацитет од 10.000 посетители и се наоѓа помеѓу Нов и Стар Дојран, во близина на плажата, а сето тоа гарантира нова несекојдневна можност за забава до утринските часови меѓу подзаборавените убавини на овој регион.

Цената на билетите во претпродажба изнесува 200 денари и може да ги најдете на тикет сервисот www.mktickets.mk и во Југотон (ГТЦ 1 спрат, Скопје), а билетите на влезот на фестивалот ќе чинат 300 денари .

Дојран има добри потенцијали за туризам, дури и да немаше, има стратешка туристичка положба барем за викенд туризам како попатна дестинација, само имаат уште многу работа за средување
бев минатиов месец таму на недела дена и убаво си поминав, пријатни забелешки ми се што им направиле убав кеј, отвориле разни локали, а помага и тоа што го отворија фестиалов (штета не останав за него)
лошо е што сеуште ја немаат скротено екологијата, плаѓите им се диви, а езерото полно со треви и див свет како и опасности за пливачите, исто така инсектите живи ќе ве изедат ако не се заштитите
ме изненади што има доста сместувачки капацитети, иако недоволни во одредени времиња

Дојран ќе привлекува гости со уредено крајбрежје

Просторот околу градската плажа во Дојран и по должината на пешачката патека е претворен во вистинско градилиште. На големо се уредуваат парковите и зелените површини кои, освен дебелите сенки, досега не им нудеа ништо на туристите и на посетителите. Големи багери ја чистат тињата од водата кај зоните за капење, а купишта плодна земја се истура врз запуштените површини крај плажите.

По враќањето на водата во езерото, по еколошката катастрофа што се случи во деведесеттите години од минатиот век, дојрани исполнети со оптимизам очекуваат враќање на некогашниот сјај на езерскиот туризам.

- Се трудиме колку што можеме, но трудот и можностите зависат од парите. Ако имаме пари, ќе завршиме с` за 15 дена, ако нема, ќе завршиме за 35 дена - вели градоначалникот на Дојран, Глигор Чабулев.

Тој додава дека сите зафати на уредувањето на крајбрежјето и плажите ќе бидат завршени до крајот на мај и почетокот на јуни. Освен пуштањето во употреба на пешачката патека во должина од 3,5 километри, во која беа инвестирани 53 милиони денари, првиот човек на Дојран најавува и многу нови урбани и културни содржини и претворање на досегашните диви плажи и просторот околу нив во уредени катчиња.

Граѓаните на Дојран велат дека толку промени на просторот околу нивниот Ѓољ не се случиле се децении.

- Во Дојран никогаш толку многу не се градело, можеби од времето кога бил изгорен и урнисан. Досега туристите најмногу забележуваа на неуредниот простор околу езерото и на нехигиената, но сега ќе нема на што да се жалат - вели Митко Грошев, жител на Дојран.

И угостителите и хотелиерите се задоволни од преземените чекори на локалната власт. Хотелските капацитети годинава очекуваат гости од Холандија, Турција и од Бугарија. Угостителите, пак, имаат забелешки на тоа што повеќе години нема концесионери за стопански и за рекреативен риболов бидејќи, како што велат тие, во Дојран никој не доаѓа да јаде ќебапи, туку риба.

Од Туристичкиот инфо-центар велат дека лани во Дојран престојувале 25 илјади гости, кои оствариле 120 илјади ноќевања.

- Годинава очекуваме да го наминеме ланскиот број, но пред с` апелираме до нашите сограѓани да не ги прикриваат гостите. Лани имаше контроли од страна на Општината, но годинава тие ќе бидат почести и ќе има казни за несовесните издавачи на соби - вели Магдалена Kречева од Туристичкиот инфо-центар.

Туристичката сезона во Дојран почнува во средината на јуни, а шпицот е од 20 јули до крајот на август

ubavina...moram  da odam tamu

Распеани градови-Дојран