Динамо казнет поради македонското знаме?!

Казната за Динамо од УЕФА поради веење на македонското знаме на мечот од Лига Европа против грчки ПАОК веројатно е прва во историјата на фудбалот некој клуб да биде виновен поради покажување официјално државно знаме на трибините


     
     
Мајнц досега не е казнет поради македонското знаме на трибините
Одлуката на Европската фудбалска унија (УЕФА) да го казни Динамо Загреб со 20.000 евра поради, меѓу другото, истакнување на македонското знаме на трибините, веројатно е преседан во историјата на светскиот фудбал.

Веењето на нашето државно знаме на трибините на „Максимир“ на мечот од Лига Европа помеѓу Динамо и солунски ПАОК, во декември, беше пријавено од грчката страна како провокација, по што УЕФА минатата недела му изрече ригорозна казна на загрепскиот клуб.

- Казнети сме поради неколку петарди, фрлање запалки и пластични шишиња, како и поради провоцирање на гостите. Како провокација е наведено развеаното македонско знаме - изјави за хрватските медиуми директорот на Динамо, Дамир Врбановиќ.

Притоа, динамовите навивачи воопшто не беа казнети за палење и напад на автобус со грчки навивачи во Нов Загреб, поради тоа што делегатот на УЕФА одговорен за безбедност изјавил дека клубот направил сé што е можно за сигурноста на гостите. Дополнително, на првиот меч помеѓу овие две екипи, кој се играше во октомври во Солун, домашните навивачи вееја голем број „провокативни“ српски знамиња, но Грците воопшто не беа казнети.

Во членот 11 од Дисциплинскиот правилник на УЕФА стои дека има основа за казна ако навивачите употребуваат гестикулации и манифестации што пренесуваат пораки што не соодветствуваат на спортскиот настан, особено ако се политички навредливи или ако имаат провокативна природа.

Затоа навистина изненадува фактот што веењето на официјалното македонско знаме, кое се користи и во билатералните односи со Грција, е прифатено од УЕФА како „политички навредливо и провокативно“, иако на речиси секој фудбалски натпревар во светот се истакнуваат најразлични знамиња.

Колку би требало да бидат казнети навивачите на Англија, кои на дуелите против големите ривали Шкотска, Северна Ирска и Велс истакнуваат безброј знамиња на големото кралство Велика Британија? Или, пак, навивачите на шкотски Селтик, кои на секој меч од вечното дерби против „унионистите“ Глазгов Ренџерс мавтаат со ирски знамиња? Интересен е и случајот со навивачите на Ајакс, клуб чиј стадион во 30-тите години од минатиот век се наоѓал во еврејско маало во Амстердам. Поради тоа навивачите на овој познат холандски клуб почнале да се нарекуваат „Суперевреи“ и на трибините да веат израелски знамиња на натпреварите против која било противничка екипа, без разлика дали во неа играат муслимани, кои би можеле тој гест да го сфатат како провокација.

Често се забележува на натпреварите на клубови од најквалитетните лиги во Европа да се вее знаме на земјата од која е некој играч на екипата. Така, на пример, на секој меч на бундеслигашот Мајнц, чиј капитен е македонскиот репрезентативец Николче Новески, на трибините има барем по едно македонско знаме. Сепак, клубот досега не е казнет, и покрај тоа што во голем број противнички екипи има грчки играчи. Македонски знамиња има и на мечевите на Интер, а во минатото и на Нирнберг, НЕЦ Најмехен, Ајнтрахт..., па дури и на „неутралната“ Барселона.

Ova se navivacite na paok a uefa ne prevzede nikakva merka poradi ovaa parola koja predizvikuva nacionalna omraza i ne go kazni klubot paok,a dinamo e kaznet poradi naseto zname sto go veeja nasite braka hrvati.

zeksi dobro jas pogresno napisav za sirenjeto na nacionalna omraza aj objasnimi zosto dinamo bese kaznet poradi toa sto navivacite go izvadoja naseto zname

Тоа е дечки,двојни аршини,чудна одлука.

Ама се се мислам дека темава е за во Фудбал