The answer to life, the universe, ФСМ and everythi

За да може реално да дискутираме за денешното ФСМ, неговото уредување, вршење на основните цели и задачи, вршење на активности, изложби на ФСМ, звања и ред други работи, најпрво мора да ја осознаеме историја на нашиот сојуз, причините и начинот на кој е оформен.

Со завршувањето на Втората Светска војната, се јавува недостаток на технички обучен кадар кој ќе ја индустријализира Југославија. Од тие причини Југославија инвестира во градење на Домови на Техничка култура, во скоро секој град, без разлика на бројот на жители. Домовите на Техничка култура претставуваат збир на техничко творечки друштва од типот на фото и кино друштво, радио друштво, електро, моделарство, бродо-моделарство, ракетно-моделарство, аеро друштво и ред други во кои нема никаков стручно едуциран кадар, туку обуките ги вршат занаетчии или луѓе кои се имаат сретнувано со таа област. Друштвата од Народните техники со цел подобро дејствување во своето поле се здружуваат во сојузи, па така на територијата на Југославија се формираат републички сојузи. Еден од нив е Фото-Кино сојузот, кој во Македонија подоцна ќе се подели на два сојуза и тоа Фото и Кино Сојуз кои имаат свој правилник на органицација, уредување и работа. Правилникот на ФСМ, во Штип по распадот на Југославија, беше благо адаптиран од Правилникот на Југославија, се со цел побрзо правење поени, освојување на класи и прилагодување на условите во девеесетите.

Поентата на Домот на техничката култура, Сојузот, друштвото/клубот беше да се создаде квантитет, додека поентата на звањата беше да се издвои квалитетот од квантитетот.

Но, времето ги прегази Домовите на техничка култура. Со отворање на катедри по фотографија, по ова и по она, Домовите прераснаа во чир и непотребна институција во државата. А клубовите кои беа место на кое можеше да се размени мислење по однос техничката култура и уметноста, кај што можеше да се види трудот и креативноста на другарот, ја изгубија смислата со доаѓање на глобализацијата и интернет комуникацијата. Просториите на клубовите станаа простории за издавање, а на клупите кај што влегувавме во светот на фотографијата сега седат студенти.

И некако само по себе се наметна прашањето како и зошто ФСМ остана да постои како огранизација, кога нејзините основни цели и задачи беа непотребани за општеството и државата. Епа драги мои читатели, Фото Сојузот на Македонија во живот го одржа ФК Елема на чело со професорот Цветан Гавровски, само поради личните интереси на истите. За да влезе Фото Медиа во светскиот календар на изложби на ФИАП, Македонија мораше да има свој претставник, свој сојуз кој ќе ја претставува и кој ќе плаќа чланарина на ФИАП. Во редовите на ФК Елема имаше предлог за зачленување во ФИАП како самостоен клуб, но тоа ќе го оптеретеше клубот со додатни трошкови околу самата изложба.

Иако ФСМ беше на неколкупати користен само за интересите на ФК Елема, иако финансиите на ФСМ на неколкупати се сливаа во ФК Елема, треба да сме благодарни што ја одржаа оваа организација во живот, која во најново време доби многу поинаков правец за разлика од ФСМ за време на Југославија. Работите станаа многу променливи со промена на претседателот Цветан Гавровски. ФСМ од една затворена организација, стана отворена за сите клубови и самостојни автори. Играта за превласт одпочна.

Тајните пактови и преговори помеѓу Фотографика, Козјак и Чкрап за изгласување на ново претседателство најверојатно беа причините за јаката иницијатива на ФСМ, односно Елема да формира нови фото клубови и групи како примерот со Кочани и Куманово.

Ако ФСМ имаше период во кој можеше да згасне, сега е времето кога стои најмалку на два столба Елема и Козјак и двата тешко користољубиви клуба кои нема да дозволат негово пропаѓање, само поради членството во ФИАП. Како и да е, верувам дека не очекува еден прекрасен период за фаќање сеир.

вотс да поинт ?
(и вот из шутер рилис батн?)

сериозно.

StarLisec - што е твојата намера со овие 2 поста? не контам.

јас сериозно очекувам СратЛисец да ми одговори на прашањето, со, ако е тоа можно, посмирен тон,  која е поентата на неговита 2 поста. Благодарам.


Изменето од сашо - 10.Декември.2010 во 11:50

Почитувани читатели, изложбите во Македонија отсекогаш беа проткаени со малверзации, местење на награди и непотизам. Имаше кавги, имаше расправии, имаше дебати, но на крај сите кренаа раце и и оставија на Елема да си ги дели наградите меѓу на своите. И тоа траеше, траеше, се додека претседателот на Елема, Дарко не направи кардинална грешка при неговото интеврју за весникот Теа Модерна 2007 година. „Во Македонија постои само еден активен клуб – Елема“.

Следеше бурна реакција и огромен излив на емоции од секаде, но ништо не можеше да се спореди со реакциите на Драги Неделчевски и тогаш малата група Чкрап, кои влегоа во медиумска конфротација со Елема. Крајот на битката и закопувањето на секирите беше означено со една фото дружба, кај што падна и договорот Драги Неделчевски, човекот без класа, да влезе во жири комисијата на ДМФ 2009. Со оваа акција Елема кратковремено го смири Чкрап, но од него побараа да биде сојузник против тогаш големата Фотографика. Овој пат Елема плати авансно со доделување на трето место на Драги во Куманово 2009.

Резултат на плаќање на долгот и замолчување на Чкрап, донесе награди во клубот, вратите на Зоран освоиа награда иако вистинкси имаше многу поуспешни фотографии на ДМФ 2009. А авансната награда во Куманово, подоцна ќе се покаже како непотребна, зошто на повидок беше нова генерација во Козјак.

Војната која Фотографика им ја објави на Елема, пополека ја губеше. Фотографика, клубот со дури сто члена (како што се декларираа), беше осуден на пропаст од самото оформување, факт кој не и беше познат на Елема. Клубот без адреса си ја запечати судбината при организација на ДМФ 2009. Она што ден денес Фотографика не може да го разбере, зошто изложбата беше најкритикувана не беше големиот број на примени фотографии, туку катастрофалниот избор за поставка. Наградите од самиот почеток се знаеше дека ќе бидат наместени, но изборот требаше да биде коректен и уметнички. На жалост неукоста на луѓето во жирито и надгласување на претседателот на жирито, Цветан, го даде лошиот резултат.

Годината одмина, долгот кон Чкрап беше вратен, авансно истиот клуб се придоби за сојузник против непријателот, а Фотографика доживеа крах и пораз, како од внатрешно нерешените проблеми, така и од непријателот Елема.
Но, дувна северниот ветер и на македонскта сцена се појави поголема група на луѓе кои имаа тенденција, моќ и знаење да ги совладаат сите фото клубови во Македонија. Предводени од Владимир Јовановски, (наредниот Јанкуловски во Македонија, едниот Центар на Македонската фотографија, другиот Музејот на Македонската фотографија), син на познатиот Душко Јовановски, а потпомогнати од вечниот и блискиот пријател на Цветан, Душко Доцевски, влеа организациски страв во редовите на Елема.

Мораше да се реагира, мораше Кумановците да се поделат, мораше Елема да има сигурен сојузник во Куманово. Решение најдоа во поткупување на Доцевски со звањето кое подолго време го очекуваше - КМФ. Доцевски оформи нов клуб, Куманово беше поделено, но провидната акција на Елема ја увиде Козјак и почнаа притисоците врз ФСМ. Козјак веќе имаше успешен модел кој можеше да го користи, моделот на Чкрап, покажи ги забите, отвори ја устата и се полни се со награди. Елема повторно се најде задолжена но овој пат во очите на Козјак. Како и претходниот долг и овој се раздолжи на ДМФ 2010.

Македонските фотографиите кои на Куманово 2010 освоиа награди, каде имаше учесници од 50 земји, сега не се ни гледаа, се форсираа кумановските автори. Козјак излезе како победник на ДМФ 2010, со најмногу награди, а за да се премолчи скандалот, на гласоноговорникот и човекот без влакна на јазик, Драги Неделчевски му беше доделана диплома.

Почитуван администратор

Ќе го задржам правото кое правилникот на форумот ми го дозволува, а тоа е да останам анонимен.
Во секоја од темите јас ги разработивам веќе постоечките проблеми и давам излезно решение. Прашањата што следат, се неозбилни или пак се одговорени при моето излагање.

До вас испраќам протесна нота, за спојување на моите излагања во една тема. Секој проблем за кој дискутирам е кардинален проблем на македонската фотографска сцена, а тематиките една од друга се со огромна разлика да се стават во едно купче.

Би ве замолил последната тема која ја имам отворено, а е со наслов Капитализмот и ДМФ, да се одели и да го добие местото кое го заслужува, во спротивност ќе го изразам мојот протест со престанок на објавување на тајните кои лежат во скриени меѓу фотографите од нашата генерација, а еве и од младата генерација.

Pocituvan star lisec, ako nesakate da se pretstavite, sto e vase pravo, togas ne e vo red da gi imenuvate ostanatite po ime i prezime. Promenete gi postovite kade sto imate koristeno iminja i preziminja vo inicijali i prodolzete da pisuvate vo inicijali a temite ke vi gi odvoime. Ne e vo red da spomnuvate lugje a da go kriete svojot identitet. Ili ke pisuvame otvoreno i ke kazeme koi sme, ili ke pisuvame vo zaviena forma i nema da go otkrivame svojot identitet. Stavete se na mestoto na tie po koi sto gi spomenuvate.

Изменето од Александар_А - 13.Декември.2010 во 10:04

Protestna nota - na forumot za muzika. Ovde se prifaka samo protesten foton.